Malkus 10:52 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵² Yuk si Isa niiya, “San ko ba moleꞌ na. Kaulian na ko sina sabapan pangando nu.” Dari siꞌ, sarunduun du ya ngita sampay lay na ya patuhut ni si Isa.

Malkus 10:52 ပူးပေါင်းရင်းမြစ်များ

Matiyu 11:5

Baan bi ya jama buta ngita na, jama tongkaꞌ kapalān na paayad, jama inipu kaulian na, ma bisu kale na, sampay jama bay matoy llum na. Maka jama miskin bohoꞌ da kagamgaman sabap luu na umanat mahap pinasaplag ninsila.

Matiyu 12:22

Pag-anu siꞌ, luu na baw disu lalla buta ka umaw leꞌ seytan binoo pa mman si Isa. Iya siꞌ tu lay du kaulian meꞌ si Isa sampay ngita na ya maka kabitsala na.

Matiyu 15:28

Yuk si Isa ni danda looy, “Nang, biddaꞌ na baw bitu basag pangando nu. Duwan ta na ko.” Dari paddus na pin halling na, magti du kaulian anak na.

Matiyu 21:14

Sasang si Isa masi ni haman langga mehe, luu na baw pa mman na ga jama buta ka ga jama tongkaꞌ. Pag-anu siꞌ, lay na sila inulian meꞌ na.

Matiyu 8:3

Pag-anu siꞌ, lay tappak si Isa bumbunan na sambayan na halling, “Kuhi ku ba. Kaulian na sina ko.” Dari siꞌ, sarunduun du lanyap ipu na.

Matiyu 9:22

Pag-anu, pateleꞌ na si Isa. Pag lay jaꞌ takita na danda looy, yuk na, “Daa na ko ba Nang susa. Kaulian na sina ko sabapan pangando nu.” Dari magti du lay koleꞌ danda looy.

Malkus 1:31

Pag-anu siꞌ, pasōng na si Isa pa mman danda looy maka lay na helaꞌ na tangan na binangun. Dari siꞌ, sarunduun du lakka lammun na sampay iya na ga bay motangan sila.

Malkus 5:34

Dari yuk si Isa ni danda looy, “Nang, ilooy ilay siꞌ man nu lay na kasay sabapan pangando nu. San ko moleꞌ na. Pasannangun na atay nu. Lay na du lakka saki nu.”

Malkus 8:25

Dari ilooy ma tinappak na baw balik mata na meꞌ si Isa. Pag kallat lalla looy mata na, ilooy ma kaulian na ya sampay tallak na pangandaan na.

Lukas 7:50

Sugaꞌ gam pin ndarahan gi meꞌ si Isa halling na ni danda looy, yuk na, “Salamat na sina ko sabapan pangando nu niyaku. San ko moleꞌ na. Maka pasannangun na atay nu.”

Lukas 9:48

Pag-anu, yuk na ninsila, “Ngaddoꞌ kam matakaddam ni anak-anak tuu. Soysoy ina ngahasi jama diyoꞌ pangkat na meꞌ karuha anak-anak tuu kalnaꞌ aku, sibuꞌ du sina ya ka ngahasi aku. Damikiyan, sagannap ma ngahasi aku, saliꞌ du sila ka bay ngahasi ilooy ma bay mapitu aku. Indanan bi, soysoy ina pinakadiyoꞌ pangatayan na ni baanan bi, iya na sina patingkat man sikamimon.”

Yahiya 9:39

Yuk si Isa, “Kon ku tu bay pitu pa junyaꞌ mari luu man mindoga bong soy kalabuan hukuman ka niyaꞌ. Sabapan ku, sagannap ma yaꞌ toon Tuhan, ma pinag-awnan buta, ngita na. Sugaꞌ sagannap ma mangaku ngita, magdaruhun gi sina buta da.”

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’