Malkus 10:39 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁹ Yuk ga si Yaꞌkub ka si Yahiya, “Takaya, Tuwan.” Yuk si Isa, “Bana sina, takissa bi du mintu katiksaan ka kabinsanaan meꞌ karuha ilooy ma sinōng meꞌ ku.

Malkus 10:39 ပူးပေါင်းရင်းမြစ်များ

Matiyu 10:25

Sangkon na mulit subay yaꞌ jayip bong ya lumangga meꞌ ilooy ma bay talingkaꞌ meꞌ guru na. Ata pun subay yaꞌ du ya jayip bong ya lumangga meꞌ ilooy ma bay talingkaꞌ meꞌ papuꞌ na. Dari meꞌ aku pa-mmean bi, bong itu ku tinawakkahan inawnan Ibilis, labi na kaam siga mulit ku saꞌ pinitnahan.”

Matiyu 3:6

Ndooy siꞌ, lay na sila magsabanna ni baanan jama bay dusa da sampay nawbat. Pag-anu, boꞌ da pinandi meꞌ si Yahiya ndooy ni Sōng Juldan.

Malkus 14:31

Sugaꞌ si Pitel siꞌ tu, gam pin amu-amu magsambatan, yuk na, “San gi man ku matoy, basta yaꞌ du ku maylu!” Damikiyan, ga mulit si Isa siꞌ tu ilooy kasohean, meꞌ looy du halling da.

Malkus 14:36

Yuk na, “Maꞌ, katoonan ku du yaꞌ luu tunmanūn ningkau. Bong siꞌ luu dapat, hawasan nu na kabinsanaan ma bay gantaꞌ nu njataꞌ ku. Sugaꞌ subay kahandak nu binean, saꞌ ga niyaku.”

Yahiya 13:37

Tilaw si Pitel baw, “Papuꞌ, ongoy baw taggahaꞌ yaꞌ gi ku kapa-mmeꞌ ningkau batnaa? Atas ku bitu nongan umu ku kalnaꞌ kau.”

Yahiya 15:20

Ingatun bi meꞌ halling sambat ku na siꞌ, ‘Yaꞌ sina luu ata patingkat labi gi man papuꞌ na.’ Sangkon, pagka aku bay nilaugan meꞌ da, kaam pun ina mastiꞌ nilaugan du. Bong siꞌ ilay ndang bay kinanna meꞌ da tōꞌ ku, malaingkan ningkaam pun ina, kinanna du.

Yahiya 17:14

Umanat nu lay na pasampay ku ninsila. Dari batnaa, kinalammisan na sila meꞌ sagannap ma yaꞌ pitsayaꞌ niyaku. Kon meꞌ looy batan meꞌ aku na du sila, saꞌ sukuꞌ junyaꞌ tuu.

Salsila siga Rasul 12:2

Boꞌ lay gi sohoꞌ na pinonggolan kallong si Yaꞌkub, yana danganakan si Yahiya.

Kolossa 1:24

Na san ku tu batnaa tiksaꞌ sabap meꞌ ku wā masaplag, yaꞌ du tu lungay kagakan ku. Kon meꞌ looy batan lay jaꞌ du bay pa kaayaran ningkaam. San pun Almasi, bay du lumingkaꞌ njawom jinisan kamalasahiyan kalnaꞌ siga sukuꞌ na. Pag batnaa, aku na baw pagantiꞌ niiya ngissahan kamalasahiyan kalnaꞌ sagannap ma pitsayaꞌ niiya, yana kitabi ma binilang baran na.

Siga Pakaradjaan bay Pinalahil 1:9

Na ni kapasal aku itu ma nuwat, meꞌ halling sambat ku na siꞌ, aku itu si Yahiya, disu danganakan bi meꞌ kaam du tibuuk ka Papuꞌ Isa. Aku itu sibuꞌ du ka kaam bininsanaꞌ. Saliꞌ-saliꞌ du kitabi natasan laug ma tuwaꞌ ni sagannap ma tabeꞌ ni pamarinta Tuhan. Lay situ ku tasungkub sampay luu na ku bay binoo pitu tinahan ni nusa Patmos. Kon ku bay tasungkub sabap meꞌ ku bay masaplag palman Tuhan ka umanat pasal si Isa.