Malkus 10:37 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁷ Yuk da, “Kainagon kami Tuwan, pag taabut nu mintu magsultan ni mimon-mimon, bong siꞌ kadarihan ningkau, patingkoun na kami ni bihing nu, disu ni kawnan nu, disu ni kayli nu.”

Malkus 10:37 ပူးပေါင်းရင်းမြစ်များ

Matiyu 19:28

Yuk si Isa, “Baan ta kam banahan, pag ina mintu pinabahauwan na junyaꞌ, Anak Manusiyaꞌ itu mintu ningkōꞌ na ni tingkoan man na magsultan ni kaehe kawasa na. Kaam pun, siga mulit ku, pinatingkōꞌ na du kam mintu ni sapu-duwa tingkoan marintahan mimon panubuꞌ lakka man siga anak si Israil sikasapu-duwa.

Matiyu 25:31

Yuk si Isa lagi, “Pag ina mintu takka Anak Manusiyaꞌ ni kaehe sahayaꞌ na haboyan mimon malaikat, ningkōꞌ na ya ni paningkoan kawasa-kapatut magsultan.

Malkus 10:36

Yuk si Isa ninsila, “Oy siꞌ tu paku bi?”

Malkus 16:19

Paddus Papuꞌ Isa bay mitsala ninsila, ilooy ma lay na ya inangkat pa sulgaꞌ. Pag-anu, boꞌ na ningkōꞌ ni bihing Tuhan huwin pa kawnan.

Malkus 8:38

“Jama ni angkat-angkatan batnaa ina tinagi buwat dusa. Yaꞌ sila kanaalla pa Tuhan. Sugaꞌ indanan bi. Soysoy ina iyaꞌ mangaku mmeꞌ niyaku atawa pun iyaꞌ mōꞌ tōꞌ ku, malaingkan iyaꞌ du ku mangaku iya sukuꞌ ku pag beleng ku, yana Anak Manusiyaꞌ, ddas ka kabantugan Mmaꞌ ku ka siga malaikat man sulgaꞌ.”

Lukas 24:26

Saꞌ ba, njawom kitab da, Almasi subay doꞌ duhuꞌ lumingkaꞌ njawom jinisan kamalasahiyan boꞌ na koleꞌ kabantugan saꞌ alang-alang?”

1 Pitel 1:11

Bana na, ndang bay silay tahati da luu tukang nalamat lakka man Tuhan takka bbos-bbos. Sugaꞌ papiha-piha na pin baw sila bong soy ilooy ma bay tinunaꞌ meꞌ da maka sumilan ya lahil. Bay baw pinalahil ninsila meꞌ Rū Almasi, pag pōꞌ tukang nalamat looy bbos-bbos, duhuꞌ doꞌ ya lumingkaꞌ njawom kabinsanaan boꞌ na koleꞌ kabantugan mehe.