Malkus 10:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Na luu jaꞌ siꞌ daka dangoy ngallaw, palanja na ga si Isa ka ga mulit na song pilay pa Jerusalem. Sila siꞌ tu lumān, si Isa lay ni duhuan. Kuwan siga mulit na baw siꞌ tu, maglamud na hanggaw maka jayip ni kabahani si Isa patiluꞌ pa Jerusalem. Katoonan da du, ni katakka da, meka jama nulang iya ndooy. Jama pun, ilooy ma patuhut ninsila, hanggaw na du. Pag-anu siꞌ, lay na baw llinganan meꞌ si Isa ga mulit na sikasapu-duwa pa bihing na, boꞌ na mahati sila pabalik bong oy katuwaꞌ niiya ni sinōng,

Malkus 10:32 ပူးပေါင်းရင်းမြစ်များ

Matiyu 11:25

Pus si Isa halling meꞌ looy, yuk na na baw pa Tuhan, “Maꞌ, meꞌ kau Papuꞌ mimon-mimon taꞌ gumi sampay taꞌ langit, magsuku ku ningkau. Batan kabanahan ma bay limbuhan nu ni siga jama ma milang dī da halul-akka ka lawom pangahati, palahil nu na ni jama ma kuhi tinoan meꞌ karuha anak-anak.

Matiyu 13:11

Tampung si Isa, “Kon meꞌ looy sabap pangahati pasal pamarinta Tuhan ma yaꞌ gi bay lahil maruhuꞌ, ndean na ningkaam, saꞌ ninsila.

Malkus 1:27

Ni kahaylan ga jama ndooy, yuk da padangan-padangan, “Kapatut oy doꞌ ina meꞌ naa? Ilmuꞌ bahau na baw bitu pinōꞌ meꞌ na. Sampay siga seytan ngasip jaꞌ bong iya nohoꞌ!”

Malkus 4:34

Tuktuk na noan sila, wā ya ngandalil. Sugaꞌ pag taabut sila-sila sa ka ga mulit na, lay du passaꞌ na kamaatunan siga dalil looy labbasakayi.

Lukas 10:23

Pag-anu, ilooy ma paawop na baw si Isa pa mman ga mulit na, boꞌ na māꞌ ninsila sadjaꞌ, yuk na, “Njawom supaat kam sabapan siga pakaradjaan ma takita bi ni masa batnaa.

Lukas 19:28

Paddus si Isa mitsala meꞌ looy, lay na sila palanja pa Jerusalem.

Lukas 9:51

Na tapit jaꞌ siꞌ waktu man si Isa pabeleng pa sulgaꞌ, katobtoban pamiki na, subay ya pilay na pa Jerusalem.

Yahiya 11:16

Pag-anu siꞌ, yuk si Tomas ma pinagdē si Kamba ni siga pagkahi na mulit, “Sūng bi na ba. Bong hati ya pinapatoy, basta paunung na kitabi matoy.”

Yahiya 11:8

Yuk siga mulit na baw siꞌ tu, “Uy la, Tuwan Guru, bohoꞌ nu bilay paddus man bahaya baanan Yahudi ndooy ma bay doman mapatoy kau ka batu. Hati, pilay na baw ko pabalik?”