Malkus 10:30 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁰ malaingkan lipat min dahatus gi sina tungbas Tuhan ni jataꞌ na. Sasang na masi gi ntuu ni junyaꞌ, ndang binuwanan na sina ya siga lumaꞌ, siga danganakan, siga induꞌ-mmaꞌ, ga anak sampay ga tanaꞌ. Boꞌ na, pag mintu takka pa ahirat, koleꞌ gi sina ya kasampulnaan nyawa ma yaꞌ luu katapusan na. Sugaꞌ halloman na ntuu ni junyaꞌ, mastiꞌ lumangga doꞌ sina ya njawom laug sabapan pangando na niyaku.

Malkus 10:30 ပူးပေါင်းရင်းမြစ်များ

Matiyu 12:32

Damikiyan, soysoy ina mitsala pangka ni kapasal Anak Manusiyaꞌ, taampun gi du meꞌ Tuhan. Sugaꞌ soysoy ina māꞌ pabuwatan Rū Sutsiꞌ yana pabuwatan seytan, mastiꞌ yaꞌ na ya koleꞌ kaampunan saumu-umu.”

Matiyu 13:8

Kuwan kasohean bani lay tuwaꞌ ni tanaꞌ mahap. Dari siꞌ, mahap meꞌ da sulig sampay lay na buwaꞌ. Kasohean, eka buwaꞌ na njawom dampoon lipat min tallumpūꞌ, kasohean lipat min nnompūꞌ, kuwan kasohean, sampay lipat min dahatus.”

Matiyu 6:33

Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Lukas 18:30

mastiꞌ mas meka labi man naa kaayaran takoleꞌ na halloman na ni junyaꞌ tuu. Boꞌ na, koleꞌ gi ya kasampulnaan nyawa saumu-umu labba man junyaꞌ sampay pa ahirat.”

Yahiya 10:23

Ni waktu looy siꞌ, luu du ndooy si Isa maglan-lān ni poan langga mehe, ndooy ni sawrung pinag-awnan Sawrung Sultan Sulayman.

Salsila siga Rasul 14:22

Ni siga daira looy siꞌ, bbuwatan da mataggu iman siga sukuꞌ si Isa sampay muwansangan sila yaꞌ nohoꞌ ngalabbahan pangando da ni Papuꞌ Isa. Maka lay gi sila maintoman sila ndooy, yuk da, “Mastiꞌ luu jaꞌ sina jinisan katiksaan talingkaꞌ tabi boꞌ tabi nakka pa jawom pamarinta Tuhan ni sulgaꞌ.”

Salsila siga Rasul 16:25

Na pag taabut ga tangngaꞌ bahangi, bbuwatan ga si Pol ka si Saylas maku duwaa sampay ngalang kalangan pudji pa Tuhan. Kuwan ga pagkahi da pilisu, pakale jaꞌ ninsila.

Salsila siga Rasul 5:41

Pag lakka ga rasul looy man baanan Sanhidrin, tud bay gāk sila batan kabantugan mehe ninsila bay natas pinakiyaꞌ kalnaꞌ awon si Isa.

Suwat si Pol pa mman Baanan Sukuꞌ si Isa ndooy ni Rom 5:3

Dari bila kitabi lumangga ni kasusahan, magsuku jaꞌ kitabi. Batan tabista tabi sabapan siga kasusahan tabi, magsasōng na pin meꞌ tabi pandoy natas.

Suwat si Pol pa mman Baanan Sukuꞌ si Isa ndooy ni Rom 6:23

Dan jinis meꞌ halling, bong ina jama buwat dusa, mastiꞌ luu jaꞌ ka hisab na, yana katiksaan nyawa labba man junyaꞌ sampay pa ahirat. Boꞌ sagannap ma tibuuk ka Papuꞌ tabi si Isa Almasi, mastiꞌ binuwanan jaꞌ sina meꞌ Tuhan ladjikiꞌ, yana kasampulnaan nyawa saumu-umu.

2 Korin 6:10

San yaꞌ taambat kamalasahiyan talingkaan kami, yaꞌ du baw bay maglumba kagakan njawom atay kami. San kami miskin, meka na baw jama magkadayahan meꞌ kami ka altaꞌ ma natas saumu-umu. San yaꞌ luu oy maka oy na ni junyaꞌ tuu ma taawnan kami dapu, pagka kami tibuuk na ka Almasi, mimon ma luu niiya, ningkami na du.

Pilipi 3:8

Sampay mimon-mimon, bilang ku na du yaꞌ na luu hagaꞌ na bong bista ku ka ehe hagaꞌ pagkalungbid ku ka Papuꞌ ku si Isa Almasi. Kalnaꞌ iya, lay na labbahan ku mimon ma bay hagaan niyaku maruhuꞌ. Meꞌ ku ngingat, mimon ilooy siꞌ boboꞌ jaꞌ. Kon meꞌ looy batan ituu na batnaa hagaan niyaku pasal meꞌ ku madara pagkalungbid ku ka Almasi.

2 Tesaloneka 2:16

Na siga danganakan, kakasi Tuhan, kamura-murahan pinagamgaman na pin atay bi meꞌ Mmaꞌ tabi Tuhan ka Papuꞌ tabi si Isa Almasi. Kamura-murahan ginaosan na pin kam meꞌ Tuhan mari mahap jaꞌ mimon tangge-tingkōꞌ bi ka bitsala bi. Batnaa, sabap Tuhan poonan tabang mehe ningkitabi, luu na kagakan njawom atay tabi saumu sampay holat ayad saꞌ alang-alang.

1 Timuti 4:8

Bong kitabi nganad dī tabi man mabasagan baran tabi, luu du baw paluntungan na dangkitiꞌ. Sugaꞌ bong kitabi nganad dī tabi ngikut arat-tabiat Tuhan, tud mehe paluntungan na. Batan saꞌ sina sat paluntungan ni junyaꞌ tuu takoleꞌ tabi, arapun sampay ni ahirat koleꞌ du kitabi paluntungan.

1 Timuti 6:6

Boꞌ ko, ni sabana na, ilooy ya taawnan dayahan sabanna yana sagannap ma ngikut arat-tabiat Tuhan sampay ma magsuku luu-yaꞌ luu altaꞌ da.

Yaꞌkub 1:12

Na sagannap ma amu-amu natas njawom kasusahan ma nuwayan pangando da ni si Isa, mastiꞌ sinupaatan jaꞌ sina. Batan pagka tumatandaꞌ na takkoꞌ pangando da, koleꞌ jaꞌ sina sila kasampulnaan nyawa saumu-umu ma ndang bay njanjiꞌ meꞌ Tuhan ni sagannap ma maaseꞌ niiya.

Yaꞌkub 5:11

Siga sukuꞌ Tuhan meꞌ sila ilay ma bay natas njawom kabinsanaan, katoonan tabi na du, pag toklas na, sinupaatan sila. Pamintangan bi na Boꞌ Job. Bay du taaka bi bong pooy ehe tatas na naggaan jinisan kamalasahiyan mattoꞌ. Damikiyan, tasayu bi na du bong pooy ehe supaat bay hinudhuran meꞌ Tuhan niiya ni katapusan. Dari mandooy, tabista tabi na, basta pannoꞌ atay Tuhan leꞌ luuy ka timbang ningkitabi.

1 Yahiya 2:25

Maka kannahun bi na pin janjiꞌ Anak Tuhan muwanan sagannap ma pitsayaꞌ niiya kasampulnaan nyawa saumu-umu.

1 Yahiya 3:1

Bistahun bi doꞌ ehe aseꞌ Mmaꞌ tabi Tuhan njataꞌ tabi. Lay na ga tabi awnan na anak na. Boꞌ tud bana du baw situ kitabi anak na. Sugaꞌ kuwan siga jama ma mandang jaꞌ hāl junyaꞌ, yaꞌ tahati da ga anak Tuhan na kitabi batan yaꞌ katoonan da Tuhan.

Siga Pakaradjaan bay Pinalahil 2:9

“Kaam ina, katoonan ku du kabinsanaan njataꞌ bi sampay kamiskinan bi. Sugaꞌ ni sabana na, dayahan kam. Tasayu ku du pitna inuwan njataꞌ bi meꞌ siga Yahudi ma nulang kaam. Sila ina mangaku sukuꞌ Tuhan, mingkan kumpulan sukuꞌ Ibilis sila.

Siga Pakaradjaan bay Pinalahil 3:18

Sangkon sohoꞌ ta na kam malli niyaku mmas porol ma bay na llakkahan sakot na ka api supaya kam dayahan na ni mata Tuhan. Maka malli na kam pamakoy poteꞌ niyaku mari katambunan na kaiyaan bi nantang. Maka malli na kam niyaku uliꞌ man bi muusan mata bi mari kam ngita.