Malkus 10:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² Pag takale meꞌ lalla looy panohoan si Isa, lay halin parasahan na batan sēng ya ni altaꞌ na yaꞌ taambat. Dari lay na jaꞌ ya lakka ni kasusa na.

Malkus 10:22 ပူးပေါင်းရင်းမြစ်များ

Matiyu 13:22

“Kuwan tanaꞌ looy ma meka lumput itingan na man bani looy bay tumiluꞌ, tuwaꞌ pa sagannap ma bay kale umanat Tuhan sampay pitsayaꞌ, sugaꞌ wā sila hanggaw ni hāl meꞌ da llum ni junyaꞌ. Taboo-boo sila magsiꞌ meꞌ napsu da ni sīn. Dari song hallom, umanat Tuhan njawom atay da, bong dalil ta pa tinanom, lay na limbo leꞌ lumput sampay yaꞌ du buwaꞌ.

Matiyu 19:22

Pag takale meꞌ lalla looy panohoan si Isa, lay halin parasahan na sabap sēng ya ni altaꞌ na yaꞌ taambat. Dari lay na jaꞌ ya lakka ni kasusa na.

Matiyu 27:3

Pag tasayu meꞌ si Judas si Isa song pinapatoy na, tud bay sasso ya bay nipu. Dari lay na ya pilay pa mman siga imam langkaw ka ga matatoa ni agama mapoleꞌ tallumpūꞌ dublun pilak porol looy ninsila.

Malkus 10:21

Na hangat si Isa ngandaꞌ lalla looy, ni kaehe aseꞌ na niiya, yuk na, “Sugaꞌ luu gi sina disu subay pabuwat nu mari yaꞌ na luu kulang nu. Moleꞌ na ko. Paballihan nu na altaꞌ nu boꞌ pagdeanun na jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag-lupus, boꞌ nu pabeleng pitu mmeꞌ niyaku.”

Malkus 10:23

Pag-anu siꞌ, ilooy ma tineleꞌ meꞌ si Isa siga mulit na sambayan na halling ninsila, “Awod la jama dayahan tumabeꞌ ni pamarinta Tuhan.”

Malkus 6:20

sabap lay sohoꞌ Gubnul Herod si Yahiya njagahan mari yaꞌ kongoy-kongoy. Mehe maltabat Gubnul Herod ni si Yahiya batan katoonan na si Yahiya jama intong sampay sutsiꞌ pa Tuhan. Sarī gi, tigiꞌ ya pakale ni tōꞌ si Yahiya. Sat na jaꞌ, daran na baw ya takkahan hanggaw bila ya pakale.

Malkus 6:26

Pag takale jaꞌ meꞌ Gubnul Herod paku na, tud bay sasso ya. Sugaꞌ yaꞌ na bay luu dapat na mawiꞌ bay bitsala na batan lay gi sapahan na ni pag-awpan mimon jama ma bay ngaluruk.

Lukas 12:15

Pag-anu siꞌ, yuk si Isa ninsila sikamimon ndooy, “Iyakin kam. Ilagan bi napsu mulakab ni altaꞌ. San du ina dangoy eka altaꞌ manusiyaꞌ, yaꞌ du kasampulnaꞌ ni nyawa da.”

Lukas 18:23

Pag takale meꞌ lalla looy panohoan si Isa, takkahan susa na ya batan tud dayahan ya.

2 Korin 7:10

Batan bong ina kita susa sabapan dusa ta, boꞌ kasusahan ta lay dari poonan man ta nawbat, inaa ina susa pinagpiha meꞌ Tuhan. Maka susa meꞌ looy ilay moo kita pa jawom kasalamatan sampay kalakkahan sasso ta lagi. Boꞌ siga jama ma niyaꞌ ngisbat Tuhan ina, minsan tamūd magkasusahan sila ni bay dusa da, yaꞌ du kuhi nawbat. Dari toklas na, tiksaꞌ nyawa da.

Epesus 5:5

Katoonan bi na du sina, sagannap ma magjina atawa buwat kasabuhan yaꞌ tumabeꞌ ni pamarinta Almasi ka Tuhan. Damikiyan, sagannap ma magnapsu mulakab ni altaꞌ yaꞌ du tumabeꞌ, batan bbuwatan ma kinanapsuhan meꞌ da subay ga papuꞌ da sinumba meꞌ da.

2 Timuti 4:10

Gunahan niyaku tabang, batan si Demas lay na pilay pa Tesaloneka. Lay na ku mbanan na sabap hagaan niiya nganduwan napsu na ni hāl junyaꞌ. Kuwan si Keresen, lay pa Galatiya. Kuwan si Taytus, lay pa Dalmatiya.