Malkus 10:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Kuwan siga Parisi, luu du bay pilay nual si Isa man da niit iya. Dari tilaw da, “Tuwan, bong ni saraꞌ agama tabi, dari kilay lalla napean nda na?”

Malkus 10:2 ပူးပေါင်းရင်းမြစ်များ

Matiyu 15:12

Pag lupus si Isa mitsala, pasōng na baw siga mulit na pa mman na, yuk da, “Tuwan, tabista nu kilay siꞌ dugahan siga Parisi looy ni bay bitsala nu nsiniꞌ?”

Matiyu 16:1

Na disu llaw, luu na baw siga Parisi ka Saddusi pilay pa mman si Isa nuway-nuwayan iya. Yuk da niiya, “Pakitahan teꞌ kami sipat kawasa mari luu buktiꞌ kau bay pinapitu meꞌ Tuhan.”

Matiyu 19:3

Ndooy siꞌ, luu na baw takka siga Parisi pa mman na nual man da niit iya. Tilaw da niiya, “Bong ni saraꞌ agama tabi, dari kilay lalla napean nda na san gi oy sabapan na?”

Matiyu 22:35

Dari siꞌ, ilooy ma bay nual iya yana disu guru lahal ni saraꞌ agama da. Maksud na niit bitsala si Isa.

Matiyu 23:13

Maka yuk si Isa, “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Bong luu na jama doman paasok pa jawom pamarinta Tuhan, bbuwatan bi pagapa ninsila ka tōꞌ bi bingkok. Yaꞌ gi kam kuhi nūs lān pa jawom pamarinta Tuhan, gam pin sinaggaꞌ gi meꞌ bi jama ma doman.

Matiyu 9:34

Sugaꞌ yuk siga Parisi baw, “Panghuluꞌ seytan bilay bay muwanan iya kawasa man na mapōꞌ siga seytan.”

Malkus 10:1

Na lakka mandooy, lay na baw ga si Isa pilay pa Yahudiya sampay pa dambilaꞌ Sōng Juldan. Ndooy siꞌ, meꞌ sibuwa du, sakiyan manusiyaꞌ lay bahuklud pilay pa mman na. Sampay lay du sila toan na meꞌ ndang tabiat na du.

Malkus 10:3

Yuk si Isa ninsila, “Na oy baw ilay bay panohoan Nabi Musa ni kabboꞌ-bboan tabi sampay na ningkaam?”

Malkus 8:11

Takka da ndooy, luu na baw pasōng siga Parisi nual si Isa. Maksud da nuway-nuwayan iya. Dari lay sila nohoꞌ pinakitahan sipat kawasa bong bana-bana du ya bay lakka man Tuhan.

Malkus 8:15

Na sasang da masi ngalē, lay sila binandaan meꞌ si Isa, yuk na, “Paayad-ayad kam. Iyakinan bi pasulig siga Parisi ka Gubnul Herod.”

Lukas 11:39

Dari yuk si Isa niiya, “Kaam ina siga Parisi, inaa du jagahan bi kasutsian ni poan. Bong siꞌ ibaratan sawan atawa pinggan, ni poan du kosoan bi. Sugaꞌ njawom, pabiya bi jaꞌ pannoꞌ meꞌ jinisan kalalamaan. Meꞌ naa du sina karuha njawom atay bi, masi du pannoꞌ meꞌ napsu mulakab ka jinisan kalaatan.

Lukas 16:14

Pag takale meꞌ siga Parisi bitsala si Isa meꞌ looy, gam pin lay ya inudjuꞌ meꞌ da batan meꞌ punu njawom atay da sīn.

Lukas 5:30

Pag tasayu siga Parisi ka ga guru saraꞌ agama, lay sila nahawi siga mulit si Isa, yuk da, “Ongoy doꞌ ilay kam kuhi paharung nginum-mangan ni siga tukang ninga sukay ka ga pagkahi da baldusa?”

Lukas 6:7

Bbuwatan siga guru saraꞌ agama ka ga Parisi baw siꞌ tu, maimanan si Isa bong ya ngulian lalla looy. Batan bong bay takita da si Isa nguliꞌ, luu na sangdanan man da malkalaꞌ iya sabap meꞌ na buwat ni Llaw Pahali.

Lukas 7:30

Boꞌ siga Parisi ka ga guru saraꞌ agama lay jaꞌ nuwak kahandak Tuhan batan yaꞌ sila bay kuhi pinandi meꞌ si Yahiya.

Yahiya 11:47

Dari bbuwatan siga Parisi ka ga imam langkaw, magti bay nawag baanan Sanhidrin binoo isun. Kumpo jaꞌ siꞌ sila sikamimon, yuk da, “Pooy tu pamiki tabi? Lalla looy ilay, meka na pabuwatan kahaylan-haylan bay pinōꞌ meꞌ na.

Yahiya 11:57

Ngkon da halling meꞌ looy sabap siga imam langkaw ka ga Parisi bay nohoꞌ jama ndooy māꞌ bong luu bay ngita si Isa supaya tasungkub da na.

Yahiya 7:32

Pag lay tasayu meꞌ siga Parisi ga jama ndooy maghigung-higungan si Isa meꞌ looy, bbuwatan da ka ga imam langkaw ndooy lay nohoꞌ siga tukang jaga langga nungkuban si Isa.

Yahiya 7:48

Ongoy doꞌ ina, lay kam kina ngita siga pa-mmean bi atawa pun meꞌ kami siga Parisi san lasa disu pitsayaꞌ niiya?

Yahiya 8:6

Ngkon da ilay siꞌ bay nilaw meꞌ looy man da jaꞌ nallok-nallok iya kawu-kawu luu na danan man da malkalaꞌ iya. Sugaꞌ si Isa siꞌ tu, yaꞌ bay nampung, gam pin lay jaꞌ ya pakokoꞌ boꞌ na nuwat ka timbōꞌ na taꞌ tanaꞌ.

1 Korin 10:9

Maka daa na kitabi hangat maruga Papuꞌ yaꞌ ngasip niiya. Ilooy na silay kon kabboꞌ-bboan kami kasohean lay matoy tininduk meꞌ siga sō.