Malkus 10:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Pag ndaꞌ si Isa meꞌ looy, lasu ya ni siga mulit na. Dari yuk na ninsila, “Pabiyahun bi na ba pitu siga anak-anak naa pa mman ku. Daa na saggongun bi, batan pamarinta Tuhan ina ndang para ni jama diyoꞌ pangatayan meꞌ karuha ga anak-anak naa.

Malkus 10:14 ပူးပေါင်းရင်းမြစ်များ

Panagnaan 17:7

Pagsulutan ku itu ka kau sampay na ga panubuꞌ nu pangkat-mamangkat yaꞌ na situ baluba ku saumu. Aku na Tuhan nu saumu sampay na ga panubuꞌ nu.

Matiyu 18:10

“Paayad-ayad kam taggahaꞌ meꞌ bi mista yaꞌ puntukan disu anak-anak meꞌ tuu. Batan baan ta kam banahan, luu sina siga malaikat para ninsila wā ni awpan Mmaꞌ ku ni sulgaꞌ.”

Matiyu 18:4

Sugaꞌ soysoy ina magpadiyoꞌ sampay ngakig diyoꞌ pangatayan anak-anak tuu, iya na patingkat ni pamarinta Tuhan.

Matiyu 19:14

Pag ndaꞌ si Isa meꞌ looy, yuk na ni ga mulit na, “Pabiyahun bi na ba pitu siga anak-anak naa pa mman ku. Daa na saggongun bi, batan pamarinta Tuhan ina ndang para ni jama diyoꞌ pangatayan meꞌ karuha ga anak-anak naa.”

Matiyu 5:10

Njawom supaat sina sagannap ma nilaugan sabap meꞌ da mean kahandak Tuhan, batan kapasila na pamarinta Tuhan.

Matiyu 5:3

“Njawom supaat sina sagannap ma kabista tiksaꞌ nyawa da batan kapasila pamarinta Tuhan.

Malkus 3:5

Si Isa siꞌ tu, sasang na ngandaꞌ ninsila, maglamud na lasu na ka susa na ninsila sabap tumatandaꞌ yaꞌ san luu luuy da ni jama. Pag-anu, yuk si Isa ni lalla looy, “Pa-nnatun na tangan nu.” Pag nnat na, sarunduun du ya kasay.

Malkus 8:33

Sugaꞌ lay doꞌ pateleꞌ si Isa ngandaꞌ ni siga mulit na, boꞌ na mahallingan si Pitel, yuk na, “Lakka na ko man bihing ku Ibilis! Pamiki nu ina kahandak manusiyaꞌ, saꞌ ga kahandak Tuhan.”

Yahiya 3:3

Pag halling si Isa, “Baan ta ko banahan, yaꞌ sina luu kapatabeꞌ ni pamarinta Tuhan bong yaꞌ doꞌ bay duhuꞌ pinamaddihan pabalik.”

Yahiya 3:5

Pag tampung si Isa, “Baan ta ko banahan, yaꞌ sina jama kapatabeꞌ ni pamarinta Tuhan bong yaꞌ doꞌ duhuꞌ bay pinamaddihan meꞌ boheꞌ ka Rū Sutsiꞌ.

Salsila siga Rasul 2:39

Batan ndang inaa sina bay janjiꞌ Tuhan ningkaam mag-anak-mpu, sampay ni mimon manusiyaꞌ matā-matapit. Awnan ku ilay siꞌ yana sikamimon ma bay lliyun meꞌ Papuꞌ tabi Tuhan pa jawom okoman na.”

Salsila siga Rasul 3:25

“Kitabi itu siga Yahudi yana panubuꞌ siga kanabi-nabihan looy ma bay masampay siga janjiꞌ Tuhan ni bangsa tabi. Maka tabeꞌ na du kitabi ni pagsulutan Tuhan ka kabboꞌ-bboan tabi. Na njawom pagsulutan da, lay nganjanjiꞌ Tuhan ni bboꞌ tabi Nabi Ibrahim, yuk na, ‘Bbos-bbos mimon kabangsa-bangsahan sinupaatan man sabapan panubuꞌ nu.’

Suwat si Pol pa mman Baanan Sukuꞌ si Isa ndooy ni Rom 11:16

Siga Yahudi ina, meꞌ da mista, pagka sila panubuꞌ Nabi Ibrahim, sukuꞌ Tuhan sila labbasakayi. Sangkon luu sambatan da, ilooy ma yuk da, “Bong ina sabahagiꞌ addunan bay sinongan pa Tuhan, malaingkan labbasakayi addunan sukuꞌ Tuhan na du.” Maka yuk da, “Tiyap-tiyap poon kayu sukuꞌ Tuhan, malaingkan mimon engas na pun sukuꞌ Tuhan du.”

Suwat si Pol pa mman Baanan Sukuꞌ si Isa ndooy ni Rom 11:28

Bana na batnaa tu, meka gi Yahudi manta Tuhan sabap yaꞌ sila kuhi pitsayaꞌ ni umanat mahap pasal si Isa. Dari sabap kadarihan da, lay na labuꞌ pa kaam siga saꞌ Yahudi supaat kasalamatan. Sugaꞌ sabap Tuhan bay duhuꞌ meneꞌ bangsa Yahudi, masi gi du baw sina sila kinaasean meꞌ na sabapan kabboꞌ-bboan da.

1 Korin 14:20

Siga danganakan, kaam ina ma bay kaladjikian mitsala ni siga pallun ag-agan, sibuꞌ du karuha bi ka anak-anak luu kuli-kulihan na bahau tud kinasengan meꞌ na. Sugaꞌ ddong na kam ngakig pamiki anak-anak. Akigun bi na siga matatoa patong pamiki da. Luu baw beꞌ disu pakaradjaan ma pataꞌ man bi ngantanan pamiki anak-anak dikiꞌ, yana hāl meꞌ da yaꞌ kapiki nulun-nulun kalaatan.

1 Korin 7:14

Batan bong luu lalla ma yaꞌ pitsayaꞌ ni si Isa, boꞌ nda na pitsayaꞌ, lay na ya pinabiddaꞌ meꞌ Tuhan mari ya hampit ni barakat njataꞌ nda na ma pitsayaꞌ. Danda pun ina ma yaꞌ pitsayaꞌ, lay na du pinabiddaꞌ meꞌ Tuhan mari ya hampit ni barakat njataꞌ lla na ma pitsayaꞌ. Damikiyan, siga anak da pun, lay na du pinabiddaꞌ mari hampit ni barakat njataꞌ disu induꞌ-mmaꞌ da ma pitsayaꞌ. Bong ilay saꞌ meꞌ looy, masi sila binilang meꞌ Tuhan anak kapil.

Epesus 4:26

Bong luu lasu bi, njawom iman kam taggahaꞌ dapat dusa na baw kam. Sangkon lasu batnaa, daa na pinagsumawung lagi,

2 Timuti 1:5

Niyaꞌ takupan ku hilas pangando nu ni Papuꞌ Isa. Pangando nu ina, sibuꞌ du hantang na ka pangando bboꞌ nu Daꞌ Lowis ka nneꞌ nu si Yunis. Tumatandaꞌ na niyaku meꞌ bay na sinaynan pangando da ni jataꞌ nu.

2 Timuti 3:15

Man kadikiꞌ nu lagi, ndang lay na ko tinoan kabanahan njawom kitab. Inaa na sina man nu bay koleꞌ pangahati pasal kasalamatan para ni soysoy pitsayaꞌ ni si Isa Almasi.

1 Pitel 2:2

Pagka lay na takissa bi kaayaran Tuhan, kannahun bi na palman na. Yana meꞌ anak-anak bahau pinamaddihan magkainagon ni boheꞌ duruꞌ, kaam pun subay du meꞌ naa kainagon bi ni palman Tuhan. Batan palman Tuhan ina balanjaꞌ pulnaꞌ para ni nyawa bi. Sangkon kannahun bi na supaya magsasōng na pin meꞌ bi ngikut arat-tabiat Tuhan ngabut sampay magjatu na kasalamatan bi.

Siga Pakaradjaan bay Pinalahil 14:5

Yaꞌ sila ngandustaꞌ maka yaꞌ luu sutsutan njataꞌ da.