Malkus 1:41 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴¹ Dari siꞌ, kapaluuy na si Isa ni lalla looy sampay purut na na lalla looy sambayan na halling, “Kuhi ku ba. Kaulian na sina ko.”

Malkus 1:41 ပူးပေါင်းရင်းမြစ်များ

Panagnaan 1:3

Pag-anu siꞌ, magpalman na Tuhan, yuk na, “Pōꞌ ko dantaꞌ.” Dari ilooy ma luu du dantaꞌ.

Matiyu 9:36

Pag ndaꞌ na siga baanan manusiyaꞌ ndooy, kapaluuy ya ninsila sabap yaꞌ luu pag-asa da, boꞌ meka gi kasusahan da. Subay ga sila baanan bili-bili ma yaꞌ san luu tukang ngipat sila.

Malkus 1:40

Na disu llaw, luu na baw disu jama inipu pasōng pa mman si Isa boꞌ na sujud ni awpan na maku junjung, yuk na, “Tuwan, bong siꞌ ko la kuhi, katoonan ku mastiꞌ takaya nu jaꞌ ngulian aku.”

Malkus 1:42

Dari siꞌ sarunduun du lanyap ipu lalla looy sampay lay na kaulian.

Malkus 4:39

Dari ilooy ma bangun du si Isa, boꞌ na nohoꞌ baliyu looy patagong. Maka yuk na ni lamba looy, “Ddong na! Banti na ko!” Dari lay du patagong baliyu looy sampay tud taddoꞌ na lahat saꞌ alang-alang.

Malkus 5:41

Pag-anu, inantanan na meꞌ si Isa tangan anak-anak looy sambayan na halling niiya ni pallun Yahudi, “Talita, kum.” Hatiyan na, “Nang, bangun na ko.”

Malkus 6:34

Pag duwai ga si Isa man taꞌ kumpit, pag ndaꞌ na, ndang sakiyan na jama ngagad iya. Iya siꞌ tu kapaluuy na ninsila sabap subay ga sila baanan bili-bili ma yaꞌ luu tukang ngipat sila. Dari ilooy ma nagnaꞌ na baw ya noan sila kajinisan.

Hibrani 1:3

Maka njataꞌ Anak na, takita tabi na kawasa ka kaayaran Mmaꞌ na Tuhan, batan iya sabana-bana limbagan arat-tabiat Tuhan. Pooy-pooy kadari Tuhan, meꞌ naa du sina Anak na. Boꞌ Anak na ina magbayaan mimon-mimon ni sikaliput alam man kawasa palman na mari yaꞌ pulak-palik. Maka iya ilay bay muwasan dusa tabi mari kitabi sutsiꞌ na pa Tuhan. Pus meꞌ looy, lay na ya pabeleng pa sulgaꞌ boꞌ na ningkōꞌ ni bihing Tuhan Sangat Kawasa huwin pa kawnan.

Hibrani 2:17

Sangkon talpaksaꞌ ya bay dari manusiyaꞌ meꞌ karuha kitabi du siga danganakan na. Maka talpaksaꞌ du ya ngalingkaan jinisan kamalasahiyan manusiyaꞌ supaya takissa na parasahan tabi. Boꞌ na, bay tinakdil niiya meꞌ looy supaya ya tawop binuwat panghuluꞌ imam ma kanaalla ni hāl Tuhan, maka supaya tasongan na umu na man muwasan mimon dusa tabi.

Hibrani 4:15

Meꞌ iya ina panghuluꞌ imam tabi, tahati na kulang kawasa manusiyaꞌ man naggaꞌ siga sasat seytan. Takissa na parasahan tabi sabap iya mismu lay du lumingkaꞌ ni jinisan sasat seytan meꞌ karuha ningkitabi du. Sat na jaꞌ kuwan niiya, yaꞌ luu dusa na samasakali.