Malkus 1:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Na tunaꞌ looy ilay siꞌ, lay na binakbul batan tud luu du bana bay pōꞌ sosohoan looy, yana si Yahiya ma Tukang Mandi masaplag ni lahat lau-lau yaꞌ maglumaꞌ. Yuk na, “Tawbatan bi na dusa bi, boꞌ bi pinandi mari kam inampun na meꞌ Tuhan.”

Malkus 1:4 ပူးပေါင်းရင်းမြစ်များ

Matiyu 3:11

Maka yuk si Yahiya lagi, “Luu gi sina pasunuꞌ niyaku tā biddaꞌ na langkaw kawasa-kapatut na man niyaku. Yaꞌ san ku tawop makkasan ingkot tumpaꞌ na. Aku tu mandi kaam ka boheꞌ jaꞌ tandaꞌ lay na kam nawbat. Boꞌ iya ina mintu, man na mandi kaam, Rū Sutsiꞌ ka api.

Matiyu 3:6

Ndooy siꞌ, lay na sila magsabanna ni baanan jama bay dusa da sampay nawbat. Pag-anu, boꞌ da pinandi meꞌ si Yahiya ndooy ni Sōng Juldan.

Malkus 1:5

Dari siꞌ, yaꞌ na taambat jama bahuklud pilay pa mman na lakka man Jerusalem sampay man sikaliput Yahudiya. Pag takale da umanat si Yahiya, lay na tawbatan da dusa da ni pag-awpan mimon ndooy. Sampay lay na sila pinandi meꞌ si Yahiya ni Sōng Juldan.

Lukas 1:77

Kau na sina mintu mahati jama bong pooy meꞌ da koleꞌ kaampunan man Tuhan ni mimon dusa da supaya sila paddus man hukuman na.

Yahiya 3:23

Kuwan si Yahiya, lay du mandi jama ndooy ni Aynon, tapit pa Salim, sabap meka boheꞌ ndooy. Manusiyaꞌ siꞌ tu ndooy, yaꞌ na luu hantiꞌ na pilay nohoꞌ pinandi.

Salsila siga Rasul 10:37

Kira ku san kaam, lay na du taaka bi bong oy bay pabuwat si Isa, lalla looy man Nasaret, nagnaꞌ man Jalil sampay ni sikaliput Yahudiya. Iya ilay bay nagnaꞌ majatu pabuwatan na noy paddus na si Yahiya bay masaplag pasal pandi tawbat. Maka kira ku lay na du taaka bi luu na Rū Sutsiꞌ ddas ka kawasa na bay pinatannaꞌ meꞌ Tuhan njataꞌ si Isa. Dari man sabapan gaos Tuhan njataꞌ na, ninggai-ninggai palanan na, wā ya buwat kaayaran sampay ngulian sagannap ma bay malasahi meꞌ Ibilis.

Salsila siga Rasul 22:16

“Maka yuk si Ananiyas lagi niyaku, ‘Oy gi agad nu? Subay sina ko maku na kaampunan man Papuꞌ Isa, boꞌ nu pinandi mari puwas na mimon dusa nu.’ Dari siꞌ, lay du ya bay asip ku.