Malkus 1:39 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁹ Dari lay na ga si Isa palakka sampay lataꞌ na Jalil man na magnasihat ni siga langga ndooy. Boꞌ lay gi ya malakka siga seytan man jawom baran jama.

Malkus 1:39 ပူးပေါင်းရင်းမြစ်များ

Matiyu 4:23

Lakka mandooy siꞌ, lay na baw ga si Isa ngalataan Jalil magnasihat ni kalangga-langgahan ndooy sampay masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Matiyu 9:35

Pag-anu, lay na baw si Isa ngalataan siga daira ka kakawum-kawman ni dile magnasihat ni siga kalangga-langgahan ndooy. Lataꞌ na man na masaplag umanat mahap pasal pamarinta Tuhan. Maka san gi oy jinis saki jama, lay du inulian meꞌ na.

Malkus 1:21

Pag-anu siꞌ, lay na baw sila pawus pa Kapelniyum. Pag taabut Llaw Pahali, lay si Isa pa langga maka lay gi ya magnasihat ndooy.

Malkus 1:23

Yaꞌ gi hallom, luu na baw paasok pa jawom langga looy disu lalla sineytan, boꞌ magti ngahowapan si Isa, yuk na,

Malkus 1:38

Tampung si Isa, “Pawus na doꞌ ba tabi pa siga daira ma tapit supaya tapasaplagan ku na du ga jama ndooy. Batan ndang ituu situ ngkon ku bay pitu pa junyaꞌ.”

Malkus 3:1

Na ni disu Llaw Pahali, lay na baw si Isa pa langga balik. Ndooy siꞌ, luu disu lalla kimoy tangan na.

Malkus 7:30

Pag poleꞌ danda looy, tud mattan du lay na lakka seytan man baran anak na, batan ndaꞌ na sannang na anak na pabāk taꞌ bangkuꞌ.

Lukas 4:41

Kasohean jama ndooy sineytan. Sugaꞌ paddus na pin si Isa nohoꞌ siga seytan da pōꞌ, magti du sila lakka man jawom baran ga jama looy. Pag pōꞌ da, kakillahapan howap, yuk da, “Kau ina Anak Tuhan!” Sugaꞌ lay sila sinaggong meꞌ si Isa yaꞌ nohoꞌ mitsala. San katoonan da iya na Almasi ma bay njanjiꞌ meꞌ Tuhan, yaꞌ baw ya doman pinamāꞌ meꞌ da bong soy ya.