Malkus 1:35 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁵ Na sayu alab lagi, lay bangun si Isa boꞌ na pōꞌ man daira pa lugar ma yaꞌ magjama maku duwaa.

Malkus 1:35 ပူးပေါင်းရင်းမြစ်များ

Matiyu 14:13

Na pag taaka si Isa lay na pinapatoy si Yahiya, lay ya song pilay taꞌ kumpit ka ga mulit na pa lahat lau-lau yaꞌ maglumaꞌ supaya sila-sila jaꞌ ndooy. Sugaꞌ pag taaka jaꞌ siꞌ meꞌ siga baanan jama lay na ga si Isa lakka, lay du sila patuhut lumān nusu bihing danaw jaꞌ.

Matiyu 14:23

Lay jaꞌ siꞌ moleꞌ siga jama looy, lay na baw si Isa patukad pa taꞌ punu dangan-dangan na maku duwaa pa Tuhan. Pag taabut sangom, masi du ya lundooy dangan-dangan na.

Malkus 1:36

Yaꞌ gi siꞌ hallom, lay na si Saymon ka ga soheꞌ na duwai miha iya.

Lukas 5:16

Sugaꞌ daran ya palakka dangan-dangan na pa lugar yaꞌ magjama maku duwaa pa Tuhan.

Lukas 6:12

Na luu jaꞌ daka dangoy ngallaw, lay si Isa nukad punu boꞌ na maku duwaa pa Tuhan pupus dambahangi.

Yahiya 4:34

Sugaꞌ yuk si Isa ninsila, “Kinakan ku bitu yana mean kahandak ilooy ma bay nohoꞌ aku pitu maka mupus pabuwatan ma bay sinukuꞌ meꞌ na niyaku.

Yahiya 6:15

Pag tabista si Isa luu niyat ga baanan looy ngalogos iya binuwat sultan da, lay ya magti lakka, boꞌ na lay pa dambilaꞌ punu looy dangan-dangan na.

Epesus 6:18

Maka njawom bi makoy siga kalangkapan ma bay sabbut ku siꞌ, maku na pin kam duwaa pa Tuhan. Maka bean bi jaꞌ Rū Sutsiꞌ magmundaan kaam njawom bi maku tabang pa Tuhan. Meꞌ kaam ina sundalu Almasi, iyakin kam. Maka daa kam jamu makuhan siga pagkahi bi sukuꞌ Almasi duwaa pa Tuhan.

Pilipi 2:5

Subay sibuꞌ pamiki bi ka pamiki Isa Almasi.

Hibrani 5:7

Na jaman si Isa ntuu ni junyaꞌ, daran ya maku duwaa maka tamūd njawom duwaa na ngattap na ga boheꞌ mata na sambayan na killahap. Bbuwatan na nganjunjung pa Tuhan batan isu-isu Tuhan kasalamat iya man kapatoy na. Dari sabap iya jama lillaꞌ jaꞌ pa Tuhan, lay du bay pinaruli duwaa na.