Lukas 9:44 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴⁴ “Indanan bi bitsala ku. Yaꞌ na hallom, pina-ntan na situ ku, yana Anak Manusiyaꞌ, pa jawom komkoman siga jama ma manta aku.”

Lukas 9:44 ပူးပေါင်းရင်းမြစ်များ

Matiyu 16:21

Na pus meꞌ looy, nagnaꞌ na baw si Isa mahati siga mulit na bong oy katuwaꞌ niiya ni sinōng. Yuk na, “Aku itu, talpaksaꞌ niyaku pilay na pa Jerusalem. Ndooy ilay mintu, subay ku natasan jinisan kabinsanaan meꞌ siga matatoa ni agama ka ga imam langkaw sampay ga guru saraꞌ agama, boꞌ pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Matiyu 26:2

“Ndang katoonan bi na du, njawom duwa ngallaw taabut na paballangan Ngalingkaꞌ. Ni waktu looy ilay mintu sinungkuban na Anak Manusiyaꞌ boꞌ llansang taꞌ tehang sampay matoy.”

Malkus 8:31

Na puwas mandooy, lay na baw si Isa mahati siga mulit na bong oy katuwaꞌ niiya ni sinōng, yuk na, “Ndang lay na situ ginantaꞌ niyaku, yana Anak Manusiyaꞌ, natasan jinisan kabinsanaan. Boꞌ tinuwak lagi ku meꞌ siga matatoa ni agama ka ga imam langkaw sampay ga guru saraꞌ agama. Maka pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Malkus 9:31

batan doman gi ya noan ga mulit na sila-sila jaꞌ. Yuk na ninsila, “Yaꞌ na hallom, tinipu na situ ku, Anak Manusiyaꞌ, boꞌ pina-ntan ni saraꞌ sampay pinapatoy. Sugaꞌ pag taabut ni katallu ngallaw, llum du ku pabalik.”

Lukas 1:66

Dari sagannap ma bay kaakahan meꞌ looy siꞌ, papiha-piha na pin bong oy na ilay mintu kadarihan anak-anak looy pag mehe na. Batan tumatandaꞌ na ninsila, mastiꞌ luu jaꞌ Tuhan ngunungan iya.

Lukas 18:31

Pag-anu, lay binoo meꞌ si Isa ga mulit na sikasapu-duwa palawak-lawak dangkitiꞌ man ga baanan jama ndooy, boꞌ da binaan, yuk na, “Pakale doꞌ kam. Batnaa pilay na tabi pa Jerusalem. Pag takka tabi ndooy ilay mintu, binakbul na mimon tunaꞌ njawom kitab kanabi-nabihan pasal aku, yana Anak Manusiyaꞌ.

Lukas 2:19

Kuwan si Mariyam baw siꞌ tu, kinanna na pin meꞌ na mimon pakaradjaan looy siꞌ. Tud yaꞌ na lakka-lakka man jawom pamiki na.

Lukas 2:51

Pag-anu siꞌ, lay na ya mmeꞌ ni induꞌ-mmaꞌ na moleꞌ pa Nasaret. Halloman na njawman da, mmeꞌ jaꞌ ya ni kahandak da. Na mimon bay kadarihan na siꞌ yaꞌ na lakka-lakka man jawom atay nneꞌ na.

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Lukas 9:22

Maka yuk na lagi, “Ndang lay na situ ginantaꞌ talpaksaꞌ niyaku, yana Anak Manusiyaꞌ, natasan jinisan kabinsanaan. Boꞌ tinuwak lagi ku meꞌ siga matatoa ka ga imam langkaw sampay ga guru saraꞌ agama. Maka pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Yahiya 16:31

Pag halling si Isa, “Bana kina pitsayaꞌ na kam?

Yahiya 16:4

Na ngkon kam tu ndang baan ku na duhuꞌ supaya pag taabut mintu kam pinabuwat meꞌ looy, yaꞌ na kam jayip. Batan taintom bi na ndang lay na kam baan ku. Sibuwa san kam yaꞌ na bay baan ku batan aku du tiluꞌ jama pinakaat, saꞌ du kaam. Sugaꞌ yaꞌ jaꞌ ina ku mintu luu, kaam na baw sina llān meꞌ da.

Yahiya 19:11

Pag tampung si Isa, “Yaꞌ bina luu tapabuwat nu oy maka oy na niyaku bong siꞌ saꞌ Tuhan bay muwanan kau kapatut. Ni hāl aku pinakaat batnaa, saꞌ du kau bay bagaraꞌ. Sangkon siga jama ma bay ma-ntan aku pa mman nu, mas mehe gi dusa da man ningkau.”

Salsila siga Rasul 2:23

Sugaꞌ san meꞌ looy, lay gi ya papatoy bi. Lay ya bay pa-ntan bi ni siga jama jahallis nohoꞌ nilansang taꞌ tehang. Kamasaꞌ, ilooy ilay siꞌ sikamimon ndang bay ginantaꞌ meꞌ Tuhan man maruhuꞌ-ruhuꞌ lagi man majatu garaꞌ na.

Hibrani 2:1

Na pagka meꞌ looy na ehe hagaꞌ Anak Tuhan, subay kanna tabi umanat na, taggahaꞌ lay na baw mintu kitabi patā man kabanahan.