Lukas 9:35 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁵ Boꞌ lay gi sila kale suwara pōꞌ man jawom tayiꞌ baliyu looy, yuk na, “Inaa ina Anak ku bay peneꞌ ku majatu garaꞌ ku. Indanan bi bitsala na.”

Lukas 9:35 ပူးပေါင်းရင်းမြစ်များ

Matiyu 12:18

“Ituu itu sosohoan ku ma bay peneꞌ ku. Iya ina kakasi ku ma kasulut banahan niyaku. Patannaꞌ ku sina Rū ku niiya. Maka iya ina mintu masaplag bong pooy meꞌ mimon kabangsa-bangsahan taitung meꞌ ku intong.

Matiyu 3:17

Maka luu suwara man sulgaꞌ, yuk na, “Ituu tu Anak ku, kakasi ku. Kasulutan ku banahan niiya.”

Malkus 1:11

Maka luu suwara man sulgaꞌ, yuk na, “Kau ina Anak ku, kakasi ku. Kasulutan ku banahan ningkau.”

Lukas 3:22

maka luu na Rū Sutsiꞌ duwai meꞌ dagbos atsang boꞌ na nampi taꞌ baran na. Boꞌ luu gi suwara man sulgaꞌ, yuk na, “Kau ina Anak ku, kakasi ku. Kasulutan ku banahan ningkau.”

Lukas 9:34

Na sasang si Pitel siꞌ mitsala, luu na baw duwai tayiꞌ baliyu patambun ninsila. Dari takkahan tawu na ga si Pitel.

Yahiya 12:28

Dari yuk na pa Tuhan, “Maꞌ, ilooy jaꞌ pabuwatun niyaku ma moo kabantugan ni awon nu.” Pag-anu siꞌ, ilooy ma pōꞌ suwara man sulgaꞌ nampungan iya, yuk na, “Ndang lay na situ ku koleꞌ kabantugan njataꞌ nu. Boꞌ koleꞌ gi ku sina mintu kabantugan njataꞌ nu pabalik.”

Yahiya 3:16

Biddaꞌ na sina ehe aseꞌ Tuhan ni manusiyaꞌ. Sangkon lay na pinaglillaꞌ meꞌ na Anak tungga na pinapatoy supaya soysoy pitsayaꞌ niiya yaꞌ na tanalkaꞌ, gam pin koleꞌ gi kasampulnaan nyawa ma yaꞌ luu katapusan na.

Hibrani 2:3

Na bong meꞌ looy bay katuwaꞌ ninsila, pooy meꞌ tabi kailag mulkaꞌ Tuhan bong pabiya tabi umanat kasalamatan, meꞌ naa na ehe hagaꞌ na? Umanat looy ilay, Papuꞌ Isa mismu bay duhuꞌ masaplag. Pag-anu, kuwan sila ma bay kale niiya balharapan, sila na baw bay masaplag sampay muwanan kitabi buktiꞌ tud bana bitsala na.

Hibrani 3:15

Sangkon, daa na takupan tabi ilooy ma bay sabbut ku siꞌ man jawom kitab, ilooy ma yuk na, “Llaw tuu, bong kam kale suwara Tuhan, daa na patohasun bi kōk bi meꞌ kadari jaman kabboꞌ-bboan bi bay nulang kahandak Tuhan.”

Hibrani 5:9

Dari pagka wā ya mmeꞌ ni kahandak Tuhan, tandaꞌ yaꞌ luu salla na, lay du ya dari poonan kasalamatan ma natas saumu-umu para ni sikamimon ma ngasip niiya.