Lukas 8:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Kuwan siga seytan looy baw siꞌ tu, lay nganjunjung ni si Isa yaꞌ nohoꞌ hiniyakan pa jawom lowang tangob ma yaꞌ luu ngkoran lawom na.

Lukas 8:31 ပူးပေါင်းရင်းမြစ်များ

Matiyu 25:41

“Pag-lupus, halling na baw Sultan ni sagannap ma huwin pa kayli na, ‘Kaam ina, basta pinagmulkaan sina kam. Lakka na kam man bihing ku. Pilay na kam pa jawom api ma yaꞌ kuhi pawom saumu-umu, ma hinallian Ibilis ka ga sosohoan na.

Lukas 8:28

Boꞌ daran patakka seytan na. Maka san daran pinusas battis-tangan na ka karina sampay njagahan lagi, masi du tabakkasan na. Pag-anu, boꞌ na pinaggos meꞌ seytan na nohoꞌ pilay pa tangngaꞌ dile yaꞌ maglumaꞌ. Na llaw looy siꞌ, pag takita na si Isa, ilooy ma killahap ya sampay pahangkop ni awpan na. Pag-anu siꞌ, lay na sohoꞌ si Isa seytan looy palakka man jawom baran na. Dari magti ngahowap lalla looy siꞌ, yuk na, “Batōy nu itu ku Isa? Katoonan ku du bina kau Anak Tuhan Mahatinggi. Junjung ku na ningkau, daa jaꞌ ku pidjalaun.”

Lukas 8:32

Na ndooy siꞌ, luu baanan bawi inipat magkakanan ni tabbis punu. Dari siꞌ, bbuwatan siga seytan njawom baran lalla looy siꞌ nganjunjung ni si Isa, yuk da, “Bong dari ningkau, pasayin na jaꞌ kami pa jawom baran baanan bawi looy.” Dari lay na sila nduwan.

Suwat si Pol pa mman Baanan Sukuꞌ si Isa ndooy ni Rom 10:7

Damikiyan, kasohean magsambatan na ga subay jama bay doꞌ duhuꞌ duwai pa jawom tahanan jama matoy boꞌ na nammu kasalamatan. Sugaꞌ meꞌ halling sambat ku na siꞌ, daa na sila susa. Lai na du Almasi bay pingkaꞌ pilay. Pag-anu, lay na ya lakka mandooy pag taabut na bay pinakallum pabalik tandaꞌ luu na kasalamatan ni soysoy pitsayaꞌ niiya.

Siga Pakaradjaan bay Pinalahil 11:7

Lupus jaꞌ ina mintu sila masaplag mimon ma bay hinalap meꞌ Tuhan ninsila, luu na baw disu sattuwa pōꞌ man jawom lowang tangob looy siꞌ ma yaꞌ mag-ngkoran lawom na. Pag-anu, boꞌ na monoꞌ ga sosohoan looy. Boꞌ yaꞌ sina mintu sila kaatu ni sattuwa looy, boꞌ pinapatoy gi sila.

Siga Pakaradjaan bay Pinalahil 17:8

Kuwan sattuwa looy siꞌ ma bay takita nu, ndang bay luu silay maruhuꞌ-ruhuꞌ, pag batnaa lay na ya limbu. Sugaꞌ yaꞌ na du sina hallom, luu na du ya kaluwa pabalik man jawom lowang tangob looy ma yaꞌ mag-ngkoran lawom na. Sugaꞌ pag beleng na ina mintu, yaꞌ du hallom, tanalkaꞌ du ya. Pag ilay mintu pōꞌ sattuwa looy, tud inu-inu jama sukuꞌ junyaꞌ, yana sagannap ma ndang yaꞌ bay sinuwatan awon da njawom Būk Kaallum labba man kapayak junyaꞌ. Ngkon da ina mintu inu-inu ni sattuwa looy sabap ndang luu na ya maruhuꞌ, pag-anu, lay na limbu, sugaꞌ luu na sina mintu kaluwa pabalik.”

Siga Pakaradjaan bay Pinalahil 19:20

Sugaꞌ yaꞌ bay luu dapat sattuwa looy sabap lay ya tasungkub haboy ka nabi palsu looy ma bay mōꞌ siga sipat kahaylan-haylan kalnaꞌ sattuwa looy. Sabapan siga sipat bay pōꞌ na, lay takoleꞌ na inakkahan sagannap ma bay sinapan ka sāp sattuwa looy, sampay mimon ma bay numba jama-jama looy ma bay pinabuwat ni limbagan na. Dari siꞌ, hisab ni sattuwa looy ka nabi palsu looy, lay hiniyakan, kaallum-llum da, pa jawom danaw looy ma pannoꞌ leꞌ api ka manilang ngereꞌ.

Siga Pakaradjaan bay Pinalahil 9:11

Maka luu sultan da, yana malaikat ma ngantanan lowang tangob looy ma yaꞌ mag-ngkoran lawom na. Awon na bong ni pallun Hibrani, “Abaddon”; bong ni pallun Greek, “Apoliyon”. Hatiyan na, Tukang Ngahansu.