Lukas 6:42 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴² Yaꞌ sina sikatuwaꞌ bong kam magtuyuꞌ ngalakkahan boboꞌ-boboꞌ ni mata soheꞌ bi, bong masi luu batang ni mata bi. Magbawuꞌ-bawuꞌ jaꞌ sina kam sutsiꞌ bong kam buwat meꞌ looy. Subay siꞌ kaddoan bi doꞌ duhuꞌ batang ni mata bi mari tampak pangandaan bi ngaddoan boboꞌ-boboꞌ man mata soheꞌ bi.”

Lukas 6:42 ပူးပေါင်းရင်းမြစ်များ

Matiyu 26:75

sampay taintom si Pitel na bay tunaꞌ si Isa, ilooy ma yuk na, “Yaꞌ gi san ina mintu bay tingkauk manuk, ndang min tallu na ko bay maylu bahasa yaꞌ ku takila nu.” Pag-anu, lay magti pōꞌ si Pitel man jawom haman looy sampay tud bay ya nangis banahan ni kasasso na.

Matiyu 7:3

Ongoy taggahaꞌ takita bi boboꞌ-boboꞌ jawom mata soheꞌ bi, pagka batang ni mata bi yaꞌ san paruli bi?

Matiyu 7:4

Yaꞌ sina sikatuwaꞌ magtuyuꞌ kam ngalakkahan boboꞌ-boboꞌ ni mata soheꞌ bi, bong masi luu batang ni mata bi.

Lukas 13:15

Tampung Papuꞌ Isa niiya, “Uy la, kaam bitu magbawuꞌ-bawuꞌ jaꞌ intong pa Tuhan. Kira ku san gi Llaw Pahali, yaꞌ san kam luu san disu yaꞌ bay ngalakkahan ingkot sapiꞌ bi atawa kuraꞌ bi, boꞌ tinondaꞌ pa boheꞌ pinainum.

Lukas 22:32

Boꞌ kau na sina Saymon tiniluꞌ banahan meꞌ na. Kamasaꞌ lay na du silay siꞌ ko pakuhan ku duwaa supaya yaꞌ lungay pangando nu niyaku. Sugaꞌ san meꞌ looy, masi du sina ku tikutan nu samantalaꞌ. Sugaꞌ pag lay jaꞌ ko ina mintu nawbat sampay pabeleng pa mman ku, paintoman nu sa siga danganakan nu mari pataggu iman da.”

Lukas 6:41

“Na kaam ma tigiꞌ nahawi, ongoy taggahaꞌ takita bi boboꞌ-boboꞌ jawom mata soheꞌ bi, pagka batang ni mata bi yaꞌ san paruli bi.

Lukas 6:43

Pag-anu, lay na baw si Isa ngandalil manusiyaꞌ pa poon kayu, yuk na, “Bong luu poon kayu mahap, mastiꞌ buwaꞌ na ina mahap du. Sugaꞌ bong ina poon kayu maat, mastiꞌ buwaꞌ na maat du.

Salsila siga Rasul 13:10

“Anak Ibilis bina ko! Mimon kaintongan saggaꞌ nu jaꞌ. Njawom atay nu pannoꞌ meꞌ dustaꞌ. Maka nabiat ko moo jama magsiꞌ. Wā tabid nu kabanahan pasal Papuꞌ.

Salsila siga Rasul 2:38

Pag tampung si Pitel, “Subay kam nawbat saliꞌ-saliꞌ, boꞌ bi nohoꞌ pinandi ni awon si Isa Almasi. Meꞌ looy ilay, puwas na mimon dusa bi pa Tuhan boꞌ bi buwanan na ladjikiꞌ, yana Rū Sutsiꞌ.

Salsila siga Rasul 8:21

Tud yaꞌ sina luu kabigiꞌ-bigian nu ni pabuwatan bay sinukuꞌ ningkami sabap bingkok niyat njawom atay nu ni mata Tuhan.

Suwat si Pol pa mman Baanan Sukuꞌ si Isa ndooy ni Rom 2:1

Na ga jama meꞌ looy ilay, ndang katoonan tabi du, mastiꞌ kalabuan jaꞌ hukuman Tuhan, batan Tuhan yana huwis intong. Na bong luu kam ngawnan jama dusahan meꞌ looy maat, ituu bāꞌ ku ningkaam: Kaam ina sibuꞌ du ka sila batan saꞌ ba, luu du kalaatan bi meꞌ ninsila? Dari bila kam ngawnan sila maat, sibuꞌ du kam ka bay matabeꞌ dī bi batan luu du kalaatan bi. Sangkon yaꞌ sina luu kapatut bi os-os manding jama meꞌ looy pa kalaatan.

2 Korin 5:18

Na ilooy ilay siꞌ, sikamimon man gantaan Tuhan. Bistahun bi doꞌ, san kitabi bay ndusa pa Tuhan sibuwa, lay gi ya buwat jalan man tabi mahap na niiya njataꞌ pabuwatan Almasi. Boꞌ lay gi Tuhan nguwakilan kitabi nohoꞌ mahati jama bong pooy meꞌ da mahap na niiya.

2 Timuti 2:21

Na mimon manganan looy siꞌ tuwaꞌ pa siga sukuꞌ Tuhan. Sagannap ma lay na ngalabbahan mimon kalaatan, sibuꞌ na sina karuha da ka ga manganan looy ma hinalliꞌ ni siga llaw mulliya. Sutsiꞌ sila maka kaboo kabantugan pa Tuhan. Tawop na sila pinakoy meꞌ na man majatu jinisan pabuwatan ayad.

2 Pitel 1:9

Sugaꞌ sagannap ma yaꞌ mogbogan arat-tabiat meꞌ naa, sibuꞌ du sina karuha da ka jama buta ni kaawam da. Tumatandaꞌ landuꞌ pondok pamiki da batan yaꞌ na san taintom da mimon dusa da lay na pinuwasan maka pangatayan da bay sinutsiꞌ.