Lukas 6:35 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁵ “Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Lukas 6:35 ပူးပေါင်းရင်းမြစ်များ

Matiyu 5:9

Njawom supaat sina sagannap ma tiggo ngulihal kasalassayan, batan inawnan sila anak Tuhan.

Malkus 5:7

Dari lay sohoꞌ si Isa seytan na pōꞌ man jawom baran na. Pag-anu, magti ngahowap seytan looy, yuk na, “Batōy nu itu ku, Isa? Katoonan ku du bina kau Anak Tuhan Mahatinggi! Junjung ku na ningkau ni awon Tuhan, baan nu na ku yaꞌ ko midjalaꞌ aku.”

Lukas 1:32

Anak nu ina mintu jama langkaw banahan ntan na sampay ginalla lagi Anak Tuhan Mahatinggi. Maka ndean iya na sina mintu meꞌ Tuhan pagkasultan bboꞌ na mattoꞌ yana Sultan Daud.

Lukas 6:36

Sangkon, subay du kam manimbang ni jama meꞌ karuha Mmaꞌ bi Tuhan.”

Yahiya 13:35

Bong ina kam sikaaseꞌ-kaaseꞌ du, inaa na sina pindoga man mimon jama toon mattan kaam mulit ku.”

Yahiya 15:8

Bong ina kam buwat kahandak Mmaꞌ ku, malaingkan sibuꞌ du karuha bi ka engas buwaꞌ paeka. Boꞌ na, kaboo gi kam kabantugan mehe niiya, maka tumatandaꞌ na kaam siga mulit ku.

Salsila siga Rasul 14:17

Sugaꞌ san meꞌ looy, man awwal jaman lagi, ndang luu na siga sipat man bi kabistu ndang luu Tuhan maka iya du buwat kaayaran ni manusiyaꞌ. Batan iya na sina muwanan kitabi uwan sampay masulig jinisan tinanom tabi ngabut sampay timpu ngattom. Dari man sabapan na, sukup na balanjaꞌ tabi ka kagakan tabi.”

2 Korin 8:9

Ngaddoꞌ jaꞌ kam pamintangan ni Papuꞌ tabi si Isa Almasi. Katoonan bi na du ehe aseꞌ na ningkitabi. San ya dayahan ni sulgaꞌ, lay na ga ya pitu pa junyaꞌ niksaꞌ dī na njawom miskin supaya luu na lawang man tabi koleꞌ ladjikiꞌ ma natas saumu-umu.

2 Timuti 3:2

Batan kaekahan na sina mintu manusiyaꞌ, dī da du kaasean da. Maka magnapsu mulakab na sila ni sīn. Pangabbu gi sila ni kalangkaw atay da. Boꞌ meka gi sina yaꞌ paagak mitsala jama pa kalaatan. Yaꞌ sila ngasip ni induꞌ-mmaꞌ da, yaꞌ ngintom buddi maka yaꞌ tawu pa Tuhan.