Lukas 6:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Sagannap ma numpaan kaam, pakuhan bi sila supaat pa Tuhan. Sagannap ma minsanaꞌ kaam, pakuhan bi sila duwaa.

Lukas 6:28 ပူးပေါင်းရင်းမြစ်များ

Matiyu 5:44

Sugaꞌ ituu jaꞌ meꞌ ku ka kaam: Kaasean bi sagannap ma manta kaam maka pakuhan bi duwaa sagannap ma ngalaugan kaam.

Lukas 23:34

Pag-anu, lay si Isa maku duwaa, yuk na, “Maꞌ, ampunun doꞌ sila batan yaꞌ tasayu da bong oy pabuwat da.” Kuwan ga sundalu ndooy, lay pinagsarī-sarī meꞌ da pakayan si Isa, boꞌ pinagkimbuan meꞌ da bong mamooy sukuꞌ ni dangan.

Lukas 6:27

“Na kaam ma pakale batnaa, ituu jaꞌ meꞌ ku ka kaam: Kaasean bi sagannap ma manta kaam. Maka buwat kam mahap ni jama ma lammis ningkaam.

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Salsila siga Rasul 14:5

Dari song hallom, lay na isun kasohean Yahudi ka ga jama saꞌ Yahudi sampay ga pa-mmean da minsanaꞌ ga si Pol sampay ngahiyak sila ka batu mari sila matoy.

Salsila siga Rasul 7:60

Hangat ya sigi-sigi hiniyak, tuut na sa man na nangge sampay lay na baw ya ngingan pabalik, yuk na, “Papuꞌ, ampunun sa sila ni bay dusa da niyaku.” Pus na bay halling meꞌ looy, ilooy ma lay na ya makkat.

Suwat si Pol pa mman Baanan Sukuꞌ si Isa ndooy ni Rom 12:14

Na bila luu ngalaugan kaam, daa sumpaan bi, gam pin pakuhan bi gi sila supaat man Tuhan.

1 Korin 4:12

Kami tu llum, dī kami mismu maghulas-sangsāꞌ. Bila kami sinumpaan meꞌ jama, gam pin pakuhan kami gi sila supaat. Bila kami nilaugan, tinatasan na jaꞌ meꞌ kami.

Yaꞌkub 3:10

Dari poonan disu du behe, mandooy na pōꞌ pudji ka sumpaꞌ. Sugaꞌ siga danganakan ku, tud yaꞌ silay dari meꞌ looy.

1 Pitel 3:9

Sagannap ma buwat maat ningkaam, daa na tungbasan bi ka maat. Damikiyan, bong luu madiyoꞌ kaam, san daa na umbangan bi. Gam pin buwat gi kam kaayaran ninsila, batan ndang inaa sina kahandak Tuhan ningkaam. Bong siꞌ inaa bean tabi, mastiꞌ sinupaatan jaꞌ kitabi meꞌ Tuhan.