Lukas 6:27 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁷ “Na kaam ma pakale batnaa, ituu jaꞌ meꞌ ku ka kaam: Kaasean bi sagannap ma manta kaam. Maka buwat kam mahap ni jama ma lammis ningkaam.

Lukas 6:27 ပူးပေါင်းရင်းမြစ်များ

Malkus 4:24

Yuk si Isa lagi, “Isbatun bi paayad tōꞌ ku. Batan mangkin ina kam magtuyuꞌ ngahati, mangkin pasōng gi pangahati bi. Boꞌ na, sinampunan gi sina meꞌ Tuhan. Sugaꞌ soysoy ina yaꞌ ngisbat bitsala ku, san luu pangahati na dangkitiꞌ, kinaddoan du.”

Lukas 23:34

Pag-anu, lay si Isa maku duwaa, yuk na, “Maꞌ, ampunun doꞌ sila batan yaꞌ tasayu da bong oy pabuwat da.” Kuwan ga sundalu ndooy, lay pinagsarī-sarī meꞌ da pakayan si Isa, boꞌ pinagkimbuan meꞌ da bong mamooy sukuꞌ ni dangan.

Lukas 6:22

“Bong ina kam kinalammisan, tinuwak, pinadiyoꞌ sampay pinitnahan sabap meꞌ bi mmeꞌ niyaku, yana Anak Manusiyaꞌ, njawom supaat du sina kam.

Lukas 6:35

“Sangkon, bong kam bana-bana mulit ku, subay kaasean bi sagannap ma manta kaam. Maka buwat jaꞌ kam mahap ninsila. Mautang kam ni jama san kam yaꞌ ngaholat binayaran. Bong bean bi inaa, luu du sina mintu tungbas mehe takoleꞌ bi. Boꞌ na, tumatandaꞌ na sina anak Tuhan Mahatinggi na kam sabap meꞌ bi nutu arat-tabiat na. Intomun bi, Tuhan ina buwat mahap san ni jama maat sampay ni sagannap ma yaꞌ kaintom buddi.

Lukas 8:15

Boꞌ tanaꞌ looy ma mahap man bani looy bay sinaburan, tuwaꞌ pa sagannap ma bay kale umanat Tuhan, boꞌ kinanna meꞌ da ni kahilas atay da. Wā sila mean umanat looy san gi oy katuwaꞌ ninsila. Sangkon jinisan kaayaran na takita ni kaallum da. Kaayaran da ina, bong dalil ta pa tinanom, yaꞌ luu hantiꞌ da buwaꞌ, boꞌ ayad jaꞌ buwaꞌ da.”

Lukas 8:18

Sangkon pakale kam paayad, batan soysoy ina nganna bitsala ku, mastiꞌ sinampunan gi sina pangahati na. Sugaꞌ soysoy ina yaꞌ nganna, malaingkan lugiꞌ jaꞌ ya. Sakayi na ina mintu kasayu, san luu pangahati na dangkitiꞌ, lay na kinaddoan.”

Lukas 8:8

Kuwan kasohean bani lay tuwaꞌ ni tanaꞌ mahap. Dari siꞌ, mahap meꞌ da sulig sampay pag buwaꞌ na, lay gi lipat min dahatus.” Pag-anu, yuk si Isa lagi, “Kaam ma pakale ni bitsala ku, pahamun bi paayad.”

Salsila siga Rasul 16:28

Kahapan lay ya hinowapan meꞌ si Pol, yuk na, “Daa ko ba mapatoy dī nu. Itu gi du kami ntuu sikamimon.”

Salsila siga Rasul 7:60

Hangat ya sigi-sigi hiniyak, tuut na sa man na nangge sampay lay na baw ya ngingan pabalik, yuk na, “Papuꞌ, ampunun sa sila ni bay dusa da niyaku.” Pus na bay halling meꞌ looy, ilooy ma lay na ya makkat.

Galatiya 6:10

Sangkon na, bong luu dapat bi buwat mahap ni jama awla na ni siga danganakan bi sukuꞌ si Isa, daa kam paagak.

1 Tesaloneka 5:15

Luu-luu buwat maat ningkaam, daa subay na pin kam mawos. Gam pin, buwat na pin kam mahap ninsila sampay ni mimon manusiyaꞌ, mmeꞌ, yaꞌ mmeꞌ ni Papuꞌ Isa.

3 Yahiya 1:11

Bagay ku, kakasi ku, daa kita ngakig kalaatan jama meꞌ looy, arapun iya pakutuꞌ ta kaayaran. Batan soysoy ina buwat kaayaran, tumatandaꞌ sukuꞌ Tuhan sila. Boꞌ sagannap ma buwat maat, yaꞌ katoonan da Tuhan.