Lukas 6:22 - Sabahagiꞌ Kitab Tawrat: Panagnaan ni Awwal Jaman maka Kitab Injil

²² “Bong ina kam kinalammisan, tinuwak, pinadiyoꞌ sampay pinitnahan sabap meꞌ bi mmeꞌ niyaku, yana Anak Manusiyaꞌ, njawom supaat du sina kam.

Lukas 6:22 ပူးပေါင်းရင်းမြစ်များ

Matiyu 10:18

Kasohean ina kam binoo gi pa awpan siga gubnul ka ga sultan nohoꞌ hinukum sabap meꞌ bi mmeꞌ niyaku. Sugaꞌ ingatun bi inaa na sina lawang man bi masaplag umanat mahap ninsila sampay ni siga jinisan bangsa kapil.

Matiyu 10:22

Kaam ina mintu kinalammisan meꞌ jama ni mimon kalahat-lahatan sabap mmeꞌ kam niyaku. Sugaꞌ soysoy ina natas pangando na ngabut sampay pa katapusan, salamat jaꞌ ya.

Matiyu 10:39

Soysoy ina numbul satu niiya meꞌ na nulut dī na halloman na ntuu ni junyaꞌ, mastiꞌ tiksaꞌ jaꞌ nyawa na saumu. Sugaꞌ soysoy ina yaꞌ mean kahandak na bong pin tabean na kahandak ku, sampulnaꞌ nyawa na labba man junyaꞌ sampay pa ahirat.”

Lukas 20:15

Dari lay na ya ginuyud-guyud pa poan kabbun looy, boꞌ na lay pinapatoy. “Na,” tilaw si Isa, “pagka meꞌ looy kadarihan siga panungguꞌ looy siꞌ, batōy ilay la sila meꞌ dapu kabbun looy?

Lukas 21:17

Kinalammisan sina kam mintu meꞌ jama sikamimon sabap meꞌ bi mmeꞌ niyaku.

Lukas 6:21

Njawom supaat kaam ma lingantu, batan pinaasso du sina kam bbos-bbos. Njawom supaat kaam ma nangis ni batnaa, batan gāk du sina kam bbos-bbos.

Yahiya 12:42

Dari san kaekahan Yahudi yaꞌ pitsayaꞌ ni si Isa, meka gi du baw bay pitsayaꞌ sampay kasohean pa-mmean da. Sugaꞌ ni katawu da ni siga Parisi, yaꞌ du sila bay nawakka magpasayu taggahaꞌ yaꞌ na baw sila pinadari nindak langga.

Yahiya 16:2

Batan luu sina mintu masa bi yaꞌ pinadari nindak langga sabap meꞌ bi mmeꞌ niyaku. Boꞌ kasohean kam ina sampay pinapatoy lagi. Sila ilay ma doman mapatoy kaam, kanna da katabang pa Tuhan bong sila buwat kaam meꞌ looy.

Yahiya 17:14

Umanat nu lay na pasampay ku ninsila. Dari batnaa, kinalammisan na sila meꞌ sagannap ma yaꞌ pitsayaꞌ niyaku. Kon meꞌ looy batan meꞌ aku na du sila, saꞌ sukuꞌ junyaꞌ tuu.

Yahiya 7:7

sabap yaꞌ kam kinalammisan. Boꞌ aku tu, kinalammisan meꞌ mimon ma mandang hāl junyaꞌ sabap mungka ku kalaatan da.

Yahiya 9:34

Pag tampung ga pa-mmean looy, “Kalalaan nu! Man jawom kūn induꞌ nu lagi, ndang baldusa na ko. Tatammu nu na baw ga magpandoy-pandoyan kami.” Dari siꞌ, lay na ga ya binandaan yaꞌ na nohoꞌ paasok balik pa jawom langga.

Salsila siga Rasul 22:22

Na kuwan baanan ga Yahudi baw siꞌ tu ma pakale ndooy, pag taabut sinabbut meꞌ si Pol pasal iya sinohoꞌ meꞌ Papuꞌ masaplag ni kabangsa-bangsahan saꞌ Yahudi, tud bay dugahan sila. Dari bbuwatan da maghowapan, yuk da, “Jama meꞌ tuu bitu subay kinaddoan na man taꞌ babaw junyaꞌ! Yaꞌ na pataꞌ pinakallum!”

Salsila siga Rasul 24:5

“Na kon kami itu malkalaꞌ lalla naa ni awpan nu batan paninggai-paninggai jaꞌ ya, mōꞌ jaꞌ ya kalingogan. Boꞌ iya na sina poonan kahiluhalaan mehe ni bangsa kami Yahudi. Iya na sina disu pa-mmean ni baanan jama ma ngantanan agama bahau, yana baanan ma mmeꞌ ni tōꞌ disu lalla man Nasaret.

Salsila siga Rasul 9:16

Baan ku sa ya, mastiꞌ lumingkaꞌ jaꞌ sina ya mintu njawom jinisan kabinsanaan sabap meꞌ na masaplag pasal aku.”

Yaꞌkub 1:12

Na sagannap ma amu-amu natas njawom kasusahan ma nuwayan pangando da ni si Isa, mastiꞌ sinupaatan jaꞌ sina. Batan pagka tumatandaꞌ na takkoꞌ pangando da, koleꞌ jaꞌ sina sila kasampulnaan nyawa saumu-umu ma ndang bay njanjiꞌ meꞌ Tuhan ni sagannap ma maaseꞌ niiya.

1 Pitel 3:14

Sugaꞌ sawpama kam bay bininsanaꞌ sabap meꞌ bi paintong, mastiꞌ luu supaat Tuhan njataꞌ bi. Sangkon daa kam hanggaw atawa tawu ni manusiyaꞌ.