Lukas 5:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Na disu llaw sasang si Isa nōꞌ njawom lumaꞌ, luu du siga paki man palhimpunan Parisi ka ga guru saraꞌ agama ningkōꞌ ndooy pakale. Sila siꞌ tu lakka man kakawum-kawman ni Jalil ka Yahudiya, sampay man Jerusalem. Na si Isa siꞌ tu, luu na pin kawasa na man Tuhan nguliꞌ.

Lukas 5:17 ပူးပေါင်းရင်းမြစ်များ

Matiyu 11:5

Baan bi ya jama buta ngita na, jama tongkaꞌ kapalān na paayad, jama inipu kaulian na, ma bisu kale na, sampay jama bay matoy llum na. Maka jama miskin bohoꞌ da kagamgaman sabap luu na umanat mahap pinasaplag ninsila.

Matiyu 15:1

Na disu llaw, luu na baw bay pilay pa mman si Isa baanan ga Parisi ka ga guru saraꞌ agama lakka man Jerusalem. Tilaw da niiya,

Malkus 1:45

Sugaꞌ pag lakka lalla looy baw siꞌ tu, gam pin nuntut na ya ni jama mimon bong pooy meꞌ na bay kaulian. Pag toklas na, yaꞌ na si Isa sumunsayaꞌ paasok pa jawom siga daira sabap liput na ya meꞌ siga baanan manusiyaꞌ magdogsog-dogsog na. Dari lay na ya kataddasan ndooy ni poan siga daira lawak man kalumaan. Sugaꞌ san meꞌ looy, song paeka na pin manusiyaꞌ lakka man sikaliput lahat looy pilay pa mman na.

Malkus 16:18

Maka san ina mintu sila bay kapūt sō atawa pun lay kainum latsun, yaꞌ du sina sila kongoy-kongoy. Maka bong sila bay nappak ga baran jama sakihan, kaulian jaꞌ sina meꞌ da.”

Malkus 3:22

Na ndooy siꞌ, luu siga guru saraꞌ agama ma bay takka man Jerusalem bay mitsala si Isa, yuk da, “Lay na bilay ya inasok meꞌ Belsibul, panghuluꞌ siga seytan. Ilooy na silay poonan kawasa na malakka siga seytan.”

Malkus 5:30

Kuwan si Isa baw siꞌ tu, takissa na na luu kawasa bay pōꞌ man jawom baran na. Dari lay ya pateleꞌ pa dambulihan ngandaꞌ ni baanan looy siꞌ sambayan na nilaw, yuk na, “Soy lay siꞌ bay murut juba ku?”

Malkus 7:1

Na disu llaw, luu na baw bay pilay pa mman si Isa baanan ga Parisi ka ga guru saraꞌ agama lakka man Jerusalem.

Lukas 15:2

Pag ndaꞌ siga Parisi ka ga guru saraꞌ agama meꞌ looy, buwatan da magdubdub, yuk da, “Uy, lalla naa, guru oy doꞌ na meꞌ naa? Buwatan na ngahasi siga baldusa sampay mmeꞌ lagi pahaboy mangan ninsila!”

Lukas 2:46

Pag taabut ni katallu ngallaw na, bohoꞌ na luu tatammu da ndooy ni langga mehe ningkōꞌ ni baanan siga guru saraꞌ agama. Bbuwatan na pakale ni tōꞌ da sampay nilaw hāl agama.

Lukas 5:21

Pag lay jaꞌ takale bitsala na meꞌ siga guru saraꞌ agama ka ga Parisi, tud bay dugahan sila. Honaꞌ-honaꞌ da, “Uy, lalla naa la, tatammu na ga mitsala pangka pa Tuhan! Isu-isu Tuhan bina luu kapatut na muwasan dusa!”

Lukas 5:30

Pag tasayu siga Parisi ka ga guru saraꞌ agama, lay sila nahawi siga mulit si Isa, yuk da, “Ongoy doꞌ ilay kam kuhi paharung nginum-mangan ni siga tukang ninga sukay ka ga pagkahi da baldusa?”

Lukas 6:19

Dari sikamimon siꞌ ndooy magtuyuꞌ na pin papassūt murut iya sabap luu kawasa pōꞌ man baran na ngulian sila sikamimon.

Lukas 7:30

Boꞌ siga Parisi ka ga guru saraꞌ agama lay jaꞌ nuwak kahandak Tuhan batan yaꞌ sila bay kuhi pinandi meꞌ si Yahiya.

Lukas 8:46

Sugaꞌ yuk si Isa, “Yaꞌ ba saliꞌ. Luu bitu bay takissa ku kawasa pōꞌ man baran ku nguliꞌ.”

Yahiya 3:10

Pag tampung si Isa, “Hati, kau disu guru langkaw ni bangsa Israil, yaꞌ lagi kina katoonan nu hāl meꞌ naa?

Yahiya 3:21

Boꞌ sagannap ma nabiat buwat kaintongan ina, ilooy karomanan da njawom dantaꞌ batan yaꞌ luu subay na pin tinapuk meꞌ da. Katoonan da sumilan-sumilan nililing siga pabuwatan da, tarang-tarang magbēꞌ jaꞌ ni kahandak Tuhan.

Salsila siga Rasul 19:11

Ndooy siꞌ ni Epesus, lay na baw si Pol buwanan Tuhan kawasa mōꞌ jinisan pabuwatan kahaylan-haylan.

Salsila siga Rasul 4:30

Maka nnaun na njataꞌ kami kawasa nu supaya taulian kami jama saki sampay man kami mōꞌ siga sipat kawasa nu ni awon ilooy ma sutsiꞌ, yana sosohoan nu si Isa.”

Salsila siga Rasul 5:34

Sugaꞌ luu gi baw ndooy disu Parisi njawom baanan da inawnan si Gamaliyel bay ngawalan sila. Iya ilay guru lahal ni saraꞌ agama boꞌ pinagmaltabatan lagi meꞌ sikamimon. Dari lay doꞌ sohoꞌ na binoo ga rasul looy pa poan samantalaꞌ.