Lukas 4:18 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁸ “Inassob na ku meꞌ Rū Sutsiꞌ batan lay ku pineneꞌ meꞌ na masaplag umanat mahap pa mman siga jama miskin. Sinohoꞌ ku meꞌ na mahati sagannap ma tapalisu njawom komkoman Ibilis, inaa, bukaꞌ na lawang man da pōꞌ. Maka sinohoꞌ ku pitu masaplag ni sagannap ma buta supaya sila ngita na maka ni sagannap ma tinakkon mari sila kapaddus na.

Lukas 4:18 ပူးပေါင်းရင်းမြစ်များ

Panagnaan 3:15

Lagiꞌ na, pagsikagigit ta na sina kam ka danda tuu sampay na siga panubuꞌ bi sikaduwa. Sugaꞌ luu du sina mintu disu panubuꞌ danda tuu maā kau. Bbuwatan nu ina mintu ninduk tikod na, sugaꞌ pinipis du sina meꞌ na kōk nu.”

Matiyu 11:5

Baan bi ya jama buta ngita na, jama tongkaꞌ kapalān na paayad, jama inipu kaulian na, ma bisu kale na, sampay jama bay matoy llum na. Maka jama miskin bohoꞌ da kagamgaman sabap luu na umanat mahap pinasaplag ninsila.

Matiyu 12:18

“Ituu itu sosohoan ku ma bay peneꞌ ku. Iya ina kakasi ku ma kasulut banahan niyaku. Patannaꞌ ku sina Rū ku niiya. Maka iya ina mintu masaplag bong pooy meꞌ mimon kabangsa-bangsahan taitung meꞌ ku intong.

Matiyu 12:20

Manimbang ya ni jama ma kaluuy-luuy. Nabang ya jama ma yaꞌ luu pag-asa da. Yaꞌ ya patagong ngkod-ngkoran yaꞌ gi tumanjataꞌ kaintongan ni sikaliput junyaꞌ.

Matiyu 4:16

Sila ilay awam ni kabanahan pasal Tuhan. Sibuꞌ karuha da ka jama maglahat njawom lindom. Yaꞌ luu sōng da sarī man ngagad kapatoy da. Sugaꞌ luu du sina mintu takka pa lahat da meꞌ karuha sūꞌ dantaꞌ banahan. Iya na silay mintu marantaan pamiki da mari katoonan da na kabanahan.”

Matiyu 5:3

“Njawom supaat sina sagannap ma kabista tiksaꞌ nyawa da batan kapasila pamarinta Tuhan.

Lukas 4:17

Ilooy siꞌ bay sinongan niiya yana logoran kitab bay sinuwatan leꞌ Nabi Isaya mattoꞌ. Pag ungkad na, lay jaꞌ tangngad na suwat ma karomanan na binatsa. Batsahan na yana meꞌ tuu:

Lukas 6:20

Pag-anu siꞌ, lay na baw si Isa paawop pa mman sagannap ndooy ma mmeꞌ niiya, boꞌ na halling, “Njawom supaat kaam ma miskin batan kapakaam pamarinta Tuhan.

Lukas 7:22

Tampung si Isa, “Pabeleng na kam, boꞌ baan bi jaꞌ si Yahiya bong oy bitsala bay takale bi niyaku sampay ma bay takita bi pabuwat ku. Baan bi ya jama buta ngita na, jama tongkaꞌ kapalān na paayad, jama inipu kaulian na, ma bisu kale na, sampay jama matoy pinakallum na. Maka luu na umanat mahap pinasaplag ni jama miskin.

Yahiya 1:41

Dari pag poleꞌ si Andru, lay doꞌ piha na danganakan na si Saymon. Pag tatammu na, yuk na, “Luu na la takka Almasi! Boꞌ lay gi kami sitammu ka iya!” (Hatiyan Almasi, ilooy ma bay inuwakilan meꞌ Tuhan magsultan saumu-umu.)

Yahiya 12:46

Aku tu bay pitu pa junyaꞌ bilang sūꞌ marantaan pamiki manusiyaꞌ supaya yaꞌ na njawom lindom soysoy pitsayaꞌ niyaku.

Yahiya 3:34

Batan pagka Almasi bay pinapitu meꞌ Tuhan, mastiꞌ masampay jaꞌ ya palman Tuhan. Boꞌ tumatandaꞌ du batan njataꞌ na man Tuhan bay matannaꞌ mimon kawasa Rū Sutsiꞌ.

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Salsila siga Rasul 4:26

Siga sultan ka ga pa-mmean ntuu ni junyaꞌ magtaayun nulang kau ka Almasi nu.’

Salsila siga Rasul 4:27

“Dari batnaa Tuhan, tumatandaꞌ na ningkami, lay na du bana binakbul tunaꞌ looy siꞌ. Batan pag lahil tukang nalamat ma bay peneꞌ nu pa junyaꞌ, yana si Isa, sosohoan nu ma sutsiꞌ, lay du ya bana sinulang meꞌ Sultan Herod ka Gubnul Puntus Pilatu. Maka meka gi Yahudi sampay siga saꞌ Yahudi ni daira tuu lay du magtaayun nulang iya.

Kolossa 1:13

Kitabi itu lay na pinaddusan meꞌ Tuhan man jawom komkoman Ibilis ma magbayaan jama njawom lindom. Sampay lay na tabi hinalin meꞌ Tuhan pa jawom pamarinta Anak na, yana kakasi na.

Yaꞌkub 2:5

Siga danganakan ku, kakasi ku, pakale doꞌ kam niyaku. Siga jama miskin ina subay du pinagmaltabatan batan sila bay pineneꞌ meꞌ Tuhan ngantanan pangando basag niiya. Boꞌ na, tabeꞌ du sina sila ni mimon kaayaran pamarinta Tuhan ma bay njanjiꞌ meꞌ na ni sikamimon ma maaseꞌ niiya.

1 Pitel 2:9

Boꞌ kaam ina ma pitsayaꞌ ni Almasi, lay na kam pineneꞌ meꞌ Tuhan binuwat baanan siga imam ka sultan njawman pamarinta na. Boꞌ lay gi kam pabuwat Tuhan bangsa sutsiꞌ ma inaku leꞌ na sukuꞌ na. Kahandak na masaplag na kam kaayaran na. Batan lay na kam pinōꞌ meꞌ na man jawom kalindoman, sampay lay na kam lliyun pa jawom karantaan na ma yaꞌ luu sibuꞌ sabanding na.