Lukas 4:14 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁴ Na paddus meꞌ looy, lay na pabeleng si Isa pa Jalil. Boꞌ luu na pin kawasa Rū Sutsiꞌ njataꞌ na. Dari song hallom, habal pasal iya lataꞌ na ni sikaliput Jalil sampay ni mimon lahat ma ngaliput ndooy.

Lukas 4:14 ပူးပေါင်းရင်းမြစ်များ

Matiyu 4:12

Song hallom, lay na baw taaka si Isa lay tasungkub si Yahiya ma Tukang Mandi sampay lay na tajīl. Dari lay na baw ya pabeleng pa Nasaret ndooy ni Jalil.

Matiyu 9:26

Dari aka pasal bay pabuwatan si Isa magti lay na magkanatan ni sikaliput lahat looy.

Matiyu 9:31

Sugaꞌ pag pōꞌ da mandooy, lay du sila māꞌ ni sikaliput lahat looy bong oy bay pabuwat si Isa ninsila.

Malkus 1:14

Na song hallom, kuwan si Yahiya, lay na baw sinungkuban sampay lay na tajīl sabap meꞌ na bay nahawi Gubnul Herod pasal dusa na. Kuwan si Isa, lay na pabeleng pa Jalil masaplag umanat mahap man Tuhan,

Malkus 1:28

Dari aka siꞌ pasal iya magti bay magkanatan ni sikaliput Jalil.

Lukas 4:13

Na pag ndaꞌ Ibilis yaꞌ na takoleꞌ na si Isa sinasat, lay na doꞌ ya palakka halloman na yaꞌ gi bay kasipi nasat pabalik.

Lukas 4:37

Dari aka siꞌ pasal kadarihan si Isa lataꞌ na ni sikaliput lahat looy.

Yahiya 4:43

Na paddus jaꞌ siꞌ duwa ngallaw looy, lay na ga si Isa palakka lān da pawus pa Jalil, lahat man si Isa bay sulig.

Salsila siga Rasul 10:37

Kira ku san kaam, lay na du taaka bi bong oy bay pabuwat si Isa, lalla looy man Nasaret, nagnaꞌ man Jalil sampay ni sikaliput Yahudiya. Iya ilay bay nagnaꞌ majatu pabuwatan na noy paddus na si Yahiya bay masaplag pasal pandi tawbat. Maka kira ku lay na du taaka bi luu na Rū Sutsiꞌ ddas ka kawasa na bay pinatannaꞌ meꞌ Tuhan njataꞌ si Isa. Dari man sabapan gaos Tuhan njataꞌ na, ninggai-ninggai palanan na, wā ya buwat kaayaran sampay ngulian sagannap ma bay malasahi meꞌ Ibilis.