Lukas 3:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Pus mandooy, lay gi si Yahiya nahawi Gubnul Herod Antipas pasal dusa na bay ngagaw ipa na si Herodiyas binuwat nda na. Boꞌ meka gi jinisan kalaatan na bay binungka meꞌ si Yahiya.

Lukas 3:19 ပူးပေါင်းရင်းမြစ်များ

Matiyu 11:2

Ni waktu looy siꞌ, kuwan si Yahiya ma Tukang Mandi, lay tajīl. Ndooy siꞌ, lay ya kaakahan pasal pabuwatan si Isa Almasi. Dari lay ya nohoꞌ mulit na kasohean pilay pa mman si Isa nohoꞌ nilaw.

Matiyu 14:1

Na jaman looy du siꞌ, kuwan si Herod, yana gubnul ndooy ni Jalil, lay du kaakahan pasal siga pakaradjaan bay pabuwat si Isa.

Matiyu 14:6

Sugaꞌ meꞌ tuu silay bay kadari na. Pag taabut haliyan buwan man Gubnul Herod bay pinamaddihan, lay ya ballang mehe. Ni paballangan looy siꞌ, kuwan anak si Herodiyas ma budjang, lay ngiluk ni awpan Gubnul Herod ka ga bisita na. Dari siꞌ, ni kagāk Gubnul Herod ni ilukan na,

Lukas 3:1

Na luu jaꞌ daka dangon taun bay pingkaꞌ, kuwan si Yahiya, yana anak si Jakariya, lay binuwanan meꞌ Tuhan umanat waktu na maglahat ndooy ni lahat lau-lau yaꞌ maglumaꞌ. Ilooy siꞌ bay magkadarihan meꞌ looy sasang si Tiberius panghuluꞌ sultan ni bangsa Rom luu na sapu-liman taun. Boꞌ ilooy na du silay masa man si Puntus Pilatu maggubnul ni Yahudiya. Si Herod Antipas pun, maggubnul du ndooy ni Jalil. Maka danganakan na si Pilip maggubnul du ndooy ni Ituriya ka Tarakuniti. Maka luu gi gubnul ni Abilin inawnan si Lisani. Lay du magsabtan ka jaman si Kayapas gantiꞌ si Annas binuwat panghuluꞌ imam.

Lukas 3:18

Dari meꞌ looy na silay siꞌ meꞌ si Yahiya bay masaplag umanat mahap pasal Almasi ni siga jama ndooy. Boꞌ meka gi bitsala na bay pinōꞌ meꞌ na man mitsalahan ga jama ndooy nohoꞌ mmeꞌ ni kahandak Tuhan.