Lukas 24:19 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁹ Yuk si Isa, “Na oy baw lay siꞌ?” Yuk da, “Pasal si Isa bilay, lalla man Nasaret. Iya ilay nabi mehe ni mata Tuhan sampay na ni manusiyaꞌ, tumatandaꞌ ni tōꞌ na ka ni kawasa na mōꞌ jinisan pabuwatan kahaylan-haylan.

Lukas 24:19 ပူးပေါင်းရင်းမြစ်များ

Matiyu 21:11

Pag tampung baanan jama ma ngahaboyan si Isa, “Iya na sina si Isa, nabi looy man Nasaret ndooy ni Jalil.”

Malkus 1:24

“Aha! Kau na hati si Isa, lalla looy man Nasaret, hāꞌ? Manggoy ko pitu? Pakaat nu na baw kami? Katoonan ku du bina bong soy ko. Kau na sina ilooy ma Mahasutsiꞌ lakka man Tuhan.”

Lukas 24:18

Yuk disu ninsila ma inawnan si Kelopas, “Kira ku njawom mimon manusiyaꞌ ma lay na bahuklud pa Jerusalem sasang paballangan Ngalingkaꞌ, marean ta isu-isu kau du masi awam ni hāl ma bahau jaꞌ bay magkadarihan ni lahat tuu.”

Lukas 7:16

Pag takita leꞌ baanan jama ndooy, takkahan tawu na sila labbasakayi sampay mudji na ga sila Tuhan, yuk da, “Luu na bitu Tuhan pitu nabang kitabi sukuꞌ na. Batan luu na bay papitu na disu nabi biddaꞌ na ehe kawasa na pa mman tabi.”

Yahiya 3:2

Disu sangom, lay ya pilay pa mman si Isa. Takka ndooy yuk na, “Tuwan, katoonan kami kau guru lakka man Tuhan. Yaꞌ sina ko kapōꞌ siga pakaradjaan kahaylan-haylan meꞌ ilooy ma bay pabuwat nu bong yaꞌ luu kawasa Tuhan njataꞌ nu.”

Yahiya 4:19

Yuk danda looy, “Tuwan, bohoꞌ la tabista ku kau disu nabi.

Yahiya 6:14

Lay jaꞌ siꞌ takita ga baanan jama ndooy pabuwatan kahaylan-haylan bay pabuwat si Isa, ilooy ma lay sila kapahalling, “Mattan du la lalla tuu nabi looy ma bay tinunaꞌ maruhuꞌ-ruhuꞌ pitu pa junyaꞌ.”

Yahiya 7:52

Yuk da baw siꞌ tu, “Uy, batiꞌ ta bitu jama Jalil du ko. Maliksaꞌ teꞌ ko njawom kitab. Yaꞌ silay luu tatammu nu nabi bay tinunaꞌ pōꞌ man Jalil.”

Salsila siga Rasul 2:22

Na lupus jaꞌ siꞌ si Pitel bay maintoman sila palman looy siꞌ, yuk na, “Kaam, siga pagkahi ku bangsa Israil, pakalehun bi doꞌ bitsala ku. Paintoman ta doꞌ kam pasal si Isa, lalla looy man Nasaret ma bay pinapitu meꞌ Tuhan. Tuhan ilay bay mōꞌ buktiꞌ si Isa lakka man iya batan luu na pin ya nganggaosan iya buwat jinisan pabuwatan kahaylan-haylan ka sipat kawasa. Kaam pun ina, katoonan bi na du bana bitsala ku batan meka sipat kawasa bay pabuwat si Isa ni pag-awpan bi.

Salsila siga Rasul 7:22

Dari siꞌ sabap meꞌ looy, biddaꞌ na langkaw iskul Boꞌ Musa. Yaꞌ na taambat kapandoyan bay takoleꞌ na man siga mastal ma halul-akka ndooy ni Ejip. Dari labba man bitsala na sampay pabuwatan na, tumatandaꞌ lawom kapandoyan na.