Lukas 22:66 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁶⁶ Pag sayu, luu na kumpo-kumpo baanan ga pa-mmean agama ma ngantanan kapatut ngahukum inawnan Sanhidrin. Njawom baanan da, luu siga imam langkaw ka ga guru saraꞌ agama. Dari lay na si Isa binoo pa awpan da sinumariya.

Lukas 22:66 ပူးပေါင်းရင်းမြစ်များ

Matiyu 27:1

Pag kallat subu, lay na isun siga imam langkaw ka ga matatoa ni agama bong pooy meꞌ si Isa kalabuan hukuman kapatoy.

Matiyu 5:22

Sugaꞌ batnaa, ituu jaꞌ meꞌ ku maka kaam: Minsan ina lasu jaꞌ kam ni pagkahi bi, mastiꞌ piligru du kam kalabuan hukuman. Maka soysoy mahallingan pagkahi na, ‘Yaꞌ luu guna nu,’ mastiꞌ piligru du ya binoo pa baanan Sanhidrin hinukum. Maka soysoy ngawnan pagkahi na manusiyaꞌ dupang, mastiꞌ piligru du ya pinidjalaꞌ ni api nalkaꞌ.

Malkus 15:1

Pag kallat llaw, kuwan ga imam langkaw ka ga guru saraꞌ agama ka ga matatoa ni agama, sampay na mimon pagkahi da njawom baanan Sanhidrin, lay na isun bong pooy meꞌ da buwat si Isa. Pag lupus, lay na ya iningkotan meꞌ da, boꞌ na binoo pa mman Gubnul Pilatu.

Yahiya 18:28

Pag deꞌ subu, lay na baw si Isa binoo meꞌ siga pa-mmean Yahudi lakka man lumaꞌ Imam Kayapas pa astanaꞌ Gubnul Pilatu. Sugaꞌ yaꞌ sila kuhi paasok sabap njawom saraꞌ agama da, bong sila nabbaꞌ ni lumaꞌ jama saꞌ Yahudi, katamak ninsila, sampay yaꞌ na sila kapalamud mmeꞌ mangan ni paballangan Ngalingkaꞌ.

Salsila siga Rasul 22:5

Minsan panghuluꞌ imam ka mimon matatoa ni agama tabi, tasaksiꞌ da du sina kabanahan bay bitsala ku siꞌ. Boꞌ sila gi mismu bay muwanan aku suwat katarangan man ku makitahan siga pagkahi tabi Yahudi ni Damaskus. Dari sabapan kapatut bay dean da aku, lay du ku pilay pa Damaskus nungkuban soysoy mmeꞌ ni si Isa mari sila taboo pabeleng pa Jerusalem pinidjalaꞌ.