Lukas 22:53 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁵³ Aku bitu, llaw pa dangallaw na ku bay maglamud ka kaam ni langga mehe. Ongoy taggahaꞌ yaꞌ gi ku bay sungkuban bi ndooy? Kamasaꞌ, ndang ituu na baw situ waktu bay ginantaꞌ meꞌ Tuhan man bi buwat kahandak bi njawom lindom. Maka ituu na du situ masa man Ibilis, yana panghuluꞌ kalindoman, pinabiya madara kahandak na.”

Lukas 22:53 ပူးပေါင်းရင်းမြစ်များ

Matiyu 21:23

Pag-anu, lay na baw si Isa pabeleng pa langga mehe boꞌ na nagnaꞌ noan jama ndooy. Sasang na ndooy, luu siga imam langkaw ka ga matatoa ni agama pasōng pa mman na, yuk da, “Soy doꞌ ina bay muwanan kau kapatut, taggahaꞌ ilu na ko pabasa-basa buwat kajinisan ni langga tuu?”

Lukas 22:52

Na baanan ga jama looy siꞌ ma song nungkuban si Isa yana siga imam langkaw ka ga pa-mmean siga tukang jaga langga mehe sampay siga matatoa ni agama. Pag-anu, yuk si Isa ninsila, “Ongoy doꞌ kam ina pitu subay na pin moo ga kataliꞌ ka ga takaka? Ongoy kanna bi, mundu kitu ku?

Lukas 22:54

Pag-anu, lay na sungkuban da si Isa boꞌ na binoo pa lumaꞌ panghuluꞌ imam. Kuwan si Saymon Pitel, luu na pin patuhut man katāhan.

Yahiya 12:27

Pag-anu siꞌ yuk si Isa, “Tud susa atay ku batnaa sabapan kamalasahiyan ma song inawop meꞌ ku. Tud sobot pamiki ku bong oy subay halling ku ni Mmaꞌ ku. Bong ku nohoꞌ pinuwasan niiya, yaꞌ baw sikatuwaꞌ sabap ituu na situ ndang bay maksud ku pitu.”

Yahiya 13:30

Dari bbuwatan si Judas, lay magti pōꞌ. Na iya siꞌ bay pōꞌ, sangom na lahat.

Yahiya 14:30

Yaꞌ na patahaꞌ ku bitsala ku sabap song takka na Ibilis ngalān aku. Iya ilay magbayaan manusiyaꞌ ma yaꞌ pitsayaꞌ niyaku. Sugaꞌ bong baw aku, basta yaꞌ baw tu luu kawasa-kapatut na njataꞌ ku.

Yahiya 7:30

Pus si Isa halling meꞌ looy, magdaruhun na dawom siga pa-mmean ndooy nungkuban iya, sugaꞌ yaꞌ luu tapabuwat da sabap yaꞌ gi bay ngabut waktu bay ginantaꞌ niiya.

Yahiya 7:45

Na kuwan ga tukang jaga looy siꞌ ma bay sinohoꞌ nungkuban si Isa, luu na bay pabeleng. Tilaw ga Parisi siꞌ tu ka siga imam langkaw ndooy, “Ongoy yaꞌ bay taboo bi lalla looy?”

Salsila siga Rasul 26:18

makallat mata da supaya sila kapōꞌ na man jawom lindom pa jawom dantaꞌ. Man sabapan pangahati ma pasampay nu ninsila, kapōꞌ na sina mintu sila man jawom sakup Ibilis pa jawom sakup Tuhan. Maka sabapan pangando da ina mintu niyaku, puwas na mimon dusa da, boꞌ da kapatabeꞌ na ni siga sukuꞌ Tuhan.’

Epesus 6:12

Banta ta ina saꞌ manusiyaꞌ, arapun siga seytan ni antalaan ma moo-moo jama buwat maat. Sila ilay ngantanan kawasa-kapatut magbayaan mimon manusiyaꞌ ma masi njawom lindom ntuu ni junyaꞌ.

Kolossa 1:13

Kitabi itu lay na pinaddusan meꞌ Tuhan man jawom komkoman Ibilis ma magbayaan jama njawom lindom. Sampay lay na tabi hinalin meꞌ Tuhan pa jawom pamarinta Anak na, yana kakasi na.