Lukas 22:37 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁷ Boꞌ aku, yaꞌ na hallom tasungkub na situ ku. Song binakbul na situ njataꞌ ku tunaꞌ looy njawom kitab, ilooy ma yuk na, ‘Binilang ya jama tabeꞌ ni sagannap ma ngalangga saraꞌ.’ ”

Lukas 22:37 ပူးပေါင်းရင်းမြစ်များ

Malkus 15:27

Na sarī man si Isa, luu gi duwa mundu bay du llansang taꞌ tehang ndooy, disu huwin pa kawnan man si Isa, kuwan ilooy disu, huwin pa kayli.

Malkus 15:28

Dari sabap meꞌ looy, lay na binakbul bay tunaꞌ njawom kitab pasal Almasi, ilooy ma yuk na, “Initung ya tabeꞌ ni sagannap ma ngalangga saraꞌ.”

Lukas 18:31

Pag-anu, lay binoo meꞌ si Isa ga mulit na sikasapu-duwa palawak-lawak dangkitiꞌ man ga baanan jama ndooy, boꞌ da binaan, yuk na, “Pakale doꞌ kam. Batnaa pilay na tabi pa Jerusalem. Pag takka tabi ndooy ilay mintu, binakbul na mimon tunaꞌ njawom kitab kanabi-nabihan pasal aku, yana Anak Manusiyaꞌ.

Lukas 22:22

Sabana na, aku itu, yana Anak Manusiyaꞌ, ndang bay ginantaꞌ meꞌ Tuhan mastiꞌ pinapatoy jaꞌ. Sugaꞌ tud siya-siya silay mintu ilooy ma nipu aku.”

Lukas 22:36

Yuk si Isa lagi, “Sugaꞌ labba man batnaa, meka sina yaꞌ na ngahasi kaam. Sangkon bong luu sīn bi atawa bāg, boonun bi na. Maka bong yaꞌ luu bariꞌ bi, dagangan bi na pamakoy bi kasohean mari kam kaballi.

Lukas 22:52

Na baanan ga jama looy siꞌ ma song nungkuban si Isa yana siga imam langkaw ka ga pa-mmean siga tukang jaga langga mehe sampay siga matatoa ni agama. Pag-anu, yuk si Isa ninsila, “Ongoy doꞌ kam ina pitu subay na pin moo ga kataliꞌ ka ga takaka? Ongoy kanna bi, mundu kitu ku?

Lukas 23:32

Na sarī man si Isa, luu gi duwa mundu bay pinagsihaboy ka iya lān pinapatoy du.

Lukas 24:27

Pag-anu, lay gi pinassaꞌ meꞌ si Isa ninsila hatiyan siga suwat njawom kitab ma tuwaꞌ pa iya, labba man suwat Nabi Musa sampay mimon suwat kanabi-nabihan kasohean.

Yahiya 10:35

Boꞌ kitab ina, ndang katoonan tabi na du yaꞌ tabaluba saumu. Na bong sila man Tuhan bay magpalman bay awnan na siga tuhan,

Yahiya 17:4

Lay na du situ ku moo kabantugan ningkau halloman ku ni junyaꞌ tuu, batan lay na pupus ku pabuwatan ma bay sinukuꞌ meꞌ nu niyaku.

2 Korin 5:21

Bistahun bi doꞌ, san yaꞌ luu dusa Almasi samasakali, lay na ga ya binuwat meꞌ Tuhan subay ga baldusa batan mimon dusa tabi lay na tinanggung meꞌ na. Kon na bay buwat meꞌ looy supaya dari jama intong na kitabi meꞌ karuha kaintongan Tuhan man sabapan pagkatibuuk tabi ka Almasi.”

Galatiya 3:13

Boꞌ kitabi itu, ndang katoonan tabi na mimon manusiyaꞌ ngalangga saraꞌ Tuhan. Sangkon pataꞌ kitabi minulkaan bbos-bbos. Lipara, luu na Almasi bay nongan umu na llansang taꞌ tehang supaya tapaddusan na na kitabi man mulkaꞌ Tuhan. Iya ilay gantiꞌ tabi minulkaan. Boꞌ magbēꞌ du silay ka suwat njawom kitab, ilooy ma yuk na, “Soysoy pinapatoy siniitan taꞌ tehang, tumatandaꞌ lay minulkaan meꞌ Tuhan.”