Lukas 22:33 - Sabahagiꞌ Kitab Tawrat: Panagnaan ni Awwal Jaman maka Kitab Injil

³³ Sugaꞌ yuk si Saymon Pitel, “Uy Tuwan, yaꞌ bina ko la tatikut ku! Aku bitu, atas ku paunung ningkau san gi man ku tajīl sampay pinapatoy!”

Lukas 22:33 ပူးပေါင်းရင်းမြစ်များ

Matiyu 20:22

Tampung si Isa, “Yaꞌ san bitu tasayu bi bong oy paku bi. Tatatas bi kina kabinsanaan meꞌ ilooy ma song lingkaan ku?” Pag tampung da, “Ohoꞌ Tuwan, takaya kami.”

Malkus 14:29

Sugaꞌ kuwan si Pitel baw siꞌ tu, yuk na, “San sila sikamimon ngambanan kau Tuwan, bong aku, basta niyaꞌ baw la.”

Malkus 14:31

Sugaꞌ si Pitel siꞌ tu, gam pin amu-amu magsambatan, yuk na, “San gi man ku matoy, basta yaꞌ du ku maylu!” Damikiyan, ga mulit si Isa siꞌ tu ilooy kasohean, meꞌ looy du halling da.

Lukas 22:34

Yuk si Isa, “Baan ta ko Pitel, sangom tuu du, yaꞌ gi sina mintu bay tingkauk manuk, ndang min tallu na ko bay maylu bahasa yaꞌ ku takila nu.”

Lukas 22:57

Sugaꞌ lay jaꞌ maylu si Pitel, yuk na, “Uy, yaꞌ san bilay ya takila ku!”

Yahiya 13:38

Pag halling si Isa, “Bana kina atas nu nongan umu nu kalnaꞌ aku? Baan ta ko banahan, yaꞌ lagi sina mintu bay tingkauk manuk, ndang min tallu na ko bay maylu bahasa yaꞌ san ku takila nu.”

Salsila siga Rasul 21:13

Sugaꞌ iya tampung si Pol, “Ongoy kam nangisan aku? Daa na ba gangguun bi iman ku. Daa palagi sat njīl, san kapatoy ndooy ni Jerusalem atas ku du kalnaꞌ Papuꞌ Isa.”