Lukas 22:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁹ Dari yana meꞌ Mmaꞌ ku bay muwanan aku kapatut magsultan, buwanan ta du sina kam kapatut hampit ni pagkasultan ku.

Lukas 22:29 ပူးပေါင်းရင်းမြစ်များ

Matiyu 24:47

Baan ta kam banahan, ata ma tapangandohan meꞌ looy ilay, iya na silay sinohoꞌ magmalim ni altaꞌ papuꞌ na labbasakayi.

Matiyu 25:21

“Tampung bōs na, ‘Tud bay mahap meꞌ nu buwat. Kau na tindog mahap maka kanaalla. Pagka ko bay kanaalla ni pabuwatan dangkitiꞌ, batnaa paeka ku na altaꞌ ku hinalap ningkau. Tu ko. Patabeꞌ ta na ko ni kagakan ku.’

Matiyu 25:34

“Pag-anu, yuk Sultan ninsila ni kawnan na, ‘Kaam ina sikamimon sinupaatan meꞌ Mmaꞌ ku. Pitu kam. Timaun bi na mimon kaayaran ni pamarinta ma bay hinalliꞌ ningkaam man awwal tagnaꞌ lagi junyaꞌ bay pinapayak.

Matiyu 28:18

Pag-anu, yuk si Isa ninsila, “Sikamimon kapatut ni sulgaꞌ sampay ni junyaꞌ lay na ndean aku.

Matiyu 5:10

Njawom supaat sina sagannap ma nilaugan sabap meꞌ da mean kahandak Tuhan, batan kapasila na pamarinta Tuhan.

Matiyu 5:3

“Njawom supaat sina sagannap ma kabista tiksaꞌ nyawa da batan kapasila pamarinta Tuhan.

Lukas 12:32

“Na meꞌ kaam siga ipatan ku, san kam yaꞌ meka, daa kam hanggaw ni oy maka oy na. Ndang-ndang gāk du sina Mmaꞌ bi Tuhan muwanan kaam mimon supaat njawom pamarinta na.

Lukas 19:17

“Yuk sultan looy niiya, ‘Mahap sina. Kau na tindog mahap. Pagka ko bay kanaalla ni pabuwatan dikiꞌ, buwanan ta na ko kapatut marintahan daira sapū.’

1 Korin 9:25

Jama lalumbaan ina, sabuli-buli na nganad baran na. Inagak meꞌ na napsu na bong pin takoleꞌ na jaꞌ haddiya numbul satu. Sugaꞌ haddiya ma tuyuan na samantalaꞌ du sina. Boꞌ ilooy ma pinagtuyuan meꞌ tabi natas saumu-umu.

2 Korin 1:7

Sangkon yaꞌ kami gawa pasal kaam. Batan katoonan kami bila kam bininsanaꞌ meꞌ karuha kami, mastiꞌ meꞌ kami na du kam pinagamgaman meꞌ Tuhan.

2 Timuti 2:12

Bong itu kitabi natas na pin njawom kamalasahiyan kalnaꞌ iya, mastiꞌ kapatabeꞌ du kitabi niiya magsultan ni sinōng. Sugaꞌ bong kitabi yaꞌ kuhi mangaku sukuꞌ na kitabi, malaingkan yaꞌ du kitabi aku na sukuꞌ na.

Yaꞌkub 2:5

Siga danganakan ku, kakasi ku, pakale doꞌ kam niyaku. Siga jama miskin ina subay du pinagmaltabatan batan sila bay pineneꞌ meꞌ Tuhan ngantanan pangando basag niiya. Boꞌ na, tabeꞌ du sina sila ni mimon kaayaran pamarinta Tuhan ma bay njanjiꞌ meꞌ na ni sikamimon ma maaseꞌ niiya.

1 Pitel 5:4

Meꞌ naa ina, koleꞌ jaꞌ sina kam mintu kabantugan ma yaꞌ kuhi baluba saumu yana tungbas ndean kaam ni katakka panghuluꞌ siga tukang ipat, yana Almasi.

Siga Pakaradjaan bay Pinalahil 21:14

Pananggehan kutaꞌ daira looy siꞌ batu mehe, sapu-duwa eka na. Boꞌ siga batu looy siꞌ, saliꞌ-saliꞌ bay sinuwatan ka awon siga rasul sikasapu-duwa ma bay pineneꞌ meꞌ Bili-bili looy.