Lukas 20:24 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁴ “Boonan bi teꞌ ku pitu disu pilak.” Luu jaꞌ siꞌ, yuk na, “Limbagan soy tu ni sīn tuu ddas ka awon na?” Tampung da, “Sultan Sisal, panghuluꞌ sultan bangsa Rom.”

Lukas 20:24 ပူးပေါင်းရင်းမြစ်များ

Matiyu 18:28

“Pag poleꞌ na, sitammu na baw ya ka disu pagkahi na tindog utangan dangkitiꞌ du niiya. Pag-anu, magti sungkuban na boꞌ na sinakko-sakko sambayan na halling, ‘Bayaran nu na utang nu niyaku!’

Matiyu 20:2

Pag nammu jaꞌ ya, lay sila magsulut ni gadji pataꞌ ka pabuwatan dangallaw. Dari lay na sila sinohoꞌ buwat ni kabbun na.

Matiyu 22:20

yuk na, “Limbagan soy tu ni pasita tuu ddas ka awon na?”

Malkus 12:16

Luu jaꞌ siꞌ, yuk na, “Limbagan soy tu ni sīn tuu ddas ka awon na?” Tampung da siꞌ, “Sultan Sisal, panghuluꞌ sultan bangsa Rom.”

Lukas 2:1

Na jaman looy ilay, luu aturan bay pinōꞌ meꞌ panghuluꞌ parinta Rom, yana Sultan Agustus. Njawom aturan looy, mimon raayat ni kalahat-lahatan njawom ntanan na subay magrejistel pa parinta supaya kinatoonan bong dangoy eka raayat ni sakup na.

Lukas 20:22

Pagka meꞌ naa Tuwan Guru, luu situ siꞌ la tilaw ku. Bong ningkau, sikatuwaꞌ kilay ni saraꞌ bangsa tabi mayaran sukay pa mman panghuluꞌ sultan bangsa Rom, atawa niyaꞌ?”

Lukas 20:23

Na si Isa baw siꞌ tu, tasayu na du maksud da niit bitsala na. Dari yuk na ninsila,

Lukas 20:25

Dari yuk na ninsila, “Pagka meꞌ naa, oy-oy sukuꞌ Sultan Sisal, deanun bi iya. Damikiyan, oy-oy sukuꞌ Tuhan, deanun bi du Tuhan.”

Lukas 23:2

Takka ndooy siꞌ, pinalkalaꞌ na si Isa meꞌ da, yuk da, “Lalla tuu tu, kon na bay boo kami pitu sabap lay taabut kami moo-moo pagkahi kami Yahudi migta man saraꞌ parinta Rom. Bbuwatan na moo-moo kami yaꞌ mayaran sukay parinta pa mman Sultan Sisal. Maka baꞌ-bāꞌ na, iya na Almasi, sultan ma bay njanjiꞌ meꞌ Tuhan nalamat bangsa kami.”

Lukas 3:1

Na luu jaꞌ daka dangon taun bay pingkaꞌ, kuwan si Yahiya, yana anak si Jakariya, lay binuwanan meꞌ Tuhan umanat waktu na maglahat ndooy ni lahat lau-lau yaꞌ maglumaꞌ. Ilooy siꞌ bay magkadarihan meꞌ looy sasang si Tiberius panghuluꞌ sultan ni bangsa Rom luu na sapu-liman taun. Boꞌ ilooy na du silay masa man si Puntus Pilatu maggubnul ni Yahudiya. Si Herod Antipas pun, maggubnul du ndooy ni Jalil. Maka danganakan na si Pilip maggubnul du ndooy ni Ituriya ka Tarakuniti. Maka luu gi gubnul ni Abilin inawnan si Lisani. Lay du magsabtan ka jaman si Kayapas gantiꞌ si Annas binuwat panghuluꞌ imam.

Salsila siga Rasul 11:28

Ilooy disu, yana si Agabus. Man kapandoyan Rū Sutsiꞌ, lay ya bay nunaꞌ, yuk na, “Yaꞌ na hallom, luu du sina takka gotom mehe ni sikaliput junyaꞌ.” Na bay tunaꞌ na ilay siꞌ lay du bana binakbul sasang si Kalawdiyus panghuluꞌ sultan ndooy ni Rom.

Salsila siga Rasul 26:32

Dari yuk Sultan Agripa ni Gubnul Pestus, “Bong siꞌ bilay lalla looy yaꞌ bay muhun nohoꞌ moo palkalaꞌ na pa mman Sultan Sisal, lay na ya bay tapōꞌ.”

Pilipi 4:22

Sampay mimon sukuꞌ Tuhan ntuu, awla na sagannap ma buwat ni jawom astanaꞌ Sultan, lay du nohoꞌ masampay salam duwaa ningkaam.