Lukas 20:17 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁷ Pag-anu, ilooy ma ngandaꞌ si Isa pa mman da sambayan na halling, “Pooy meꞌ na niyaꞌ? Pahamun bi teꞌ bong oy kamaatunan suwat looy njawom kitab, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.’

Lukas 20:17 ပူးပေါင်းရင်းမြစ်များ

Matiyu 21:42

Pus meꞌ looy siꞌ, yuk si Isa ninsila, “Yaꞌ kilay kam bay kabatsa suwat njawom kitab, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon. Ilooy ilay siꞌ man gantaan Tuhan na du, boꞌ tud kainu-inu ningkitabi.’

Malkus 10:23

Pag-anu siꞌ, ilooy ma tineleꞌ meꞌ si Isa siga mulit na sambayan na halling ninsila, “Awod la jama dayahan tumabeꞌ ni pamarinta Tuhan.”

Malkus 12:10

Yuk si Isa lagi, “Kahalan anak dapu kabbun looy ilay siꞌ magtuntun du ka suwat njawom kitab ma pinagbatsa meꞌ bi, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.

Malkus 3:5

Si Isa siꞌ tu, sasang na ngandaꞌ ninsila, maglamud na lasu na ka susa na ninsila sabap tumatandaꞌ yaꞌ san luu luuy da ni jama. Pag-anu, yuk si Isa ni lalla looy, “Pa-nnatun na tangan nu.” Pag nnat na, sarunduun du ya kasay.

Lukas 19:41

Tapit banahan jaꞌ siꞌ sila pa Jerusalem sampay takita si Isa na daira looy, lay na ga ya kapanangis susahan siga jama ndooy.

Lukas 22:37

Boꞌ aku, yaꞌ na hallom tasungkub na situ ku. Song binakbul na situ njataꞌ ku tunaꞌ looy njawom kitab, ilooy ma yuk na, ‘Binilang ya jama tabeꞌ ni sagannap ma ngalangga saraꞌ.’ ”

Lukas 22:61

Maka ni waktu looy du, tineleꞌ na ya meꞌ Papuꞌ Isa sampay taintom na na bay tunaꞌ si Isa, ilooy ma yuk na, “Sangom tuu du yaꞌ lagi bay tingkauk manuk, ndang min tallu na ko bay maylu bahasa yaꞌ ku takila nu.”

Lukas 24:44

Pag lupus, yuk na, “Bay waktu tabi dambuwaꞌ, ndang bay kam baan ku meꞌ tuu: Saꞌ ba, yuk ku, mimon ma bay sinuwatan meꞌ Nabi Musa ka ga kanabi-nabihan ilooy kasohean sampay na njawom Kitab Jabul pasal aku talpaksaꞌ binakbul jaꞌ?”

Yahiya 15:25

Dari lay na binakbul tunaꞌ looy njawom kitab, ilooy ma yuk na, “Lammis sila niyaku san yaꞌ luu pataꞌ poon sabap na.”

Salsila siga Rasul 4:11

Boꞌ iya na silay bay ndalil pa batu looy njawom kitab, ilooy ma yuk na, ‘Batu ma bay tinimanan meꞌ siga tukang buwat lumaꞌ batu, ilooy ya bay dari patingkat kapansahaliyan na man sikamimon.’

Epesus 2:20

Na kitabi itu sukuꞌ Almasi tadalil pa siga kalangkapan lumaꞌ pinatangge meꞌ Tuhan man Rū na patannaꞌ. Kuwan si Isa Almasi, yana batu pepan luha man lumaꞌ looy pinatangge mari pagon. Sangkon iya patingkat hagaan man mimon kalangkapan lumaꞌ looy. Kuwan tōꞌ siga rasul si Isa ka ga kanabi-nabihan, yana siga tehang lumaꞌ looy.

1 Pitel 2:6

Na bitsala ku ilay siꞌ pasal si Isa magtuntun du ka palman Tuhan njawom kitab, ilooy ma yuk na, “Ndaun bi sa. Luu sina mintu batu lambu ma hagaan banahan bay peneꞌ ku binuwat pananggehan lumaꞌ ku. Nnaꞌ ku ya ndooy ni Zayon. Soysoy ina pitsayaꞌ niiya, yaꞌ luu masa na kaap-apan.”