Lukas 2:38 - Sabahagiꞌ Kitab Tawrat: Panagnaan ni Awwal Jaman maka Kitab Injil

³⁸ Na sasang si Simiyun mitsala ni si Mariyam ka si Yusup, lay pasōng si Anna pa mman da sambayan na mudji Tuhan sabapan anak da. Pus meꞌ looy, lataꞌ na man na nuntut pasal anak-anak looy ni mimon ma ndang ngagad Tuhan maddusan jama Jerusalem man ga banta da.

Lukas 2:38 ပူးပေါင်းရင်းမြစ်များ

Malkus 15:43

Dari padpad luu gi waktu, luu disu lalla man Aramatiya inawnan si Yusup lay nawakkahan dī na pilay pa mman Gubnul Pilatu muhunan mayat si Isa kinubu. Si Yusup ilay siꞌ, iya disu paki ni baanan Sanhidrin. Pinagmaltabatan ya banahan meꞌ pagkahi na bangsa Yahudi. Maka ndang ngagad ya ni pamarinta Tuhan pinatangge.

Lukas 1:68

“Pudji tabi Papuꞌ tabi Tuhan, ilooy ma sinumba meꞌ bangsa tabi Israil. Ituu na situ masa man na pitu maddusan kitabi sukuꞌ na man jawom komkoman siga banta tabi.

Lukas 2:25

Na ndooy ni Jerusalem, luu disu lalla inawnan si Simiyun. Iya ilay intong maka tud ngisbat Tuhan. Ndang hallom na ya magdautan katakka tukang nalamat bangsa Israil. Maka luu na pin Rū Sutsiꞌ ngunungan iya.

Lukas 2:36

Na ndooy siꞌ ni langga mehe, luu du disu bawu danda tud toa na. Awon na si Anna. Iya ilay tukang masampay siga umanat man Tuhan. Mmaꞌ na si Panuwel, disu panubuꞌ si Asel. Jaman si Anna masi baddung, lay na matoy lla na bohoꞌ pitun taun halloman da bay kinawin.

Lukas 24:21

Na kami ilay siꞌ, holat kami, iya na Almasi ma bay njanjiꞌ meꞌ Tuhan maddusan bangsa tabi Israil man komkoman siga banta tabi. Sugaꞌ lay na ya matoy, boꞌ ituu na situ ni katallu ngallaw na.

2 Korin 9:15

Magsuku pa Tuhan lay na dean na kitabi ladjikiꞌ mehe ma yaꞌ luu sibuꞌ sabanding na.

Epesus 1:3

Pudji tabi Tuhan, Mmaꞌ Papuꞌ tabi si Isa Almasi. Meꞌ kitabi itu tibuuk na ka Almasi, lay na dean Tuhan ningkitabi mimon supaat man sulgaꞌ ma kasampulnaꞌ ni nyawa.