Lukas 18:32 - Sabahagiꞌ Kitab Tawrat: Panagnaan ni Awwal Jaman maka Kitab Injil

³² Duhuꞌ-duhuꞌ, sinungkuban na ku boꞌ pina-ntan ni bangsa Rom. Pag-anu, boꞌ ku binuwat kalabbiyan ka bininsanaꞌ sampay lluraan gi.

Lukas 18:32 ပူးပေါင်းရင်းမြစ်များ

Matiyu 16:21

Na pus meꞌ looy, nagnaꞌ na baw si Isa mahati siga mulit na bong oy katuwaꞌ niiya ni sinōng. Yuk na, “Aku itu, talpaksaꞌ niyaku pilay na pa Jerusalem. Ndooy ilay mintu, subay ku natasan jinisan kabinsanaan meꞌ siga matatoa ni agama ka ga imam langkaw sampay ga guru saraꞌ agama, boꞌ pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Matiyu 20:19

Pag-anu, boꞌ ku pina-ntan na baw ni bangsa Rom binuwat kalabbiyan, boꞌ llagpiꞌ ka llansang gi taꞌ tehang sampay matoy. Sugaꞌ pag ina mintu taabut ni katallu ngallaw, pinakallum du ku.”

Matiyu 22:6

Kuwan kasohean, lay gi sungkuban da siga tindog sultan looy boꞌ pinawu-pawu lagi sampay pinapatoy.

Matiyu 26:67

Pag lupus meꞌ looy, bbuwatan da ngaluraꞌ ni luwa na. Pag-anu, lay gi pakkos da mata na boꞌ na tinampa sampay sinuntuk

Matiyu 27:2

Dari lay na ya iningkotan boꞌ na binoo pa mman Gubnul Pilatu.

Malkus 14:65

Dari labba mandooy, bbuwatan kasohean, ngaluraan iya, boꞌ da makkos mata na maka nuntuk iya sambayan da halling, “Tunaun teꞌ bong soy na pin bay nuntuk kau.” Pag-anu, sigi-sigi gi ya bay tinampa meꞌ siga tukang jaga ndooy.

Malkus 15:1

Pag kallat llaw, kuwan ga imam langkaw ka ga guru saraꞌ agama ka ga matatoa ni agama, sampay na mimon pagkahi da njawom baanan Sanhidrin, lay na isun bong pooy meꞌ da buwat si Isa. Pag lupus, lay na ya iningkotan meꞌ da, boꞌ na binoo pa mman Gubnul Pilatu.

Lukas 18:33

Maka llagpiꞌ gi ku sampay pinapatoy. Sugaꞌ pag ina mintu taabut ni katallu ngallaw, llum du sina ku pabalik.”

Lukas 23:1

Pus meꞌ looy, lay na baw si Isa binoo meꞌ baanan ga jama looy siꞌ labbasakayi pa mman Gubnul Pilatu nohoꞌ hinukum.

Lukas 23:11

Pag-anu siꞌ, inudjuꞌ na baw si Isa meꞌ Gubnul Herod ka ga sundalu na sampay lay gi ya binuwat kalabbiyan. Bbuwatan da lay mapatukan iya juba alatan bahasa inalak ya subay ga sultan. Pus meꞌ looy, lay na baw ya sinohoꞌ binoo pabeleng pa mman Gubnul Pilatu.

Lukas 23:35

Na baanan jama siꞌ tu, luu na pin ndooy nangge-nangge maimanan si Isa. Boꞌ luu du ndooy siga pa-mmean Yahudi ngaludjum iya, yuk da, “Bay baw ya katabang jama, subay siꞌ tabang na du dī na bong tud mawjud iya na Almasi ma bay pineneꞌ meꞌ Tuhan magsultan.”

Yahiya 18:22

Lay jaꞌ siꞌ si Isa mitsala meꞌ looy, ilooy ma lay ya tinampa meꞌ disu tukang jaga ma lundooy ni bihing na. Maka yuk tukang jaga looy, “Pataꞌ kina meꞌ naa meꞌ nampungan panghuluꞌ imam?”

Yahiya 18:28

Pag deꞌ subu, lay na baw si Isa binoo meꞌ siga pa-mmean Yahudi lakka man lumaꞌ Imam Kayapas pa astanaꞌ Gubnul Pilatu. Sugaꞌ yaꞌ sila kuhi paasok sabap njawom saraꞌ agama da, bong sila nabbaꞌ ni lumaꞌ jama saꞌ Yahudi, katamak ninsila, sampay yaꞌ na sila kapalamud mmeꞌ mangan ni paballangan Ngalingkaꞌ.

Yahiya 18:30

Pag tampung da siꞌ, “Lalla tuu bitu, bong siꞌ saꞌ bay dusa mehe pabuwat na, yaꞌ situ ya bay boo kami pa mman nu.”

Yahiya 18:32

Dari sabap meꞌ looy siꞌ, song binakbul na bay tunaꞌ si Isa pasal jalan man na matoy.

Yahiya 18:35

Yuk Gubnul Pilatu baw siꞌ tu, “Ongoy kanna nu, bangsa Yahudi ku kitu? Pooy meꞌ ku katilaw meꞌ looy bong saꞌ man tuntut siga pagkahi nu Yahudi ka ga imam langkaw bi ma bay ma-ntan kau pa mman ku? Sugaꞌ oy baw tu bay pabuwat nu taggahaꞌ landuꞌ na duga da ningkau?”

Salsila siga Rasul 2:23

Sugaꞌ san meꞌ looy, lay gi ya papatoy bi. Lay ya bay pa-ntan bi ni siga jama jahallis nohoꞌ nilansang taꞌ tehang. Kamasaꞌ, ilooy ilay siꞌ sikamimon ndang bay ginantaꞌ meꞌ Tuhan man maruhuꞌ-ruhuꞌ lagi man majatu garaꞌ na.

Salsila siga Rasul 3:13

Saꞌ situ man kami, arapun man kawasa Tuhan ma bay inisbat meꞌ Nabi Ibrahim, Nabi Isahak, Nabi Yaꞌkub sampay na kabboꞌ-bboan tabi kasohean. Tuhan ilay siꞌ bay ngulian lalla tuu man na muwan kabantugan mehe ni si Isa, lalla ma wā ngasip ni kahandak Tuhan. Ilooy na silay Isa ma bay pa-ntan bi pa mman Gubnul Pilatu sinohoꞌ pinapatoy. San ya adak na bay paddusan Gubnul Pilatu, lay gi sinaggaꞌ meꞌ bi.