Lukas 18:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Pag-anu, lay binoo meꞌ si Isa ga mulit na sikasapu-duwa palawak-lawak dangkitiꞌ man ga baanan jama ndooy, boꞌ da binaan, yuk na, “Pakale doꞌ kam. Batnaa pilay na tabi pa Jerusalem. Pag takka tabi ndooy ilay mintu, binakbul na mimon tunaꞌ njawom kitab kanabi-nabihan pasal aku, yana Anak Manusiyaꞌ.

Lukas 18:31 ပူးပေါင်းရင်းမြစ်များ

Matiyu 16:21

Na pus meꞌ looy, nagnaꞌ na baw si Isa mahati siga mulit na bong oy katuwaꞌ niiya ni sinōng. Yuk na, “Aku itu, talpaksaꞌ niyaku pilay na pa Jerusalem. Ndooy ilay mintu, subay ku natasan jinisan kabinsanaan meꞌ siga matatoa ni agama ka ga imam langkaw sampay ga guru saraꞌ agama, boꞌ pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Matiyu 27:63

yuk da, “Tuwan, baꞌ-bāꞌ lalla looy ma pangandustaꞌ jaman na llum, paddus tallu ngallaw, llum du ya konoꞌ pabalik.

Malkus 8:9

Boꞌ eka ga jama looy siꞌ bay mangan, luu ga mpat libu. Pag sso jaꞌ sila, lay na sila papoleꞌ si Isa,

Lukas 10:30

Tampung si Isa niiya, “Luu disu lalla bangsa Yahudi lay lumān lakka man Jerusalem song pa Jeriko. Iya siꞌ tu lay ginapahan meꞌ baanan mundu. Pag-anu, binonoꞌ na ya sampay dak na ga matoy. Boꞌ lay gi kinaddoꞌ mimon sīn na sampay ga pamakoy na, boꞌ na llabbahan.

Lukas 9:22

Maka yuk na lagi, “Ndang lay na situ ginantaꞌ talpaksaꞌ niyaku, yana Anak Manusiyaꞌ, natasan jinisan kabinsanaan. Boꞌ tinuwak lagi ku meꞌ siga matatoa ka ga imam langkaw sampay ga guru saraꞌ agama. Maka pinapatoy lagi ku. Sugaꞌ pag ina mintu taabut ni katallu ngallaw, llum na du sina ku pabalik.”

Lukas 9:51

Na tapit jaꞌ siꞌ waktu man si Isa pabeleng pa sulgaꞌ, katobtoban pamiki na, subay ya pilay na pa Jerusalem.