Lukas 18:16 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁶ Pag ndaꞌ si Isa meꞌ looy, yuk na ni ga mulit na, “Pabiyahun bi na ba pitu siga anak-anak naa pa mman ku. Daa na saggongun bi, batan pamarinta Tuhan ina para ni jama diyoꞌ pangatayan meꞌ karuha ga anak-anak naa.

Lukas 18:16 ပူးပေါင်းရင်းမြစ်များ

Panagnaan 21:4

Na pag taabut wawuꞌ ngallaw umu si Isahak, lay du ya bay inislam meꞌ si Ibrahim man na mean bay sohoꞌ Tuhan niiya.

Matiyu 19:14

Pag ndaꞌ si Isa meꞌ looy, yuk na ni ga mulit na, “Pabiyahun bi na ba pitu siga anak-anak naa pa mman ku. Daa na saggongun bi, batan pamarinta Tuhan ina ndang para ni jama diyoꞌ pangatayan meꞌ karuha ga anak-anak naa.”

Lukas 18:15

Pag-anu siꞌ, luu na baw kasohean moo ga anak da ma masi gi dikiꞌ pa mman si Isa nohoꞌ tinappak bumbunan da binuwanan supaat. Sugaꞌ kuwan siga mulit na baw siꞌ tu, lay naggong ga jama looy.

Lukas 18:17

Baan ta kam banahan, bong ina jama yaꞌ mangando pa Tuhan meꞌ karuha pangando anak-anak ni induꞌ-mmaꞌ na, malaingkan yaꞌ ya kapatabeꞌ ni pamarinta Tuhan.”

Salsila siga Rasul 2:39

Batan ndang inaa sina bay janjiꞌ Tuhan ningkaam mag-anak-mpu, sampay ni mimon manusiyaꞌ matā-matapit. Awnan ku ilay siꞌ yana sikamimon ma bay lliyun meꞌ Papuꞌ tabi Tuhan pa jawom okoman na.”

1 Korin 14:20

Siga danganakan, kaam ina ma bay kaladjikian mitsala ni siga pallun ag-agan, sibuꞌ du karuha bi ka anak-anak luu kuli-kulihan na bahau tud kinasengan meꞌ na. Sugaꞌ ddong na kam ngakig pamiki anak-anak. Akigun bi na siga matatoa patong pamiki da. Luu baw beꞌ disu pakaradjaan ma pataꞌ man bi ngantanan pamiki anak-anak dikiꞌ, yana hāl meꞌ da yaꞌ kapiki nulun-nulun kalaatan.

1 Korin 7:14

Batan bong luu lalla ma yaꞌ pitsayaꞌ ni si Isa, boꞌ nda na pitsayaꞌ, lay na ya pinabiddaꞌ meꞌ Tuhan mari ya hampit ni barakat njataꞌ nda na ma pitsayaꞌ. Danda pun ina ma yaꞌ pitsayaꞌ, lay na du pinabiddaꞌ meꞌ Tuhan mari ya hampit ni barakat njataꞌ lla na ma pitsayaꞌ. Damikiyan, siga anak da pun, lay na du pinabiddaꞌ mari hampit ni barakat njataꞌ disu induꞌ-mmaꞌ da ma pitsayaꞌ. Bong ilay saꞌ meꞌ looy, masi sila binilang meꞌ Tuhan anak kapil.

1 Pitel 2:2

Pagka lay na takissa bi kaayaran Tuhan, kannahun bi na palman na. Yana meꞌ anak-anak bahau pinamaddihan magkainagon ni boheꞌ duruꞌ, kaam pun subay du meꞌ naa kainagon bi ni palman Tuhan. Batan palman Tuhan ina balanjaꞌ pulnaꞌ para ni nyawa bi. Sangkon kannahun bi na supaya magsasōng na pin meꞌ bi ngikut arat-tabiat Tuhan ngabut sampay magjatu na kasalamatan bi.