Lukas 17:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ “Sangkon ndang subay kam saddiya ni llaw katakka ku. Hati na, daa na kam mandang hāl junyaꞌ. Maka daa na subay na pin altaꞌ inisbat meꞌ bi. Pag takka ku ina mintu, yaꞌ na luu waktu man jama paasok pa lumaꞌ da ngaddoꞌ altaꞌ da. Atawa bong jama buwat ni huma na, yaꞌ na du luu waktu man na moleꞌ ngaddoꞌ buwatan na.

Lukas 17:31 ပူးပေါင်းရင်းမြစ်များ

Matiyu 16:26

San du sina lay katis mimon altaꞌ njawom junyaꞌ lay takoleꞌ bi, oy pūs na bong tiksaꞌ du nyawa bi njawom nalkaꞌ? San ina pooy eka altaꞌ bi, yaꞌ du dari man ngalakkat nyawa bi man jawom katiksaan.

Matiyu 6:25

“Sangkon, daa na kam hanggaw ni hāl meꞌ bi llum, meꞌ sapantun hāl kinakan ka inuman sampay pamakoy bi. Pagka ina Tuhan bay muwanan kaam napas ka baran, labi na baw bong sat kinakan ka pamakoy saꞌ tapamuwan na.

Lukas 21:21

Pag mintu taabut meꞌ looy, bong kam lay ni Yahudiya, daa na kam paagak sonse pa kapunu-punuhan. Bong hati kam masi njawom Jerusalem, lahi na kam deꞌ-dēꞌ. Maka bong kam ndang bay na ni huma, amay-amay daa na kam pabeleng pa Jerusalem.