Lukas 17:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ “Damikiyan, meꞌ looy du silay bay kadari jama ni bay jaman si Lut maglahat ndooy ni Sodom. Yaꞌ du bay taingat da ga luu balaꞌ song takka pa mman da. Dari bbuwatan da meꞌ ndang kabiyasahan da du, nginum ka mangan sampay maglitu ka tanom-tanom ka buwat lumaꞌ, meꞌ naa, meꞌ naa.

Lukas 17:28 ပူးပေါင်းရင်းမြစ်များ

Panagnaan 13:13

Salla na, kuwan jama Sodom baw siꞌ tu, biddaꞌ na jahallis da. Dusa da pa Tuhan tud yaꞌ na taambat.

Matiyu 21:12

Pag-anu siꞌ, lay na baw si Isa paasok pa haman langga mehe. Ndooy siꞌ, ngita na ya siga tukang dagang ka jama malli. Ni kalasu na, lay sila palakka na. Boꞌ lay gi bulikad na ga lamisahan siga tukang nambian sīn sampay ga paningkoan siga jama dagang atsang man ngulban.

Lukas 17:27

Jaman looy ilay, yaꞌ bay taingat da ga luu balaꞌ takka pa mman da ni sinōng. Dari bbuwatan da llaw pa dangallaw meꞌ ndang kabiyasahan da du, nginum ka mangan sampay sitampu-tampu. Sugaꞌ pag taabut llaw man ga Nabi Nū bay dutai taꞌ bahitlaꞌ, sakayi ga jama lahat looy kasayu, takka na dunuk sampay lay na sila matoy limbo sikamimon.

Lukas 17:29

Sugaꞌ pag taabut llaw ga si Lut bay lakka man Sodom, sakayi ga jama ndooy kasayu, kalabuan na sila manilang noleyab pōꞌ man taꞌ langit meꞌ kadari uwan, sampay lay na sila ampud labbasakayi.