Lukas 15:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Yuk si Isa lagi, “Damikiyan, bong sawpama luu danda magdublun sapū ma pilak porol, boꞌ bay lungay disu, saꞌ ba, magti du ya nantikan palitaan, boꞌ na ngoheyan lumaꞌ na labbasakayi supaya tatammu na?

Lukas 15:8 ပူးပေါင်းရင်းမြစ်များ

Matiyu 5:15

Kaam ina, katoonan bi na kabanahan. Sangkon daa na tapukun bi. Bong dalil ta pa palitaan, yaꞌ sina luu jama pus na nantikan palitaan, tinangkopan na baw ka undam. Mastiꞌ gowet na jaꞌ sina pa jataꞌ supaya karantaan mimon njawom lumaꞌ.

Lukas 15:7

Na baan ta kam, meꞌ naa du sina kagakan ni sulgaꞌ luu-luu disu baldusa ntuu ni junyaꞌ nawbat. Mas mehe kagakan ndooy ni disu jama meꞌ looy man siyampuꞌ-siyam jama intong ma yaꞌ gunahan ninsila nawbat.”

Lukas 15:9

Pag lay jaꞌ ilay mintu tatammu na, bbuwatan na ngaddoꞌ ga kabagayan na ka ga jama bihing lumaꞌ na binoo nginum-mangan. Yuk na, ‘Maglami-lami doꞌ kitabi sabap luu na tatammu ku dublun ku ma bay lungay!’

Lukas 19:10

Aku tu, yana Anak Manusiyaꞌ, kon ku tu bay pitu pa junyaꞌ miha sagannap ma bay magsiꞌ man Tuhan bong pin sila tasalamat ku.”

Yahiya 10:16

Sarī man siga bili-bili ku ni baanan tuu, luu gi sina kasohean ma saꞌ ni baanan tuu. Sila pun ina subay du liyun ku pa jawom okoman ku. Sila ina mintu pakale du ni suwara ku. Pag ina mintu sila pinaasok na du meꞌ ku pa jawom okoman ku, mimon sukuꞌ ku dari disu baanan sa njawman disu tukang ipat.

Yahiya 11:52

Boꞌ kapatoy na ilay, saꞌ silay sat kalnaꞌ bangsa Yahudi, arapun sampay kalnaꞌ jama man mimon kabangsa-bangsahan. Batan tabeꞌ du sila dari siga anak Tuhan bbos-bbos. Kahandak Tuhan ina sagannap siga anak na ni sikaliput junyaꞌ, bangsa Yahudi sampay na siga bangsa saꞌ Yahudi, tibuuk na na pa disu baanan sa.

Salsila siga Rasul 19:19

Damikiyan, meka na du sila ma bay pingkaꞌ nawa atawa mōꞌ majik bay ngumpo būk ilmuꞌ da, boꞌ tinunu ni mayran. Bong binista hagaꞌ siga būk looy, luu ga limampūꞌ libu dublun pilak porol.

Epesus 2:17

Dari maksud Almasi ilay bay pitu pa junyaꞌ masaplag umanat mahap supaya luu na lawang man manusiyaꞌ mahap na pa Tuhan. Boꞌ umanat na ina, lay na pinasampay ni bangsa Yahudi ma milang dī da tapit pa Tuhan sampay na ningkaam ma bay lawak man Tuhan.