Lukas 15:29 - Sabahagiꞌ Kitab Tawrat: Panagnaan ni Awwal Jaman maka Kitab Injil

^29-30 Sugaꞌ yaꞌ ya kuhi. Yuk na ni mmaꞌ na, ‘Uy, yaꞌ bina Maꞌ sikatuwaꞌ! Anak nu bilay, bay jaꞌ makaat altaꞌ nu man na magdanda. Meꞌ looy na bay karupangan na, pag takka na, lay gi sumbaliꞌ nu niiya sapiꞌ looy ma bay pinalammok! Boꞌ niyaku, san lasa disu kambing, yaꞌ bay luu dean nu aku man kami maglami-lami ka ga kabagayan ku. Yaꞌ sina sikatuwaꞌ, batan daka dangon taun na ku bay ngintu kau sampay ngasip ni oy-oy jaꞌ panohoan nu!’

Lukas 15:29 ပူးပေါင်းရင်းမြစ်များ

Matiyu 20:12

Yuk da, ‘Uy la, timpus banahan dangallaw kami bay buwat njawom pasuꞌ llaw, taggahaꞌ saliꞌ du gadji kami ka sila ma danjām du bay buwat.’

Lukas 15:28

“Sugaꞌ pag takale ilooy ma siyaka meꞌ looy, tud bay lasu ya sampay yaꞌ na ga ya kuhi paasok. Dari lay pōꞌ mmaꞌ na ngug-ngugan iya nohoꞌ paasok.

Lukas 15:7

Na baan ta kam, meꞌ naa du sina kagakan ni sulgaꞌ luu-luu disu baldusa ntuu ni junyaꞌ nawbat. Mas mehe kagakan ndooy ni disu jama meꞌ looy man siyampuꞌ-siyam jama intong ma yaꞌ gunahan ninsila nawbat.”

Lukas 17:10

Subay siꞌ meꞌ naa du kam. Pus bi bay buwat mimon ma bay sinohoꞌ meꞌ Tuhan ningkaam, daa kam ngingat ga subay na pin ya magsuku ningkaam. Arapun ingatun bi ata Tuhan sadjaꞌ kam buwat sagannap ma bay sinukuꞌ ningkaam.”

Lukas 18:9

Na ndooy siꞌ, luu kasohean mista mas intong sila man kaekahan. Ni kaabbu da, diyoꞌ na ga meꞌ da ngandaꞌ jama. Dari lay na baw si Isa muwan dalil ninsila,

Lukas 19:21

Yaꞌ bay pinalān meꞌ ku batan tawu ku kinalasuhan meꞌ nu bong bay lugiꞌ. Ndaꞌ ku, kau jama adil banahan. Biyasa ko ngaddoꞌ untung lakka man hulas-sangsāꞌ jama. Sibuꞌ du ko ka jama ngaddoꞌ kattoman san saꞌ kau bay tanom.’

Suwat si Pol pa mman Baanan Sukuꞌ si Isa ndooy ni Rom 10:3

Ni kaawam da, yaꞌ sila kuhi mmeꞌ ni jalan bahau man manusiyaꞌ initung meꞌ Tuhan intong. Ninsila, ilooy ya patangge da jalan sibuwa, yana hāl meꞌ da magtuyuꞌ mogbogan saraꞌ Nabi Musa.

Suwat si Pol pa mman Baanan Sukuꞌ si Isa ndooy ni Rom 3:20

Tud yaꞌ sina luu san disu initung meꞌ Tuhan intong sabap meꞌ na mogbogan saraꞌ. Gam pin, sabapan saraꞌ, tasayu jama na dusahan sila pa Tuhan.

Suwat si Pol pa mman Baanan Sukuꞌ si Isa ndooy ni Rom 3:27

Dari yaꞌ luu tapag-abbu meꞌ tabi saula-ula puwas na dusa tabi sabapan kaayaran bay pabuwat tabi atawa sabapan hulas-sangsāꞌ tabi mogbogan saraꞌ. Batan saꞌ silay poonan pabuwatan tabi man dusa tabi bay pinuwasan. Ilooy ya man dusa tabi bay puwas sabap meꞌ tabi pitsayaꞌ ni si Isa.

Suwat si Pol pa mman Baanan Sukuꞌ si Isa ndooy ni Rom 7:9

Jaman yaꞌ gi bay katoonan ku saraꞌ, sangka ku jama mahap na ku. Sugaꞌ pag katoonan ku jaꞌ saraꞌ, mangkin takka na dawom ku ngalangga. Dari man sabapan bay dusa ku ngalangga saraꞌ, sibuꞌ du karuha ku ka jama matoy pa Tuhan.

Siga Pakaradjaan bay Pinalahil 2:17

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Na soysoy ina kanaalla mmeꞌ niyaku tanne-pasuꞌ, malaingkan buwanan ku ya kinakan man sulgaꞌ inawnan manna. Maka buwanan ku ya disu batu poteꞌ man bay nuwatan awon na bahau ma yaꞌ luu toon sarī man iya ma binuwanan.”

Siga Pakaradjaan bay Pinalahil 3:17

Kaam ina, baꞌ-bāꞌ bi dayahan na kam maka yaꞌ na luu kulang bi. Sugaꞌ bong pa Tuhan, miskin sina kam, kaluuy-luuy kam, buta kam, nantang kam, maka kasipin-sipin kam.