Lukas 14:26 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁶ “Soysoy doman mmeꞌ niyaku, subay maasean aku labi man induꞌ-mmaꞌ na, labi man anak-nda na ka ga danganakan na. Maka minsan aseꞌ na ni dī na subay yaꞌ labi man aseꞌ na niyaku. Bong saꞌ meꞌ looy, yaꞌ ya dari mulit ku.

Lukas 14:26 ပူးပေါင်းရင်းမြစ်များ

Matiyu 10:37

“Soysoy maaseꞌ ni induꞌ mmaꞌ na labi man aku, yaꞌ ya tawop inawnan sukuꞌ ku. Damikiyan, soysoy maaseꞌ ni ga anak na labi man aku, yaꞌ du ya tawop inawnan sukuꞌ ku.

Lukas 14:20

Yuk disu, ‘Yaꞌ ku la katabeꞌ sabap bahau jaꞌ ku bay kinawin.’

Lukas 14:25

Na disu llaw, sasang si Isa palanja ni palanan na, sakiyan jama patuhut niiya. Dari siꞌ, lay ya paawop ninsila, boꞌ na halling,

Yahiya 12:25

“Soysoy ina numbul satu niiya nulut dī na halloman na ntuu ni junyaꞌ, mastiꞌ tiksaꞌ nyawa na. Sugaꞌ soysoy ina yaꞌ mean kahandak na bong pin tabean na kahandak ku, sampulnaꞌ nyawa na saumu labba man junyaꞌ sampay pa ahirat.

Salsila siga Rasul 20:24

Sugaꞌ yaꞌ du situ ku paruli bong oy mintu katuwaꞌ niyaku bong pin tapajatu ku jaꞌ pabuwatan bay hinalap meꞌ Papuꞌ Isa niyaku, yana masaplag umanat mahap pasal aseꞌ-tabang Tuhan pa manusiyaꞌ.

Suwat si Pol pa mman Baanan Sukuꞌ si Isa ndooy ni Rom 9:13

Maka luu gi njawom kitab pasal ga kamba looy siꞌ, yuk Tuhan, “Si Yaꞌkub ndang kaasean ku, boꞌ si Esaw ndang kalammisan ku.”

Pilipi 3:8

Sampay mimon-mimon, bilang ku na du yaꞌ na luu hagaꞌ na bong bista ku ka ehe hagaꞌ pagkalungbid ku ka Papuꞌ ku si Isa Almasi. Kalnaꞌ iya, lay na labbahan ku mimon ma bay hagaan niyaku maruhuꞌ. Meꞌ ku ngingat, mimon ilooy siꞌ boboꞌ jaꞌ. Kon meꞌ looy batan ituu na batnaa hagaan niyaku pasal meꞌ ku madara pagkalungbid ku ka Almasi.

Siga Pakaradjaan bay Pinalahil 12:11

Lipara lay na tumanjataꞌ siga pagkahi tabi man Ibilis man sabapan lahaꞌ Bili-bili looy bay tumpa man muwasan dusa da. Maka disu gi danan man da bay tumanjataꞌ sabap meꞌ da bay masaplag umanat Tuhan. Yaꞌ na sila bay sēngan umu da san gi man da matoy kalnaꞌ Bili-bili looy.”