Lukas 13:15 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁵ Tampung Papuꞌ Isa niiya, “Uy la, kaam bitu magbawuꞌ-bawuꞌ jaꞌ intong pa Tuhan. Kira ku san gi Llaw Pahali, yaꞌ san kam luu san disu yaꞌ bay ngalakkahan ingkot sapiꞌ bi atawa kuraꞌ bi, boꞌ tinondaꞌ pa boheꞌ pinainum.

Lukas 13:15 ပူးပေါင်းရင်းမြစ်များ

Matiyu 15:14

Sila ina guru awam noan jama awam. Sibuꞌ du sina karuha da ka jama buta nondaꞌ jama buta. Boꞌ jama buta ina, bong nondaꞌ pagkahi na buta, mastiꞌ labuꞌ pa jawom lowang jaꞌ sikaduwa.”

Matiyu 15:7

Magbawuꞌ-bawuꞌ jaꞌ bina kam sutsiꞌ. Tud lay bana tuwaꞌ pa kaam palman ma bay sinuwatan meꞌ Nabi Isaya, ilooy ma yuk Tuhan,

Matiyu 23:13

Maka yuk si Isa, “Siya-siya kam la, siga guru saraꞌ agama ka ga Parisi! Magbawuꞌ-bawuꞌ jaꞌ kam sutsiꞌ. Bong luu na jama doman paasok pa jawom pamarinta Tuhan, bbuwatan bi pagapa ninsila ka tōꞌ bi bingkok. Yaꞌ gi kam kuhi nūs lān pa jawom pamarinta Tuhan, gam pin sinaggaꞌ gi meꞌ bi jama ma doman.

Matiyu 23:28

Bong ndaꞌ mata, kaam jama intong, sugaꞌ njawom atay bi pannoꞌ leꞌ dustaꞌ ka dusa.

Matiyu 7:5

Magbawuꞌ-bawuꞌ jaꞌ bina kam sutsiꞌ. Subay siꞌ kaddoan bi doꞌ duhuꞌ batang ni mata bi mari tampak pangandaan bi ngaddoan boboꞌ-boboꞌ man mata soheꞌ bi.”

Lukas 12:1

Na jaman looy siꞌ, libu-libuhan na manusiyaꞌ lay kumpo ni awpan si Isa. Magdogsog-dogsog na sila sampay sikagiok-kagiok battis na ga. Na pag nagnaꞌ si Isa mitsala, duhuꞌ-duhuꞌ yuk na ni ga mulit na, “Iyakin kam mari kam yaꞌ kalakkotan meꞌ arat siga Parisi. Sila ina magbawuꞌ-bawuꞌ jaꞌ sutsiꞌ. Kalaatan da ina meꞌ karuha pasulig njawom addunan taligu. Batan tabiat pasulig ina, san dangkitiꞌ du inannaꞌ, pag ngassob na, kalakkotan mimon addunan na.

Lukas 14:5

Pag-anu, yuk si Isa ni ga jama ndooy, “Bong anak bi atawa sapiꞌ bi lay labuꞌ njawom tagaꞌ ni Llaw Pahali, soy ntuu yaꞌ magti nabang iya minsan ni Llaw Pahali?”

Lukas 6:42

Yaꞌ sina sikatuwaꞌ bong kam magtuyuꞌ ngalakkahan boboꞌ-boboꞌ ni mata soheꞌ bi, bong masi luu batang ni mata bi. Magbawuꞌ-bawuꞌ jaꞌ sina kam sutsiꞌ bong kam buwat meꞌ looy. Subay siꞌ kaddoan bi doꞌ duhuꞌ batang ni mata bi mari tampak pangandaan bi ngaddoan boboꞌ-boboꞌ man mata soheꞌ bi.”

Lukas 7:13

Pag takita jaꞌ bawu looy meꞌ Papuꞌ Isa, kapaluuy ya. Dari yuk na, “Daa na ko Daꞌ nangis.”

Lukas 7:19

yuk na, “Pilay doꞌ kam pa mman si Isa. Tilawun bi teꞌ bong tud iya na tukang nalamat ma bay njanjiꞌ meꞌ Tuhan pinapitu, atawa luu gi ka sarī subay agad tabi.”