Lukas 12:33 - Sabahagiꞌ Kitab Tawrat: Panagnaan ni Awwal Jaman maka Kitab Injil

³³ Bong ina kam ngumpo altaꞌ ntuu ni junyaꞌ, adakala tatangkaw lagi meꞌ sugaru atawa tapakaat meꞌ bokeꞌ. Sangkon gam na kam maballihan altaꞌ bi boꞌ pagsarakahun bi ni siga jama miskin. Meꞌ looy ilay, sibuꞌ du kam ka ngumpo altaꞌ ni sulgaꞌ ma yaꞌ na kuhi lungay atawa katis saumu.

Lukas 12:33 ပူးပေါင်းရင်းမြစ်များ

Matiyu 19:21

Yuk si Isa niiya, “Bong ko doman yaꞌ luu kulang nu pa Tuhan, moleꞌ na ko, paballihan nu na altaꞌ nu sikamimon boꞌ pagdeanun na jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag lupus, boꞌ nu pabeleng pitu mmeꞌ niyaku.”

Lukas 11:41

Naraka kam ni jama miskin ni kahilas atay bi. Meꞌ looy ilay, luu na sipat sutsiꞌ na atay bi.

Lukas 12:21

Dari yuk si Isa, “Ilooy na silay palas jama ma ngumpohan dī na altaꞌ, boꞌ ilooy ma hagaan pa Tuhan, yaꞌ san paruli na. Bong ndaꞌ mata, dayahan lalla looy siꞌ, sugaꞌ ni bandingan Tuhan, tud miskin ya.”

Lukas 16:9

“Sangkon ituu jaꞌ meꞌ ku maka kaam: Pakoyun bi na altaꞌ bi ni junyaꞌ tuu man bi nulung pagkahi bi manusiyaꞌ. Ndang-ndang ina yaꞌ du taboo bi pa ahirat. Dari pag patoy bi, hinasi jaꞌ sina kam paayad ndooy ni sulgaꞌ.

Lukas 18:22

Yuk si Isa niiya, “Sugaꞌ luu gi sina disu subay pabuwat nu mari yaꞌ na luu kulang nu. Paballihan nu na altaꞌ nu sikamimon, boꞌ pagdeanun jama miskin ballihan na. Bong siꞌ ina ko buwat meꞌ naa, luu na ladjikiꞌ nu mehe ni sulgaꞌ. Pag lupus, boꞌ nu pabeleng pitu mmeꞌ niyaku.”

Yahiya 12:6

Na sabana na, yaꞌ silay luu luuy si Judas ni jama miskin, arapun kon na bay halling meꞌ looy sabap panangkaw ya. Minsan iya bay hinalap ngantanan pangannaan sīn ni baanan ga si Isa, bbuwatan na daran ngulangan sīn da para ni dī na.

Salsila siga Rasul 2:45

Kasohean lay gi maballihan tanaꞌ da ka altaꞌ da bong pin tahampitan da jaꞌ pagkahi da ma tiksaꞌ.

2 Korin 8:2

San sila njawom kamalasahiyan mehe sabapan kabinsanaan njataꞌ da, masi du yaꞌ kuhi lakka ehe kagakan njawom atay da. Dari san sila miskin banahan, amu-amu sila magtuyuꞌ nulung pagkahi da ma sigpit.