Lukas 12:31 - Sabahagiꞌ Kitab Tawrat: Panagnaan ni Awwal Jaman maka Kitab Injil

³¹ Sangkon pakutuun bi na meꞌ bi mmeꞌ ni pamarinta Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Lukas 12:31 ပူးပေါင်းရင်းမြစ်များ

Matiyu 6:33

Sangkon pakutuun bi na meꞌ bi mmeꞌ ni pamarinta Tuhan maka akigun bi kaintongan Tuhan. Basta ina inaa numbul satu ningkaam, malaingkan Tuhan sa muwanan kaam mimon ma kagunahan ningkaam.

Lukas 10:42

Sugaꞌ disu du patingkat gunahan ni jama, yana ituu na situ ma bay peneꞌ si Mariyam. Boꞌ yaꞌ na sina talakkahan mman na.”

Lukas 12:30

Na siga jama ma yaꞌ toon Tuhan ina, ndang kinahanggawan meꞌ da bong pooy meꞌ da koleꞌ pakaradjaan meꞌ looy siꞌ. Boꞌ kaam ina, san kam yaꞌ na hanggaw. Ndang-ndang kinatoonan du sina meꞌ Mmaꞌ bi Tuhan gunahan ningkaam mimon inaa siꞌ.

Yahiya 6:27

Sugaꞌ tinapay meꞌ looy ilay yaꞌ natas. Gam na balanjaꞌ ma natas saumu pagtuyuan bi, ma kasampulnaꞌ ni nyawa bi labba man junyaꞌ sampay pa ahirat. Balanjaꞌ looy ilay dari ndean meꞌ ku, yana Anak Manusiyaꞌ, ningkaam batan aku bay binuwanan kapatut meꞌ Mmaꞌ ku Tuhan.”

Suwat si Pol pa mman Baanan Sukuꞌ si Isa ndooy ni Rom 8:31

Na pagka meꞌ looy na ehe aseꞌ Tuhan ni sukuꞌ na, tumatandaꞌ na luu na pin ya nanggehan kitabi. Dari pagka iya soheꞌ tabi, yaꞌ na sina luu kalappiꞌ ningkitabi.

1 Timuti 4:8

Bong kitabi nganad dī tabi man mabasagan baran tabi, luu du baw paluntungan na dangkitiꞌ. Sugaꞌ bong kitabi nganad dī tabi ngikut arat-tabiat Tuhan, tud mehe paluntungan na. Batan saꞌ sina sat paluntungan ni junyaꞌ tuu takoleꞌ tabi, arapun sampay ni ahirat koleꞌ du kitabi paluntungan.

Hibrani 13:5

Ilagan bi magnapsu mulakab ni altaꞌ. Magsuku jaꞌ kam ni oy-oy ma luu ningkaam. Ndang-ndang bay du halling Tuhan jawom kitab, “Yaꞌ na sina luu masa bi mbanan ku atawa pabiya ku.”