Lukas 12:28 - Sabahagiꞌ Kitab Tawrat: Panagnaan ni Awwal Jaman maka Kitab Injil

²⁸ Na bong katumbu-tumbuhan ma dari jaꞌ llabas sumawung sampay tinunu tapamakoyan meꞌ Tuhan ka sumping-sumping, kaam palagi saꞌ binuwanan pamakoy meꞌ na. Pagka meꞌ looy, ongoy subay na pin kulang pangando bi niiya ngayaran kaam?

Lukas 12:28 ပူးပေါင်းရင်းမြစ်များ

Matiyu 14:31

Dari magti du si Isa ngahelaꞌ iya, boꞌ na halling, “Kulang bitu pangando nu. Ongoy ko lay siꞌ hawal-hawalan?”

Matiyu 16:8

Na si Isa siꞌ tu, tasayu na du bong oy binitsala meꞌ da. Dari yuk na ninsila, “Ongoy na inaa na pagbitsalahan bi sat ga hāl tinapay yaꞌ luu? Kulang bitu pangando bi niyaku.

Matiyu 17:17

Tampung si Isa, “Uy la! Angkat-angkatan batnaa tud kulang bitu pangando da pa Tuhan maka tud bingkok pamiki da. Subay meꞌ noy gi doꞌ tu hallom ku dambuwaꞌ ka kaam boꞌ bi pitsayaꞌ niyaku? Agon yaꞌ na bitu tatatas ku arat bi.” Pag-anu, yuk na ni mmaꞌ anak-anak looy, “Bōn na pitu anak nu.”

Matiyu 17:20

Tampung si Isa, “Sabap kulang pangando bi niyaku. Baan ta kam banahan, bong ina luu pangando bi san lasa bateheꞌ bigi mustard, minsan punu naa tahalin bi du bong sohoꞌ bi halin. Yaꞌ sina luu saꞌ tapabuwat bi bong tud luu du pangando bi niyaku.

Matiyu 6:30

Na bong katumbu-tumbuhan ma dari jaꞌ llabas sumawung sampay tinunu tapamakoyan meꞌ Tuhan ka sumping-sumping, kaam palagi saꞌ binuwanan pamakoy meꞌ na. Pagka meꞌ looy, ongoy subay na pin kulang pangando bi niiya ngayaran kaam?

Matiyu 8:26

Yuk si Isa, “Ongoy subay na pin kam tawu? Tud kulang bitu pangando bi pa Tuhan.” Dari siꞌ, lay na ya bangun sambayan na nohoꞌ baliyu looy ka siga lamba na patagong. Pag ndaꞌ da, taddoꞌ na lahat saꞌ alang-alang.

Lukas 8:25

Pag-anu, yuk si Isa ni siga mulit na, “Ongoy doꞌ ina yaꞌ luu pangando bi pa Tuhan?” Kuwan ga mulit na siꞌ tu, tud bay tawu. Inu-inu sila sampay sitilaw-tilaw na sila, yuk da, “Jama oy doꞌ tu meꞌ tuu? Sampay baliyu ka lamba ngasip jaꞌ du bong iya nohoꞌ!”

Hibrani 6:7

Na kitabi itu manusiyaꞌ meꞌ kadari huma njawom panguwan. Kasohean tanaꞌ ni huma looy mura jaꞌ inassob. Boꞌ na, tinanom na buwaꞌ jaꞌ paayad. Tanaꞌ meꞌ looy ilay mehe kapansahaliyan na ni jama ma bay tanom. Boꞌ na, sinupaatan gi meꞌ Tuhan.

1 Pitel 1:24

Meꞌ bay sinuwatan njawom kitab, yuk na, “Kaallum manusiyaꞌ sandaꞌ-sandaꞌ jaꞌ meꞌ karuha parang jaꞌ ngalayu. Damikiyan, kabantugan manusiyaꞌ pun sandaꞌ-sandaꞌ jaꞌ du meꞌ karuha sumping ma ngalatak.