Lukas 1:75 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁷⁵ maka supaya kitabi sutsiꞌ ka intong ni awpan na halloman tabi llum.”

Lukas 1:75 ပူးပေါင်းရင်းမြစ်များ

Matiyu 1:21

Pag maddi na ina mintu, lalla anak na. Awnan nu ya si Isa, hati na tukang nalamat, sabap iya na sina mintu nalamat siga sukuꞌ na mari sila yaꞌ minulkaan sabapan bay dusa da.”

Lukas 1:74

Batan pinaddusan na situ kitabi meꞌ na man komkoman siga banta tabi supaya sumunsayaꞌ na kitabi numba iya, yaꞌ na luu kahanggawan tabi,

Epesus 1:4

Bistahun bi doꞌ, yaꞌ lagi san bay pinapayak junyaꞌ, ndang lay na kitabi pineneꞌ meꞌ Tuhan binuwat sukuꞌ na njawman Almasi. Maksud Tuhan ilay, subay kitabi sutsiꞌ sampay yaꞌ na luu sutsutan njataꞌ tabi ni mata na. Ni kaehe aseꞌ Tuhan,

Epesus 2:10

Sugaꞌ saꞌ baw ina ga yaꞌ na puntukan hāl meꞌ buwat mahap. Arapun Tuhan bay muwanan kitabi kaallum bahau njawman si Isa Almasi supaya tabi buwat siga pabuwatan mahap. Batan ndang inaa bay garaꞌ na ningkitabi.

Epesus 4:24

Sangkon ni hāl pagkajama bi ma bahau, ndang lay na du kam binaan, bong ibaratan badjuꞌ sutsiꞌ, patukun bi na. Batan lay na kam buwanan Tuhan kaallum bahau supaya kam meꞌ karuha iya na du sabana-bana intong ka sutsiꞌ.

1 Tesaloneka 4:1

Na siga danganakan, kaam ina ndang lay na toan kami pasal kawul-piil ma kasulut ni Tuhan, sampay lay na du bean bi. Na meꞌ kitabi itu saliꞌ-saliꞌ na tibuuk ka Papuꞌ Isa, junjung kami na ningkaam, duhunan bi lagi.

1 Tesaloneka 4:7

Kitabi ilay bay lliyun meꞌ Tuhan pa jawom okoman na supaya kitabi mōꞌ kawul-piil sutsiꞌ, saꞌ ga buwat kalalamaan.

2 Tesaloneka 2:13

Boꞌ kaam ina, siga danganakan, pabiddaꞌ man sila. Sangkon pataꞌ du kami wā muwan pagsukuhan pa Tuhan sabapan bi, yana siga kakasi Tuhan. Labba man sibuwa lagi, ndang lay na kam peneꞌ Tuhan tabeꞌ ni sukuꞌ na. Maksud Tuhan supaya kam salamat man sabapan Rū na nutsiꞌ pangatayan bi maka sabap meꞌ bi pitsayaꞌ ni kabanahan.

2 Timuti 1:9

Maka ndang-ndang, iya du bay nalamat kita sampay ngaliyun kita supaya kita dari sukuꞌ na ma sutsiꞌ halloman ta llum. Sugaꞌ iya ilay bay nalamat kita, saꞌ baw ga man sabapan ni lilingan na mahap arat-tabiat ta. Arapun kon na ilay bay nalamat kita sabap ndang inaa garaꞌ na yaꞌ gi san junyaꞌ bay pinapayak. Ndang luu na garaꞌ na makitahan manusiyaꞌ aseꞌ-tabang na njataꞌ pabuwatan si Isa Almasi.