Kolossa 4:2 - Sabahagiꞌ Kitab Tawrat: Panagnaan ni Awwal Jaman maka Kitab Injil

² Na kaam sikamimon, maku na pin kam duwaa pa Tuhan. Maka bila kam maku duwaa, jagahan bi niyat atay bi maka muwan kam pagsukuhan pa Tuhan.

Kolossa 4:2 ပူးပေါင်းရင်းမြစ်များ

Matiyu 26:41

Daa kam ba tuli, arapun maku na pin kam duwaa pa Tuhan mari yaꞌ tungkas iman bi. Batan san ina njawom atay bi doman kam buwat kahandak Tuhan, yaꞌ baw takaya bi ni dī bi.”

Malkus 13:33

Sangkon iyakin kam. Subay ndang saddiya na kam, batan yaꞌ tatunaꞌ bi bong sumilan katakka ku ni sinōng.

Lukas 18:1

Pag-anu, lay na baw si Isa muwan pamintangan ni siga mulit na supaya tahati da subay sila wā maku duwaa pa Tuhan. Maka subay sila yaꞌ jamu ngaholat duwaa da kinabbul.

Lukas 21:36

Sangkon, subay kam wā saddiya. Maka maku na pin kam duwaa mari taggu iman bi natasan mimon katiksaan ma bay sabbut ku siꞌ. Maka maku na pin kam duwaa, kamura-murahan yaꞌ du luu meꞌ bi hinaꞌ pag taabut bi ngawpan aku, yana Anak Manusiyaꞌ, bbos-bbos.”

Salsila siga Rasul 1:14

Sila ilay ndang daran kumpo-kumpo ndooy maku duwaa. Maka luu gi kasohean danda sampay na si Mariyam, yana nneꞌ si Isa, ka siga siyali si Isa ma lalla daran du mmeꞌ ninsila maku duwaa.

Suwat si Pol pa mman Baanan Sukuꞌ si Isa ndooy ni Rom 12:12

Maka pagka luu holat tabi ayad man Tuhan, subay kitabi gāk. Bila luu kasusahan tabi, tatasan tabi na sadjaꞌ. Maka bila luu paku tabi pa Tuhan, daa kitabi jamu maku.

Epesus 6:18

Maka njawom bi makoy siga kalangkapan ma bay sabbut ku siꞌ, maku na pin kam duwaa pa Tuhan. Maka bean bi jaꞌ Rū Sutsiꞌ magmundaan kaam njawom bi maku tabang pa Tuhan. Meꞌ kaam ina sundalu Almasi, iyakin kam. Maka daa kam jamu makuhan siga pagkahi bi sukuꞌ Almasi duwaa pa Tuhan.

Pilipi 4:6

Oy-oy jaꞌ katuwaꞌ ningkaam, daa kam susa. Gam pin maku kam pa Tuhan oy-oy jaꞌ gunahan ningkaam maka daa takupan bi muwan pagsukuhan niiya.

Kolossa 1:9

Dari labba man llaw kami bay kaakahan pasal kaam, yaꞌ na situ bakkat meꞌ kami makuhan kaam duwaa pa Tuhan. Kamura-murahan binuwanan na pin kam meꞌ Rū Sutsiꞌ akka lawom ka pangahati supaya tahati bi na banahan bong oy kahandak Tuhan ningkaam.

Kolossa 2:7

Subay tattog pangando bi niiya meꞌ karuha kayu ma nganggamut palawom njawom tanaꞌ. Ikutun bi na pin kabanahan ma bay tinōꞌ ningkaam pasal iya mari magsasōng na pin pangando bi niiya. Maka subay kam wā magsuku pa Tuhan.

Kolossa 3:15

Tuhan ina bay ngaliyun kitabi supaya kitabi tibuuk pa disu baran sa njawman Almasi maka supaya kitabi wā njawom kasalassayan. Sangkon daa kam buwat oy maka oy na ma kalangkat ni kasalassayan ma lakka man Almasi. Maka subay kam tattap magsuku pa Tuhan.

Kolossa 3:17

Meꞌ kaam ina wakil Papuꞌ Isa, mimon bitsala bi ka pabuwatan bi subay magbēꞌ ka ntan bi. Maka subay kam wā magsuku ni Mmaꞌ tabi Tuhan sabapan mimon bay pabuwat si Isa ningkaam.

Kolossa 4:12

Maka luu gi ntuu jama lahat bi du, yana si Epapras, lay du bay nohoꞌ masampay salam duwaa na ningkaam. Iya itu sabana-bana sosohoan si Isa Almasi. Basag ya makuhan kaam duwaa supaya taggu iman bi maka supaya tatantu bi bong oy kahandak Tuhan ningkaam.

1 Pitel 4:7

Na katapusan junyaꞌ ina, yaꞌ na hallom. Sangkon paayarun bi na pamiki bi maka ilagan bi dī bi supaya yaꞌ na luu kasanggalang ningkaam maku duwaa pa Tuhan.