Kolossa 4:10 - Sabahagiꞌ Kitab Tawrat: Panagnaan ni Awwal Jaman maka Kitab Injil

¹⁰ Sarī man naa, luu ntuu si Aristalkus, disu soheꞌ ku ntuu njawom jīl, lay nohoꞌ masampay salam duwaa na ningkaam. Si Malkus pun, yana kaki si Balnabas, lay du nohoꞌ masampay salam duwaa na ningkaam. Bong mintu ya bay pilu, meꞌ ndang bay tugun ku na maruhuꞌ, hasiyun bi sa ya paayad.

Kolossa 4:10 ပူးပေါင်းရင်းမြစ်များ

Salsila siga Rasul 12:12

Pag tabista si Pitel sumunsayaꞌ na ya, lay ya pilay pa lumaꞌ si Mariyam, nneꞌ si Yahiya Malkus. Ndooy siꞌ, meka sukuꞌ si Isa ndang lay kumpo maku duwaa.

Salsila siga Rasul 12:25

Balik ta pa ga si Balnabas ka si Sol, lay jaꞌ tapasampay da tulung looy siꞌ ni ga pa-mmean siga sukuꞌ si Isa ndooy ni Jerusalem, lay na sila pabeleng pa Antiyok. Sampay lay gi binoo meꞌ da si Yahiya Malkus.

Salsila siga Rasul 13:13

Paddus mandooy, lay na baw ga si Pol ka ga soheꞌ na mmeꞌ taꞌ adjung lakka man Papos song pilay pa daira Pelga ndooy ni Pampilya. Takka jaꞌ sila ndooy, lay na baw si Yahiya Malkus pasakkat sampay lay na ya pabeleng pa Jerusalem.

Salsila siga Rasul 13:5

Pag dungguꞌ da ni daira Salamis ndooy ni Kiprus, lay sila pilay pa siga kalangga-langgahan pagkahi da bangsa Yahudi masaplag umanat Tuhan ni siga jamaa ndooy. Boꞌ luu gi soheꞌ da si Yahiya Malkus nabangan sila.

Salsila siga Rasul 19:29

Dari meꞌ looy na siꞌ, song paeka na pin jama hiluhalaꞌ ni sikaliput daira looy. Dari bbuwatan kasohean lay na ga nungkuban duwa soheꞌ si Pol yana ga si Gayus ka si Aristalkus, ga jama man Masidunya. Boꞌ lay gi sila hinelaꞌ-helaꞌ pilay pa plasa.

Salsila siga Rasul 20:4

Iya siꞌ tu lumān, luu du siga soheꞌ na ga si Sopatel yana anak si Pirus man Bereya, maka luu du si Aristalkus ka si Sigundu, yana ga lalla man Tesaloneka, ka si Gayus man Delbe. Maka luu du bay mmeꞌ si Timuti sampay si Tikikus ka si Tropimus ga lalla man Asiya sikaduwa.

Salsila siga Rasul 27:2

Dari siꞌ lay na kami dutai taꞌ disu adjung bay lakka man Aramitiyum ma song maghāsan padisu-padisu daira ndooy ni Asiya. Maka luu du bay mmeꞌ si Aristalkus, disu soheꞌ kami man Tesaloneka ndooy ni Masidunya.

Salsila siga Rasul 4:36

Na disu jama ma bay maballihan tanaꞌ na yana si Yusup, lalla man nusa Kiprus, disu panubuꞌ si Libay. Meꞌ siga rasul ngawnan iya si Balnabas, hatiyan na, “tukang magamgam.” Dari luu jaꞌ siꞌ ballihan tanaꞌ na, lay na du pa-ntan na pa mman siga rasul.

Suwat si Pol pa mman Baanan Sukuꞌ si Isa ndooy ni Rom 16:2

Na bong mintu ya takka pa lahat bi, hasiyun bi sa ya paayad sabap tibuuk du sina ya ka Papuꞌ Isa. Bong luu kulang na, daa kam paagak nulung iya. Iya ilay, meka na bay tatabangan na sampay na aku.

Suwat si Pol pa mman Baanan Sukuꞌ si Isa ndooy ni Rom 16:7

Maka salam duwaa du ni siga pagkahi ku Yahudi, yana ga si Andronikas ka si Hunyas ma bay pingkaꞌ dambuwaꞌ ka aku njawom jīl. Sila ina pinagmaltabatan meꞌ mimon rasul si Isa. Maka duhuꞌ gi sila man aku bay mmeꞌ ni si Isa.

2 Timuti 4:11

Ituu sa soheꞌ ku tamban ntuu yana si Lukas. Bong anu, kaddoun doꞌ si Malkus, boꞌ boonun pitu, batan katabang mehe sina ya ni pabuwatan ku.

Pilimun 1:23

Sarī man naa, luu situ ntuu si Epapras, pagkahi ku du pilisu kalnaꞌ si Isa Almasi, nohoꞌ masampay salam duwaa na ningkau.

Pilimun 1:24

Ga si Malkus pun ka ga si Aristalkus, si Dimas, ka si Lukas, siga pagkahi ku ma maghulas-sangsāꞌ kalnaꞌ Almasi, lay du bay nohoꞌ masampay salam duwaa da ningkau.

1 Pitel 5:13

Sarī man naa, luu situ ntuu ni Babilon siga pagkahi tabi ma pitsayaꞌ du ni Papuꞌ Isa lay nohoꞌ masampay salam duwaa da ningkaam. Meꞌ kaam du situ sila bay pineneꞌ meꞌ Tuhan. Si Malkus pun, ma binilang na meꞌ ku anak ku, lay du bay nohoꞌ masampay salam duwaa na ningkaam.