Kolossa 3:8 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁸ Sugaꞌ batnaa, timanan bi na mimon kalaatan meꞌ looy. Gigit njawom atay pun, ka lasu, timanan bi na du. Damikiyan, pabuwatan ma makaat pagkahi bi sampay pitna ka bitsala lakaꞌ-lakaꞌ labbahan bi na du.

Kolossa 3:8 ပူးပေါင်းရင်းမြစ်များ

Matiyu 5:22

Sugaꞌ batnaa, ituu jaꞌ meꞌ ku maka kaam: Minsan ina lasu jaꞌ kam ni pagkahi bi, mastiꞌ piligru du kam kalabuan hukuman. Maka soysoy mahallingan pagkahi na, ‘Yaꞌ luu guna nu,’ mastiꞌ piligru du ya binoo pa baanan Sanhidrin hinukum. Maka soysoy ngawnan pagkahi na manusiyaꞌ dupang, mastiꞌ piligru du ya pinidjalaꞌ ni api nalkaꞌ.

Malkus 7:22

magjina ka magnapsu mulakab. Damikiyan, luu du pōꞌ man jawom atay jama ngandahulakaꞌ, nipu, magkamuklahan, ngandangkiꞌ, mitna, ngabbu sampay buwat jinisan karupangan.

Suwat si Pol pa mman Baanan Sukuꞌ si Isa ndooy ni Rom 13:13

Sangkon, subay mahap jaꞌ kawul-piil tabi. Daa na kitabi mmeꞌ meꞌ uwahan kasohean baanan danda ka lalla buwat kasabuhan. Maka daa na kitabi maglangohan, magjina atawa buwat oy-oy kalalamaan. Maka ilagan tabi na sasaꞌ ka dangkiꞌ.

1 Korin 3:3

Man ku itu siꞌ halling meꞌ tuu batan masi gi pamiki bi meꞌ jama ma mandang hāl junyaꞌ. Batan taaka ku bbuwatan bi nnaa kasohean sikarangkiꞌ-karangkiꞌ sampay sasaꞌ-manasaꞌ. Sibuꞌ du karuha bi ka jama ma yaꞌ pitsayaꞌ ni si Isa

2 Korin 12:20

Ituu baw tu kahanggawan ku taggahaꞌ pag takka ku pilu, sarī holat ku, sarī na baw kadarihan bi. Boꞌ yaꞌ du sina mintu kam kamahapan bong subay na pin ku nahawi kaam. Ilooy kagampangan ku taggahaꞌ luu na pin kam nnaa sasaꞌ-manasaꞌ, sikadangkiꞌ-kadangkiꞌ, sikalasu-kalasu sampay yaꞌ ngaddoꞌ-ngaddoꞌ pa lassa. Maka gampang ku taggahaꞌ bbuwatan bi mitna, ngalimut, maglangkaw-langkawan sampay buwat kahiposan nnaa.

Galatiya 5:15

Na bong ina kam yaꞌ sikaaseꞌ-kaaseꞌ sampay wā kam sasaꞌ-manasaꞌ, malaingkan buwat jaꞌ kam dī bi subay ga idoꞌ sitokob-tokob. Song hallom, sikalangkat-kalangkat na sina kam dambaanan.

Galatiya 5:20

numba kajinisan sarī man Tuhan, ka makoy ilmuꞌ seytan. Boꞌ na, daran sila lammis, sasaꞌ, dangkiꞌ ka pasuꞌ kōk da. Tabiat da ina ngulihal kaayaran ni dī da sadjaꞌ. Maka mōꞌ sila pagsaggaan atawa magsisasaꞌ pagkahi da dambaanan.

Galatiya 5:26

Sangkon daa na kitabi takabbu. Maka daa na kitabi siparuga-paruga atawa sikadangkiꞌ-kadangkiꞌ.

Epesus 4:22

Maka ndang lay na kam binaan ni hāl pagkajama bi maruhuꞌ, bong ibaratan badjuꞌ lamaꞌ, urusan bi na, batan kabinasa sina ni kaallum bi. Maruhuꞌ ilay, bay jaꞌ kam taboo-boo meꞌ napsu bi buwat jinisan kalaatan.

Epesus 4:25

Sangkon ddong na kitabi ngandustaꞌ. Arapun subay kabanahan sadjaꞌ bitsala tabi ni pagkahi tabi. Batan tibuuk na kitabi bilang siga kalangkapan baran Almasi.

Epesus 4:26

Bong luu lasu bi, njawom iman kam taggahaꞌ dapat dusa na baw kam. Sangkon lasu batnaa, daa na pinagsumawung lagi,

Epesus 4:29

Timanan bi na mimon bitsala maat atawa lakaꞌ-lakaꞌ. Ilooy ya poun bi yana bitsala ma katabang atawa ma kasambu ni nyawa sagannap ma kale.

Epesus 5:4

Maka yaꞌ du sina pataꞌ bong kam mōꞌ bitsala lakaꞌ-lakaꞌ ka bitsala karupangan atawa mōꞌ paglatahan tampalasa. Arapun inaa ya pataꞌ ningkaam meꞌ bi muwan pagsukuhan pa Tuhan.

Kolossa 3:5

Sangkon, timanan bi na mimon kalaatan meꞌ sapantun jina ka mimon jinisan kasabuhan sampay pamiki maat. Maka daa na kam magnapsu mulakab ni altaꞌ. Batan bong ina inaa tabiat bi, sibuꞌ du kam ka numba altaꞌ.

Kolossa 3:9

Maka daa na kam sidustaꞌ-dustaꞌ. Batan pagkajama bi ilay maruhuꞌ ddas ka mimon kalaatan na, ibaratan badjuꞌ, lay na urusan bi,

1 Timuti 1:13

Lay ku peneꞌ na minsan ku bay pingkaꞌ malaat iya maruhuꞌ. Sarī gi, daran ku bay ngalaugan siga sukuꞌ na. Boꞌ yaꞌ luu pag-agak bila ku minsanaꞌ sila na. Lipara, yaꞌ du baw ku bay tuwaꞌ mulkaꞌ. Gam pin lay gi ku panimbangan Papuꞌ Isa, batan halloman ku yaꞌ gi bay pitsayaꞌ niiya, kalaatan bay pabuwat ku ni kaawam ku sadjaꞌ.

1 Timuti 1:20

Meꞌ looy du silay kadari si Haymeneyus ka si Aleksandel. Sangkon lay na sila pa-ntan ku pa mman Ibilis. Dari pag taabut da mintu malasahi banahan, kawu-kawu magsiddik na sila buwat ilooy ma kadiyoꞌ ni awon Tuhan.

Hibrani 12:1

Na pagka meka jama mattoꞌ bay dari suntuan ayad ningkitabi sabap meꞌ da mangando pa Tuhan, sabuli-buli tabi ngakig sila. Maka labbahan tabi na dusa tabi sampay oy-oy na pin ma kasanggalang ningkitabi buwat kahandak Tuhan. Bong dalil ta pa jama maglumbaꞌ sonse, subay lakkahan tabi oy-oy kahabo ningkitabi supaya kitabi katatas sonse ni lān ma bay sinukuꞌ meꞌ Tuhan ningkitabi.

Yaꞌkub 2:7

Saꞌ ba, sila na nabiat mitsala awon ma patingkat mahap pa kalaatan, yana awon si Isa Almasi ma binean meꞌ tabi?

1 Pitel 2:1

Na pagka luu na kaallum bi bahau, timanan bi na mimon pabuwatan maat maka mimon dustaꞌ. Daa dan jinis bitsala bi, boꞌ sarī na baw pabuwat bi. Daa na kam dangkiꞌ atawa mitnahan pagkahi bi manusiyaꞌ.

2 Pitel 2:18

Basag sila ngabbu saula-ula pandoy sila, boꞌ ko, karupangan jaꞌ bitsala da. Baꞌ-bāꞌ da, san gi oy kinanapsuhan meꞌ jama, dari jaꞌ nduwan. Sabapan tōꞌ da meꞌ looy, kasohean jama ma bahau jaꞌ pitsayaꞌ ni Papuꞌ Isa, ma bahau jaꞌ bay ngalabbahan napsu da ma maat, lay na baw taboo-boo bbeleng pabalik pa bay kalaatan da.

2 Pitel 2:7

Sugaꞌ ndooy ilay ni Sodom, luu gi baw disu lalla, yana si Lut, lay sinalamat meꞌ Tuhan. Iya ilay jama intong. Halloman na maglahat ka ga jama jahat ni daira looy, ndang tud kamaatan ya lassa ngandaꞌ kadarihan da. Batan llaw pa dangallaw, takita na sila buwat jinisan kasabuhan sampay takale na jinisan bitsala da lakaꞌ-lakaꞌ.

Suwat Lakka man si Jūd 1:13

Pabuwatan da ina kaiyaꞌ-iyaꞌ. Sibuꞌ du karuha da ka lamba dilawut ma sigi-sigi nuran boboꞌ ma kasabu jaꞌ ni tapiyan. Hangat sila magsian jama, subay ga sila potean gaga yaꞌ taasahan man mindoga. Sugaꞌ ndang luu na silay lugar lindom saꞌ na gantaꞌ na bay hinalliꞌ ninsila. Boꞌ yaꞌ na silay mintu sila kapōꞌ mandooy saumu-umu.

Suwat Lakka man si Jūd 1:8

Na siga jama naa ina siꞌ ma pasalluk ni baanan bi sampay nabid kabanahan, sila pun ina buwat kasabuhan du. Baꞌ-bāꞌ da, ilmuꞌ da bay pinalahil ninsila njawom ga upihan da. Boꞌ ko, ilmuꞌ da ilay yana daawa jaꞌ man da buwat jinisan kasabuhan ma katamak ni baran da. Tud yaꞌ sila kuhi maglillaꞌ ni kahandak Papuꞌ. Boꞌ nawakka lagi sila madiyoꞌ sagannap ma pataꞌ pinaehe, ma ngantanan kawasa-kapatut langkaw.

Siga Pakaradjaan bay Pinalahil 16:9

Sugaꞌ san sila lay na lūs meꞌ hawa pasuꞌ saꞌ na alang-alang, masi du sila yaꞌ kuhi nawbatan dusa da. Maka masi sila yaꞌ kuhi maehe Tuhan. Gam pin, palaat da lagi pagka iya poonan ga balaꞌ looy.