Kolossa 3:4 - Sabahagiꞌ Kitab Tawrat: Panagnaan ni Awwal Jaman maka Kitab Injil

⁴ Dari pagka kaallum Almasi yana kaallum tabi, pag taabut na mintu pinalahil, malaingkan tabeꞌ na du kitabi ni kabantugan na.

Kolossa 3:4 ပူးပေါင်းရင်းမြစ်များ

Matiyu 13:43

Boꞌ sagannap ma intong, nahayaꞌ na sina mintu meꞌ karuha mataallaw njawom pamarinta Mmaꞌ da Tuhan. Na kaam ma pakale ni bitsala ku, pahamun bi paayad.”

Lukas 17:30

Damikiyan, pag beleng Anak Manusiyaꞌ itu bbos-bbos, yaꞌ du taingat jama.

Yahiya 11:25

Pag halling si Isa niiya, “Aku na situ makallum jama bay matoy batan aku poonan kaallum. Soysoy pitsayaꞌ niyaku, minsan ya matoy, llum du sina ya pabalik.

Yahiya 14:3

Pus ku mintu manyapan kaam, boꞌ ku sa pabeleng ngokoman kaam supaya nnoy-nnoy mman ku, ndooy du mman bi.

Yahiya 14:6

Tampung si Isa, “Aku na bitu lān na. Damikiyan, aku du kabanahan sampay poonan kaallum. Yaꞌ sina luu takka pa mman Mmaꞌ ku bong saꞌ aku lān tinūs.

Yahiya 17:24

“Maꞌ, kainagon ku sila ma bay halap nu niyaku wā dambuwaꞌ ka aku. Meꞌ looy ilay, takita da na ehe kabantugan ku, yana kabantugan bay pamuwan nu niyaku sabap ndang kakasi nu ku yaꞌ gi bay pinapayak junyaꞌ.

Yahiya 20:31

Sugaꞌ kasohean lay patabeꞌ ku ntuu supaya kam pitsayaꞌ si Isa yana Almasi, maka iya Anak Tuhan. Batan bong ina kam pitsayaꞌ na niiya, malaingkan koleꞌ kam kasampulnaan nyawa saumu-umu.

Salsila siga Rasul 3:15

Boꞌ ilooy ma poonan kaallum ma yaꞌ luu katapusan na, iya ya bay papatoy bi. Lipara luu du Tuhan bay makallum iya. Kami itu, kon kami kabāꞌ mattan llum na ya pabalik batan kami mismu bay kasakup.

Suwat si Pol pa mman Baanan Sukuꞌ si Isa ndooy ni Rom 8:18

Sugaꞌ kumpas ku, siga kamalasahiyan ma lingkaan tabi ni batnaa, sibuꞌ du ka yaꞌ luu bong binista ka kaayaran ka kabantugan takoleꞌ tabi bbos-bbos.

Suwat si Pol pa mman Baanan Sukuꞌ si Isa ndooy ni Rom 8:19

Llaw looy ilay mintu pag palahil Tuhan na kaayaran ka kabantugan ma bay hinalliꞌ ni siga anak na, tud mahap na saꞌ alang-alang. Minsan mimon-mimon ma bay pinapayak ni junyaꞌ, balnyawa maka saꞌ balnyawa, dari ko ngawon, pinagdautan du meꞌ da llaw looy mintu.

1 Korin 1:7

Boꞌ na, ni hāl siga ladjikiꞌ ma pamuwan Rū Sutsiꞌ, yaꞌ na luu kulang bi samasakali halloman bi ngagad ni katakka Papuꞌ tabi si Isa Almasi.

1 Korin 15:43

Baran tabi itu ma llabbong, sallahan maka kulang basag. Sugaꞌ pag taabut tabi ina pinakallum, luu na baran tabi ma sukup kabantugan ka kawasa.

2 Korin 4:17

Na siga kabinsanaan ma tatasan tabi itu batnaa, tabilang maggaan du bong binista ka ehe kabantugan ma ngagad kitabi. Kabantugan looy ilay mintu natas samumu-umu, boꞌ kabinsanaan njataꞌ tabi batnaa pingkaꞌ jaꞌ du.

Galatiya 2:20

Pag batnaa, Almasi na llum ni baran ku, saꞌ na aku. Sangkon kahandak na jaꞌ bean ku, saꞌ na kahandak ku. Maka batnaa, halloman ku llum, mangando jaꞌ ku ni Anak Tuhan. Batan maaseꞌ ya niyaku sampay lay na ga paglillaꞌ na dī na pinapatoy kalnaꞌ aku.

Pilipi 3:21

Maka iya du agad tabi nganggantian baran tabi ma sallahan ka baran ma llum saumu-umu meꞌ karuha niiya. Iya ilay buwat meꞌ looy ni kaehe kawasa na magbayaꞌ ni jataꞌ mimon-mimon.

1 Tesaloneka 4:17

Pag-anu, boꞌ kitabi ma masi llum haboy-haboy na ka sila inangkat pa jawom tayiꞌ baliyu nampang iya ni antalaan. Dari labba mandooy ilay mintu, dambuwaꞌ na kitabi ka iya saumu-umu.

1 Timuti 6:14

Amay-amay ilagan nu dī nu mari yaꞌ luu man umanat mahap pasal si Isa binuwat kalabbiyan. Subay bogbogan nu kasutsian nu mari yaꞌ luu tamak ni umanat mahap ngabut sampay katakka Papuꞌ tabi si Isa Almasi.

2 Timuti 1:1

Ituu itu aku, yana si Pol, disu rasul si Isa Almasi man kahandak Tuhan. Aku itu bay sinohoꞌ meꞌ Tuhan masaplag pasal kaallum bahau ma bay njanjiꞌ meꞌ Tuhan ni soysoy ma tibuuk ka si Isa Almasi.

2 Timuti 4:8

Dari pag batnaa, ndang luu na silay haddiya ginalla karuna kaintongan hinalliꞌ niyaku. Boꞌ ndean du silay mintu aku meꞌ huwis looy ma patingkat intong, yana Papuꞌ Isa pag taabut llaw hukuman. Sugaꞌ saꞌ du baw sina mintu sat aku kabuwanan haddiya meꞌ looy, arapun sampay mimon ma bay magkainagon ni katakka Papuꞌ, mastiꞌ kabuwanan du.

Taytus 2:13

Ilooy ilay siꞌ subay isbat tabi sasang tabi ngagad llaw kagak-gāk ma pinagdautan meꞌ tabi. Awnan ku ilay siꞌ katakka si Isa Almasi, yana Tuhan tabi Sangat Kawasa ma tukang nalamat kitabi.

Hibrani 9:28

Damikiyan Almasi pun, sakayi du bay matoy mari tatanggung na dusa manusiyaꞌ. Pabeleng gi du ya ni sinōng, sugaꞌ saꞌ na maksud na mintu nanggung dusa. Arapun ilooy sa kon na lahil pabalik supaya tasalamat na sagannap ma ngagad ni katakka na.

1 Pitel 1:13

Dari pagka lay na kam sinalamat leꞌ Tuhan, patattogun bi na pamiki bi makutuꞌ kahandak na, maka agakun bi dī bi. Maka daa kam jamu ngaholat ni supaat ma ndean kaam pag beleng si Isa Almasi.

1 Pitel 5:4

Meꞌ naa ina, koleꞌ jaꞌ sina kam mintu kabantugan ma yaꞌ kuhi baluba saumu yana tungbas ndean kaam ni katakka panghuluꞌ siga tukang ipat, yana Almasi.

1 Yahiya 2:28

Siga anak, darahan bi na pin meꞌ bi dambuwaꞌ atay ka Almasi supaya pag takka na, yaꞌ luu kinatawuhan meꞌ bi maka yaꞌ luu danan man bi iyaꞌ siawop ka iya.

1 Yahiya 3:2

Siga kakasi ku, batnaa anak Tuhan na situ kitabi, sugaꞌ yaꞌ gi baw bay pinalahil ningkitabi bong pooy kadari tabi bbos-bbos. Ilooy du katoonan tabi, pag beleng Almasi, meꞌ iya na du kitabi batan takita tabi na sina mintu bong pooy kadari na banahan.

1 Yahiya 5:12

Sangkon soysoy tibuuk ka Anak na, luu na kaallum looy mman na. Sugaꞌ soysoy yaꞌ tibuuk ka Anak na, yaꞌ du luu kaallum looy mman na.

Suwat Lakka man si Jūd 1:24

Pudji tabi Tuhan. Iya na sina katabang ningkitabi supaya yaꞌ na kitabi taboo-boo buwat dusa. Damikiyan, iya na du sina kapuwasan dusa tabi supaya yaꞌ na luu sutsutan njataꞌ tabi pag mintu taabut tabi nangge ni awpan sahayaꞌ na. Ndooy ilay mintu ni pag-awpan na, tud gāk na kitabi saꞌ alang-alang.

Siga Pakaradjaan bay Pinalahil 2:7

“Na kaam ma pakale, kannahun bi paayad halling Rū Tuhan ningkaam siga baanan sukuꞌ ku. “Soysoy ina kanaalla mmeꞌ niyaku tanne-pasuꞌ, malaingkan buwanan ku ya kapatut mangan buwaꞌ kayu looy ma muwan kaallum ma yaꞌ luu katapusan na ndooy ni sulgaꞌ.”

Siga Pakaradjaan bay Pinalahil 22:1

Pag-anu siꞌ, pinakitahan na baw ku meꞌ malaikat looy disu sōng ma muwan kaallum saumu boheꞌ na. Sōng looy siꞌ nginggat na maka tallak meꞌ sammin na, pōꞌ man paningkoan Tuhan ka Bili-bili looy.

Siga Pakaradjaan bay Pinalahil 22:14

“Njawom supaat sina sagannap ma mopoan juba da mari yaꞌ na luu tamak na, batan binuwanan sila kapatut pingkaꞌ man siga lawang paasok pa jawom daira looy. Maka binuwanan du sila kapatut mangan buwaꞌ kayu looy ma muwan kaallum ma yaꞌ luu katapusan na.